ಕಲಬುರಗಿ: ನಾವು ಭೌತಿಕ ಸಂಪತ್ತು ಎಷ್ಟಾದರೂ ಗಳಿಸಿ, ಅದನ್ನು ಅನುಭವಿಸಲು ಆರೋಗ್ಯ ಕಳೆದುಕೊಂಡರೆ ಪ್ರಯೋಜನೆಯಿಲ್ಲ. ಆರೋಗ್ಯ ಸಂಪತ್ತೊಂದಿದ್ದರೆ ಎಲ್ಲಾ ಸಂಪತ್ತಿದ್ದಂತೆ. ಇಂದಿನ ಒತ್ತಡ ಬದುಕಿನಲ್ಲಿ ನಿಗದಿತ ಸಮಯದಲ್ಲಿ ಊಟ, ವಿಶ್ರಾಂತಿಯಿಲ್ಲದೆ ಅರೋಗ್ಯ ಕೆಡಿಸಿಕೊಳ್ಳುವ ಸಂದರ್ಭ ಉಂಟಾಗುತ್ತಿದೆ. ಆದ್ದರಿಂದ ಪ್ರತಿಯೊಬ್ಬರು ತಮ್ಮ ಕೆಲಸ-ಕಾರ್ಯಗಳ ಜೊತೆಗೆ ಆರೋಗ್ಯದತ್ತ ಗಮನಹರಿಸಿ, ಕಾಪಾಡಿಕೊಳ್ಳುವುದು ಅಗತ್ಯವಾಗಿದೆ ಎಂದು ಕೆಕೆಆರ್‍ಡಿಬಿ ಅಧ್ಯಕ್ಷ ದತ್ತಾತ್ರೇಯ ಸಿ.ಪಾಟೀಲ ರೇವೂರ್ ಹೇಳಿದರು.
ಸಮಾಜ ಸೇವಕ, ಜಿಲ್ಲಾ ಯುವ ಸಂಘಗಳ ಒಕ್ಕೂಟದ ಅಧ್ಯಕ್ಷ ಡಾ.ಸುನೀಲಕುಮಾರ ಎಚ್.ವಂಟಿ ಅವರ 53ನೇ ಜನ್ಮದಿನದ ಪ್ರಯುಕ್ತ ಬಸವೇಶ್ವರ ಸಮಾಜ ಸೇವಾ ಬಳಗ, ಹೈದ್ರಾಬಾದ ಕರ್ನಾಟಕ ಸಿದ್ದಾರ್ಥ ಸೇವಾ ಸಂಘ, ಸುಜಯ್ ಶಿಕ್ಷಣ ಮತ್ತು ಕಲ್ಯಾಣ ಸಂಸ್ಥೆ, ರಂಗಾಂತರಂಗ ಸಾಂಸ್ಕøತಿಕ ಕಲಾ ಸಂಘ, ಕೆಎಚ್‍ಬಿ ಗ್ರೀನ್ ಪಾರ್ಕ ಕ್ಷೇಮಾಭಿವೃದ್ಧಿ ಸಂಘ, ಅಂತರಂಗ ಸಾಂಸ್ಕøತಿಕ ಕಲಾ ಸಂಘ, ಅಕ್ಕಮಹಾದೇವಿ ಕಲಾ ಸಾಂಸ್ಕøತಿಕ ಸಾಹಿತ್ಯ ಮಹಿಳಾ ಸಂಘ ಇವೆಲ್ಲವುಗಳ ಸಂಯುಕ್ತ ಆಶ್ರಯದಲ್ಲಿ ಎಸ್.ನಿಜಲಿಂಗಪ್ಪ ದಂತ ವಿಜ್ಞಾನ ಮಹಾ ವಿದ್ಯಾಲಯದ ಸಹಯೋಗದೊಂದಿಗೆ ನಗರದ ಟೌನ್ ಹಾಲ್ ಆವರಣದಲ್ಲಿ ಮಹಾನಗರ ಪಾಲಿಕೆಯ ಪೌರ ಕಾರ್ಮಿಕರಿಗೆ ಶುಕ್ರವಾರ ಏರ್ಪಡಿಸಲಾಗಿದ್ದ ಉಚಿತ ದಂತ ತಪಾಸಣೆ ಶಿಬಿರಕ್ಕೆ ಚಾಲನೆ ನೀಡಿ ಅವರು ಮಾತನಾಡಿದರು.
ಡಾ.ಸಾರಂಗಧರ ದೇಶಿಕೇಂದ್ರ ಸ್ವಾಮೀಜಿ ಮಾತನಾಡಿ, ಸಮಾಜದಲ್ಲಿರುವ ದುರ್ಬಲ ವರ್ಗದವರಿಗೆ ಆರೋಗ್ಯ ತಪಾಸಣೆ ಜರುಗುವ ಮೂಲಕ ಆರೋಗ್ಯಪೂರ್ಣ ಸಮಾಜ ನಿರ್ಮಾಣಕ್ಕೆ ಪ್ರಯತ್ನಿಸುತ್ತಿರುವ ಕಾರ್ಯ ಶ್ಲಾಘನೀಯವಾಗಿದೆ. ಡಾ.ವಂಟಿ ಅವರಲ್ಲಿರುವ ಸಮಾಜಪರ ಕಾಳಜಿ ಮಾದರಿಯಾಗಿದೆ. ಯಾವುದೇ ಆಚರಣೆ ಅರ್ಥಪೂರ್ಣವಾಗಿರಬೇಕು. ಜನ್ಮದಿನ ಒಂದು ನೆಪ ಮಾತ್ರ. ಪೌರ ಕಾರ್ಮಿಕರಿಗೆ ದಂತ ಚಿಕಿತ್ಸಾ ಕಾರ್ಯ ಶಾಶ್ವತವಾದದ್ದು. ಇಂತಹ ಕಾರ್ಯಗಳು ನಿರಂತರವಾಗಿ ಜರುಗಬೇಕಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ದ್ವಿದಳ ಧಾನ್ಯ ನಿಗಮದ ಅಧ್ಯಕ್ಷ ವಿದ್ಯಾಸಾಗರ ಶಾಬಾದಿ, ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಅವಿನಾಶ ಕುಲಕರ್ಣಿ, ಪ್ರಮುಖರಾದ ಸಿದ್ದಾಜಿ ಪಾಟೀಲ, ಸೂರಜಸಿಂಗ್ ತಿವಾರಿ, ಎಚ್.ಬಿ.ಪಾಟೀಲ, ಡಾ.ಸದಾನಂದ ಪಾಟೀಲ, ವೆಂಕಟೇಶ ರಂಗಂಪೇಟ್, ಸಂಜೀವಕುಮಾರ ಮಾಲೆ, ಜಯಶ್ರೀ ಎಸ್.ವಂಟಿ, ಎಸ್.ಬಿ.ಹರಿಕೃಷ್ಣ, ಅಭಯ ಪ್ರಕಾಶ, ಶಿವಯೋಗಪ್ಪ ಬಿರಾದಾರ, ಬಸಯ್ಯಸ್ವಾಮಿ ಹೊದಲೂರ, ದೇವೆಂದ್ರಪ್ಪ ಗಣಮುಖಿ, ಬಸವರಾಜ ಎಸ್.ಪುರಾಣೆ, ನಂದಕುಮಾರ ತಳಕೇರಿ, ಸುಜಯ್ ಎಸ್.ವಂಟಿ, ಸಾಯಿಪ್ರಸಾದ ಎಸ್.ವಂಟಿ, ಸಾನ್ವಿ ಎಸ್.ವಂಟಿ, ಶಾಂತಾಬಾಯಿ ಅಗಸ್ಥ್ಯತೀರ್ಥ, ಸುಜಾತಾ ವಿ.ರಂಗಂಪೇಟ್, ಅನೀಲಕುಮಾರ ಎಂಟಮನಿ, ಕಲ್ಯಾಣಕುಮಾರ ಎಂಟಮನಿ, ಪೀರಪ್ಪ ದೊಡ್ಡಮನಿ ಸೇರಿದಂತೆ ಮುಂತಾದವರು ಭಾಗವಹಿಸಿದ್ದರು.