ಚಿತ್ತಾಪುರ: ಭಾರತೀಯ ದಲಿತ ಪ್ಯಾಂಥರ್ ಚಿತ್ತಾಪೂರ ತಾಲೂಕ ಸಮಿತಿ ವತಿಯಿಂದ ಟಿಪ್ಪು ಸುಲ್ತಾನ್ ಜಯಂತಿ ರದ್ದು ಆದೇಶ ಹಿಂಪಡೆಯಲು ಹಾಗೂ ರಾಜ್ಯದಲ್ಲಿ ಸಚಿವ ಸಂಪುಟ ರಚನೆ ಮಾಡಲು ಒತ್ತಾಯಿಸಿ ಇಂದು ತಹಶೀಲ್ ಕಚೇರಿಯ ಮುಂದೆ ಪ್ರತಿಭಟನೆ ನಡೆಸಿದರು.
ಈ ಸಂದರ್ಭದಲ್ಲಿ ಸಮಿತಿಯ ತಾಲೂಕು ಅಧ್ಯಕ್ಷ ಗಂಗಾಧರ ಮಾಡಬೂಳ ಮಾತನಾಡಿ, ಯಡಿಯೂರಪ್ಪ ಸರಕಾರ ಟಿಪ್ಪು ಜಯಂತಿ ಆಚರಣೆ ರದ್ದು ಪಡಿಸಿದ್ದು ಸಮಿತಿ ಖಂಡಿಸುತ್ತದೆ ಎಂದು ತಿಳಿಸಿ ರಾಜ್ಯದಲ್ಲಿ ಟಿಪ್ಪು ಜಯಂತಿ ಆಚರಿಸಬೇಕೆಂದು ಒತ್ತಾಯಿಸಿದರು.
ರಾಜ್ಯದಲ್ಲಿ ಪ್ರವಾಹ ಪ್ರದೇಶಗಳಲ್ಲಿನ ಜನ ಪ್ರವಾಹದಿಂದ ತತ್ತರಿಸುತ್ತಿದ್ದು, ಸಂಪುಟ ರಚನೆ ಇಲ್ಲದೆ ಜನರು ಸಮಸ್ಯೆಗೆ ಕಿವಿ ಇಲ್ಲದಂತಾಗಿದೆ ಎಂದು ಅವರು ಈ ಸಂದರ್ಭದಲ್ಲಿ ಆಕ್ರೋಶ ವ್ಯಕ್ತಪಡಿಸಿ, ಕೂಡಲೇ ಯಡಿಯೂರಪ್ಪ ಅವರು ಸಂಪುಟ ರಚನೆ ಮಾಡಬೇಕೆಂದು ಒತ್ತಾಯಿಸಿ ತಾಲ್ಲೂಕು ದಂಡಾಧಿಕಾರಿಗಳ ಮೂಲಕ ಸರಕಾರಕ್ಕೆ ಒತ್ತಾಯಿಸಿದರು.
ಈ ಸಂದರ್ಭದಲ್ಲಿ ಭರತ್ ಬುಳ್ಳ, ಕಾಶಿನಾಥ್ ದಿವಂಟಗಿ, ಶರಣು ಉಡಗಿ, ಕಾಶಿನಾಥ್ ಶೆಳ್ಳಗಿ, ದಿನೇಶ್ ಮೊಘಾ, ನವೀನ್ ಕುಮಸಿ, ಸೋಮು ಸಣ್ಣೂರ್, ಕಾಶಿ ವಚ್ಚಾ, ಕರಣ ಕೋರವಾರ, ಸುಧಿರ್ ದಂಡೋತಿ, ರಾಹುಲ್ ಅಂಗನಳ್ಳಿ, ರಾಹುಲ್ ಹದನೂರ್, ಉಮೇಶ್ ಸಜ್ಜನ್, ಶಿವಯೋಗಿ ಕೊಳ್ಳುರ್ ಸೇರಿದಂತೆ ಮುಂತಾದವರು ಇದ್ದರು.