ಸುರಪುರ: ಶಾಸಕರು ಹಾಗೂ ಕರ್ನಾಟಕ ನಗರ ನೀರು ಸರಬರಾಜು ಮಂಡಳಿ ಅಧ್ಯಕ್ಷರಾದ ನರಸಿಂಹ ನಾಯಕ ರಾಜುಗೌಡ ಹಾಗೂ ಅವರ ಸಹೋದರ ಹಣಮಂತ ನಾಯಕ ಬಬ್ಲೂಗೌಡ ಅವರ ಜನ್ಮ ದಿನಾಚರಣೆ ಅಂಗವಾಗಿ ಹಲವು ಕಾರ್ಯಕ್ರಮಗಳನ್ನು ಹಮ್ಮಿಕೊಳ್ಳಲಾಗಿದೆ ಎಂದು ಜಿ.ಪಂ ಮಾಜಿ ಅಧ್ಯಕ್ಷ ರಾಜಾ ಹನುಮಪ್ಪ ನಾಯಕ (ತಾತಾ) ತಿಳಿಸಿದರು.
ನಗರದ ಬಿಜೆಪಿ ಕಚೇರಿಯಲ್ಲಿ ಸುದ್ದಿಗೋಷ್ಠಿ ನಡೆಸಿ ಮಾತನಾಡಿ,ತಾಯಿ ತಿಮ್ಮಮ್ಮ ಗೌಡತಿ ಮೆಮೋರೆಬಲ್ ಹಾಗೂ ಚಾರಿಟೆಬಲ್ ಟ್ರಸ್ಟ್ ವತಿಯಿಂದ ಇದೇ 26ನೇ ತಾರೀಖು ಹಣಮಂತ ನಾಯಕ ಬಬ್ಲುಗೌಡ ಅವರ ಜನ್ಮ ದಿನಾಚರಣೆ ಅಂಗವಾಗಿ ಹುಣಸಗಿಯಲ್ಲಿ ಬರಹತ್ ಆರೋಗ್ಯ ತಪಾಸಣಾ ಶಿಬಿರ ಹಾಗೂ 27ನೇ ತಾರೀಖು ಶಾಸಕ ರಾಜುಗೌಡರ ಜನ್ಮ ದಿನಾಚರಣೆ ಅಂಗವಾಗಿ ನಗರದ ಹಸನಾಪುರ ಪೆಟ್ರೋಲ್ ಬಂಕ್ ಬಳಿಯಲ್ಲಿನ ರಾಜನಂದ ನಗರ ಬೆಂಗಳೂರು ಆಸ್ಪತ್ರೆ ಬಳಿಯಲ್ಲಿ ಬೃಹತ್ ಆರೋಗ್ಯ ತಪಾಸಣಾ ಶಿಬಿರ,ನೇತ್ರ ತಪಾಸಣಾ ಶಿಬಿರ,ಹೃದಯ ಪತಾಸಣಾ ಶಿಬಿರ ಅಗತ್ಯವಿರುವವರಿಗೆ ಶಸ್ತ್ರ ಚಿಕಿತ್ಸೆಯನ್ನೂ ನಂತರದಲ್ಲಿ ಮಾಡಿಸಲಾಗುವುದು ಎಂದು ತಿಳಿಸಿದರು.ಯುನೈಟೆಡ್ ಆಸ್ಪತ್ರೆ ಕಲಬುರ್ಗಿಯ ವೈದ್ಯರು ತಪಾಸಣಾ ಶಿಬಿರದಲ್ಲಿರಲಿದ್ದಾರೆ.ಅದೇ ದಿನ ಸಂಜೆ ರಸಮಂಜರಿ ಕಾರ್ಯಕ್ರಮವನ್ನೂ ನಡೆಸಲಾಗುವುದು ಎಂದು ತಿಳಿಸಿದರು.ಹುಟ್ಟು ಹಬ್ಬ ಎನ್ನುವುದು ಕೇವಲ ನೆಪ ಅಷ್ಟೆ ನಮ್ಮ ಶಾಸಕರ ಕಾಳಜಿಯಂತೆ ಬೃಹತ್ ಆರೋಗ್ಯ ತಪಾಸಣಾ ಶಿಬಿರದ ಮೂಲಕ ಇಡೀ ಕ್ಷೇತ್ರದ ಜನರಲ್ಲಿ ಅಗತ್ಯ ಇರುವವರಿಗೆ ವೈದ್ಯಕೀಯ ನೆರವು ನೀಡುವುದೆ ಮೂಲಕ ಉದ್ದೇಶವಾಗಿದೆ ಎಂದರು.
ಇದೇ ಸಂದರ್ಭದಲ್ಲಿ ಯುವ ಮುಖಂಡ ಶಂಕರ ನಾಯಕ ಮಾತನಾಡಿ,27ನೇ ತಾರೀಖು ಸಂಜೆ ರಸಮಂಜರಿ ಕಾರ್ಯಕ್ರಮ ನಡೆಯಲಿದ್ದು ಖ್ಯಾತ ನಟರಾದ ಶರಣ್,ಲವ್ಲಿಸ್ಟಾರ್ ಪ್ರೇಮ್,ಖ್ಯಾತ ಗಾಯಕ ರಾಜೇಶ್ ಕೃಷ್ಣನ್ ,ಸವಿತಾ ಮಲ್ನಾಡ್,ಪೃಥ್ವಿ ಭಟ್ ಹಾಗೂ ಚನ್ನಪ್ಪ ,ನಿರ್ದೇಶಕ ತರುಣ್ ಸುಧೀರ್,ಕಾಮಿಡಿ ನಟರಾದ ರಾಘವೇಂದ್ರ ಅವರು ಕಾರ್ಯಕ್ರಮ ನಿರೂಪಣೆಯನ್ನು ಖ್ಯಾತ ನಟ ಮಾಸ್ಟರ್ ಆನಂದ ನಡೆಸಿಕೊಡಲಿದ್ದಾರೆ ಎಂದರು.ಅಲ್ಲದೆ ಜನ್ಮ ದಿನಾಚರಣೆ ಅಂಗವಾಗಿ ನಗರದ ವಿವಿಧ 5 ಪ್ರಮುಖ ಸ್ಥಳಗಳಲ್ಲಿ ಅನ್ನ ಸಂತರ್ಪಣೆ ನಡೆಯಲಿದೆ ಎಂದು ತಿಳಿಸಿದರು.
ಈ ಸಂದರ್ಭದಲ್ಲಿ ಮುಖಂಡರಾದ ವೇಣುಮಾಧವ ನಾಯಕ,ರಾಜಾ ಪಾಮ ನಾಯಕ,ದೊಡ್ಡ ದೇಸಾಯಿ,ನಗರಸಭೆ ಉಪಾಧ್ಯಕ್ಷ ಮಹೇಶ ಪಾಟೀಲ್,ರಾಜಾ ರಂಗಪ್ಪ ನಾಯಕ,ಕಿಶೋರ್ ಚಂದ್ ಜೈನ್,ಶ್ರೀನಿವಾಸ ನಾಯಕ ದರಬಾರಿ,ಈಶ್ವರ ನಾಯಕ,ನರಸಿಂಹಕಾಂತ ಪಂಚಮಗಿರಿ,ಸಲೀಂ ವರ್ತಿ,ರಂಗನಗೌಡ ಪಾಟೀಲ್ ಸೇರಿದಂತೆ ಅನೇಕರಿದ್ದರು.