ಕಲಬುರಗಿ: ದಿನನಿತ್ಯ ಎಲ್ಲಾ ವಾರ್ಡಗಳಲ್ಲಿ ಸ್ವಚ್ಚತೆ ಕಾಪಾಡುವುದರ ಮೂಲಕ ಬಹಳಷ್ಟು ಪರಿಶ್ರಮ ಪಟ್ಟು ನಿಸ್ವಾರ್ಥ ಮನೋಭಾವದಿಂದ ಕರ್ತವ್ಯ ನಿರ್ವಹಿಸಿ ಬಡಾವಣೆಯನ್ನು ಸ್ವಚ್ಚವಾಗಿಡುವತ್ತ ಕಾಯಕ ಮಾಡುತ್ತಿರುವ ಪೌರಕಾರ್ಮಿಕರಿಗೆ ನಗರದ ಆಳಂದ ರಸ್ತೆಯಲ್ಲಿರುವ ಕೆ.ಹೆಚ್.ಬಿ ಗ್ರೀನ್ ಪಾರ್ಕ ಬಡಾವಣೆಯಲ್ಲಿ ಪೋಲಿಸ್ ಸಬ್-ಇನ್ಸ್ಪೆಕ್ಟರ್ ಪುಂಡಲೀಕ ನಾಯಕ ಅವರು ದಿನಸಿ ವಿತರಣೆ ಮಾಡಿ ಮುತ್ತಿನ ಹಾರ ಹಾಕಿ ಸನ್ಮಾನಿಸಿ ಗೌರವಿಸಿದರು.
ನಗರದ ಸ್ವಚ್ಚತೆ ಮತ್ತ ಜನರ ಆರೋಗ್ಯವನ್ನು ಕಾಪಾಡುವ ಕೆಲಸ ಮಾಡುವ ಕಾರ್ಮಿಕರೇ ನಗರದ ಮುಖ್ಯಶಕ್ತಿ . ಗಡಿಯಲ್ಲಿ ಯೋಧರು ನಮ್ಮನ್ನು ರಕ್ಷಿಸಿದರೆ, ಪೌರ ಕಾರ್ಮಿಕರು ಸ್ವಚ್ಛತೆ ಮೂಲಕ ನಮ್ಮನ್ನು ರಕ್ಷಿಸುತ್ತಿದ್ದಾರೆ ಎಂದು ಬಡಾವಣೆಯ ಅದ್ಯಕ್ಷ ಸಂಜೀವಕುಮಾರ ಶೆಟ್ಟಿ ತಿಳಿಸಿದರು.
ಕಾರ್ಯಕ್ರಮದಲ್ಲಿ ಬಾಲಕೃಷ್ಣ ಕುಲಕರ್ಣಿ, ಡಿ.ವಿ ಕುಲಕರ್ಣಿ, ಶಿವಾನಂದ ಪಾಟೀಲ್, ರಮೇಶ ಕೋರಿಶೆಟ್ಟಿ, ಬಸವರಾಜ ಹೆಳವರ ಯಾಳಗಿ, ರಾಜಶೇಖರ ಜಕ್ಕಾ, ರಮೇಶ ಬಸ್ಕಾವರೆ, ರಾಜೇಶ ನಾಗಬುಜಂಗೆ, ಶಿವಶರಣಪ್ಪ ಅರಿಕೇರಿ, ಸುದಿಂದ್ರ ಕುಲಕರ್ಣಿ ಹಾಗೂ ಇನ್ನಿತರರು ಭಾಗವಹಿಸಿದ್ದರು.