ಕಲಬುರಗಿ : ಅಂದಶ್ರದ್ಧೆ, ಮೂಡನಂಬಿಕೆ ಹಾಗೂ ಅಸ್ಪøಶ್ಯತೆ ನಿರ್ಮೂಲನೆಗೆ ಶ್ರಮಿಸಿದ ದಿ ಬಿ ಶ್ಯಾಮಸುಂದರ ಅವರ ತತ್ವಾದರ್ಶಗಳನ್ನು ಪ್ರತಿಯೊಬ್ಬರು ತಮ್ಮ ಜೀವನದಲ್ಲಿ ಅಳವಡಿಸಿಕೊಂಡು ಮುನ್ನಡೆಯಬೇಕು ಎಂದು ಗುವಿವಿ ಸಮಾಜ ವಿಜ್ಞಾನ ವಿಭಾಗದ ಡೀನ್ ಡಾ. ವಿ ಟಿ ಕಾಂಬಳೆ ಅವರು ಇಂದಿಲ್ಲಿ ಕರೆ ನೀಡಿದರು.
ನಗರದ ಕನ್ನಡ ಸಾಹಿತ್ಯ ಪರಿಷತ್ತಿನ ಕನ್ನಡ ಭವನದಲ್ಲಿ ದಿ. ಗುರುಶಾಂತ ಪಟ್ಟೇದಾರ ವೇದಿಕೆಯಲ್ಲಿ ಕರ್ನಾಟಕ ಸಮತಾ ಸೈನಿಕ ದಳ ಏರ್ಪಡಿಸಿದ ದಿ, ಬಿ ಶ್ಯಾಮಸುಂದರ ಅವರ 114ನೇ ಜಯಂತುತ್ಸವ ಕಾರ್ಯಕ್ರಮ ಉದ್ಘಾಟಿಸಿ ಅವರು ಮಾತನಾಡಿದರು.
ಡಾ.ಬಾಬಾಸಾಹೇಬ ಅಂಬೆಡ್ಕರವರ ವಿಚಾರಧಾರೆಗಳಿಂದ ಪ್ರಭಾವಿತರಾದ ಶ್ಯಾಮಸುಂದರವರು ನಿರಂತರವಾಗಿ ಅಸ್ಪøಶ್ಯತೆ ನಿವಾರಣೆಗಾಗಿ ಹೋರಾಟಗಳನ್ನು ಕೈಗೊಂಡರು. ಸಮಾಜದ ಗುಲಾಮಗಿರಿ ಪದ್ಧತಿ ಕಿತ್ತೆಸೆದು ಹೊಸ ಸಮಾಜದ ಕನಸು ಕಂಡಿದವರು. ನಮ್ಮ ಯುವ ಪೀಳಿಗೆಗೆ ಶ್ಯಾಮಸುಂದರವರ ಜೀವನ ಮತ್ತು ಸಾಧನೆಗಳ ಕುರಿತು ಜಾಗೃತಿ ಮೂಡಿಸಬೇಕಾಗಿದೆ ಎಂದರು.
ಆರ್‍ಪಿಐ(ಅ) ರಾಜ್ಯಧ್ಯಕ್ಷ ಎ ಬಿ ಹೊಸಮನಿ ಮಾತನಾಡಿ, ಮಹಾತ್ಮರ ವಿಚಾರಗಳು ತಪ್ಪದೇ ಅನುಸರಿಸಬೇಕು. ಸಮಾಜದ ಅಭಿವೃದ್ಧಿಗೆ ಶ್ರಮಿಸಿ ಜಾತಿ ನಿರ್ಮೂಲನೆಗೆ ಶ್ರಮಿಸಿದವರು ಎಂದರು. ಸಾಹಿತಿ ಧರ್ಮಣ್ಣ ಎಚ್ ಧನ್ನಿ ಅವರು, ಗುಲಬರ್ಗಾ ವಿವಿಯಲ್ಲಿ ಬಿ ಶ್ಯಾಮಸುಂದರವರ ಅಧ್ಯಯನ ಪೀಠವೊಂದು ಸ್ಥಾಪಿಸಬೇಕೆಂಬ ಬಹುದಿನಗಳ ಬೇಡಿಕೆ ಈಡೇರಬೇಕಾಗಿದೆ. ಶೀಘ್ರವೇ ಈ ಪೀಠ ಸ್ಥಾಪನೆಯಾಗಲಿ ಎಂದು ಆಶಯ ವ್ಯಕ್ತ ಪಡಿಸಿದರು.
ನಿವೃತ್ತ ವೈದ್ಯಾಧಿಕಾರಿ ಡಾ.ದೇವೇಂದ್ರಪ್ಪ ಕಮಲಾಪೂರಕರ್ ಅಧ್ಯಕ್ಷತೆ ವಹಿಸಿ ಮಾತನಾಡಿದರು. ಮಹಿಳಾ ಮತ್ತು ಮಕ್ಕಳ ಕಲ್ಯಾಣ ಇಲಾಖೆಯ ಉಪನಿರ್ದೇಶಕ ಪ್ರೇಮಾನಂದ ಚಿಂಚೋಳಿಕರ್, ನಿವೃತ್ತ ವೈದ್ಯಾಧಿಕಾರಿ ಡಾ. ಎಚ್ ಬಿ ಕೋಸಗಿ, ನಿವೃತ್ತ ಪ್ರಧ್ಯಾಪಕ ಡಾ. ಶಾಂತಮಲ್ಲಪ್ಪ ಹೊನ್ನುಂಗರ, ಗುವಿಕ ಸಿಂಡಿಕೆಟ್ ಮಾಜಿ ಸದಸ್ಯ ಸುನೀಲ ವಂಟಿ, ಸಮತಾ ಸೈನಿಕ ದಳದ ಜಿಲ್ಲಾಧ್ಯಕ್ಷ ಈರಣ್ಣ ಜಾನಿ, ಶೀಲಾ ಗಾಯಕವಾಡ ಉಪಸ್ಥಿತರಿದ್ದರು.
ಕರ್ನಾಟಕ ಸಮತಾ ಸೈನಿಕ ದಳದ ವಿಭಾಗೀಯ ಅಧ್ಯಕ್ಷ ಸಂಜೀವಕುಮಾರ ಟಿ ಮಾಲೆ ಅವರು ಪ್ರಾಸ್ತಾವಿಕವಾಗಿ ಮಾತನಾಡಿದರು. ಬುದ್ಧವಿಹಾರದ ಸಂಘಾನಂದ ಭಂತೇಜಿ ಅವರು ಸಾನಿದ್ಯ ವಹಿಸಿದರು. ಸಂಗೀತ ಕಲಾವಿದರಾದ ಎಂ ಎನ್ ಸುಗಂಧಿ ರಾಜಾಪೂರ ಹಾಗೂ ಜೈ ಭೀಮ ಸಾವಳಗಿ ಅವರಿಂದ ಬಿ. ಶ್ಯಾಮಸುಂದರರ ಕುರಿತು ಕ್ರಾಂತಿ ಗೀತೆಗಳು ಹಾಡಿದರು. ನಂತರ ವಿವಿಧ ಕ್ಷೇತ್ರಗಳಲ್ಲಿ ಸಾಧನೆ ಮಾಡಿದ ಗಣ್ಯರಿಗೆ ಸತ್ಕರಿಸಲಾಯಿತು. ಮಿಲಿಂದ ಕಣಮಸ್ ನಿರೂಪಿಸಿ ವಂದಿಸಿದರು.