ಯಾದಗಿರಿ: ಅಬ್ಬೆತುಮಕುರ ವಿಶ್ವರಾಧ್ಯ ಸಂಸ್ಥಾನಮಠದ ಪಿಠಾಧಿಪತಿಗಳಾದ ಪೂಜ್ಯ ಶ್ರೀ ಡಾ. ಗಂಗಾಧರ ಶಿವಾಚಾರ್ಯ ಮಹಾಸ್ವಾಮಿಗಳಾದ ಹುಟ್ಟು ಹಬ್ಬ ನಿಮಿತ್ಯ ಇಂದು ಶ್ರೀಮಠದಲ್ಲಿ ಪ್ರವಾಹ ಸಂತ್ರಸ್ತರಿಗೆ ಬಟ್ಟೆ, ವಸ್ತ್ರ, ಹಣ್ಣು ಹಂಪಲಗಳನ್ನು ವಿತರಿಸುವ ಮೂಲಕ ಆಚರಿಸಲಾಯಿತು.
ಕರ್ನಾಟಕ ನವನಿರ್ಮಾಣ ವೇದಿಕೆ ಹಾಗೂ ಸಗರನಾಡು ಸೇವಾ ಪ್ರತಿಷ್ಠಾನ ವತಿಯಿಂದ ಆಯೋಜಿಸಿದ್ದ ಪೂಜ್ಯರ ಹುಟ್ಟುಹಬ್ಬ ಸಮಾರಂಭದಲ್ಲಿ ಪ್ರವಾಹ ಹಾನಿಗೊಳಗಾಗಿ ಅನೇಕ ಜನ ಬೀದಿಪಾಲಾಗಿದ್ದಾರೆ, ಉತ್ತರ ಕರ್ನಾಟಕಕ್ಕೆ ತುಂಬಲಾರದ ನಷ್ಟವಾಗಿದ್ದು ಆಹಿನ್ನಲೆಯಲ್ಲಿ ಸರಳವಾಗಿ ಪೂಜ್ಯರ ಹುಟ್ಟುಹಬ್ಬವನ್ನು ಆಚರಿಸುವ ಮೂಲಕ, ಹುಟ್ಟು ಹಬ್ಬದ ನಿಮಿತ್ಯ ವಡಿಗೇರಾ ತಾಲೂಕಿನ ಪ್ರವಾಹ ಸಂತ್ರಸ್ತರಿಗೆ ಹಣ್ಣು ಹಂಪಲಗಳನ್ನು, ಬಟ್ಟೆ ಮತ್ತು ವಸ್ತ್ರಗಳನ್ನು ಜೊತೆಗೆ ಶ್ರೀ ಮಠದ ವಿದ್ಯಾರ್ಥಿಗಳಿಗೆ, ಸಿಹಿ ವಿತರಿಸುವ ಮೂಲಕ ಆಚರಿಸಲಾಯಿತು.
ಈ ಸಂದರ್ಭದಲ್ಲಿ ಕರ್ನಾಟಕ ನವ ನಿರ್ಮಾಣ ವೇದಿಕೆಯ ವಿಭಾಗಿಯ ಅಧ್ಯಕ್ಷ ಶಿವರಾಜ ಕಲಿಕೇರಿ, ಸಗರನಾಡು ಸೇವಾ ಪ್ರತಿಷ್ಠಾನ ಅಧ್ಯಕ್ಷ ಪ್ರಕಾಶ ಅಂಗಡಿ ಕನ್ನೆಳ್ಳಿ, ಪ್ರಮುಖರಾದ ಎಸ್.ಎಸ್. ಮಿಂಚನಾಳ, ಮಲ್ಲಣ್ಣ ಸಾಹು ಮುಧೋಳ್, ಸಿದ್ದುಪಾಟೀಲ್, ನರಸಪ್ಪ ನಾಯಕ, ನಾಗಭೂಷಣ ಯಾಳಗಿ, ಮೌನೇಶ ಐನಾಪೂರ, ಶಿವರಾಜ ದಾಸನಕೇರಿ, ಆಕಾಶ ಕಟ್ಟಿಮನಿ, ಬಸವರಾಜ ಚನ್ನಪಟ್ನ ಸೇರಿದಂತೆ ಇತರರು ಇದ್ದರು.