ಅಫಜಲಪೂರ: ತಾಲೂಕಿನ ಕರಜಗಿ ಗ್ರಾಮದಲ್ಲಿ ಕ್ರಾಂತಿವೀರ ಸಂಗೋಳ್ಳಿ ರಾಯಣ್ಣ ಯುವಕ ಸಂಘದ ವತಿಯಿಂದ ರಾಯಣ್ಣನವರ ಜಯಂತಿ ಆಚರಿಸಲಾಯಿತು.
ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಸೈನಿಕ ಕಾಶಿನಾಥ ಬಬಲಾದ ಕ್ರಾಂತಿವೀರ ಸಂಗೊಳ್ಳಿ ರಾಯಣ್ಣ ದೇಶಕ್ಕಾಗಿ ಪ್ರಾಣ ತ್ಯಾಗ ಮಾಡಿದ ಮಹಾನ್ ಯೋಧನಾಗಿದ್ದು, ದೇಶ ರಕ್ಷಣೆಗಾಗಿ ಅನೇಕ ಹೊರಾಟಗಳನ್ನು ಮಾಡಿ ವಿಜಯ ಪತಾಕೆಯನ್ನು ಹಾರಿಸಿದ ಮಹಾನ್ ದೇಶ ಪ್ರೇಮಿ ಅವರ ದೇಶ ಪ್ರೇಮದ ಆದರ್ಶ ಗುಣಗಳನ್ನು ಇಂದಿನ ಯುವಕರು ಅಳವಡಿಸಿಕೊಳ್ಳಬೇಕು.
ಬ್ರಿಟೀಷ ಸೈನ್ಯವನ್ನು ಕ್ಷಣಾರ್ಧದಲ್ಲಿಯೇ ಎದುರಿಸುವ ಸಾಮರ್ಥ್ಯ ರಾಯಣ್ಣನಲ್ಲಿತ್ತು. ಸಾಮನ್ಯ ಸೈನಿಕನಾಗಿದ್ದು, ದುಷ್ಠ ಬ್ರಿಟೀಷರ ಎದೆ ನಡುಗಿಸಿದ. ದೇಶಕ್ಕಾಗಿ ಹೋರಾಡಿ ಅಲ್ಪಾವಧಿಯಲ್ಲೆಯೇ ಪ್ರಾಣವನ್ನೆಕೊಟ್ಟ ದಿಟ್ಟ ಹೋರಾಟಗಾರನಾಗಿದ್ದನೆಂದು ಹೇಳಿದರು.
ಇದೇ ಸಂದರ್ಭದಲ್ಲಿ ಚಿಕ್ಕ ಮಕ್ಕಳಿಂದ ಕಿತ್ತೂರರಾಣಿ ಚನ್ನಮ್ಮ ಹಾಗೂ ಕ್ರಾಂತಿವೀರ ಸಂಗೋಳ್ಳಿ ರಾಯಣ್ಣನವರ ಹೋರಾಟದ ಕೆಲವು ನೆನಪು ನಾಟಕದ ಮೂಲಕ ಪ್ರದರ್ಶನ ಮಾಡಿದರು.
ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷ ಲಕ್ಷ್ಮಣ ಬಳಗಾರ, ಕಾರ್ಯದರ್ಶಿ ಖಾಜಪ್ಪ ಬಳಗಾರ, ಉಪಾಧ್ಯಕ್ಷ ಮಾಳಪ್ಪ ಅಂಜುಟಗಿ, ಸೇರಿದಂತೆ ಇತರರು ಇದ್ದರು