ಕಲಬುರಗಿ: ಸಹಚರರೊಂದಿಗೆ ಸೇರಿ ಸುಲಿಗೆ ಮಾಡಿದ್ದ ಕುಖ್ಯಾತ ಸುಲಿಗೆಕೋರನಿಗೆ ಪೋಲಿಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಬಂಧಿತನಿಗೆ ಬಿಸಿಎ ವಿದ್ಯಾರ್ಥಿ ವಿನೇಶಕುಮಾರ್ ಹಾಜಣ್ಣಾ ಬಾಜಿಕರ್ (22) ಎಂದು ಗುರುತಿಸಲಾಗಿದೆ.
ಬಂಧಿತನಿಂದ ಸುಮಾರು ೨.೨೦ ಲಕ್ಷ ರೂ.ಗಳ ನಗದು, ಕೃತ್ಯಕ್ಕೆ ಬಳಸುತ್ತಿದ್ದ ಎನ್ನಲಾದ ಒಂದು ಲಕ್ಷ ರೂ.ಗಳ ಮೌಲ್ಯದ ದ್ವಿಚಕ್ರವಾಹನವನ್ನು ಪೋಲಿಸರು ವಶಪಡಿಸಿಕೊಂಡಿದ್ದಾರೆ.
Contact Your\'s Advertisement; 9902492681
ಬಂಧಿತ ಆರೋಪಿಯು ನಗರದ ಶಹಾಬಜಾರ್ ಬಡಾವಣೆಯ ಹರಿಜನವಾಡಾದ ಬಸವಲಿಂಗ್ ನಗರದ ನಿವಾಸಿ ಮತ್ತು ಬಿಸಿಎ ವಿದ್ಯಾರ್ಥಿ ಎಂದು ತಿಳಿದುಬಂದಿದೆ.
ಪ್ರಕರಣದಲ್ಲಿನ ಇನ್ನುಳಿದ ಆರೋಪಿಗಳು ಪರಾರಿಯಾಗಿದ್ದು, ಅವರ ಪತ್ತೆ ಕಾರ್ಯಾಚರಣೆಯನ್ನು ಪೋಲಿಸರು ಮುಂದುವರೆಸಿದ್ದಾರೆ. ಚೌಕ್ ಪೋಲಿಸ್ ಠಾಣೆಯ ಪಿಐ ಶಕೀಲ್ ಅಹ್ಮದ್ ಅಂಗಡಿ ಹಾಗೂ ಸಿಬ್ಬಂದಿಗಳಾದ ಸಿರಾಜೋದ್ದೀನ್ ಪಟೇಲ್, ಉಮೇಶ್, ರಾಜಕುಮಾರ್, ಸಿದ್ರಾಮಯ್ಯ, ಸೈಯದ್ ತೌಸೀಫ್ ಹುಸೇನ್ ಅವರು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸುವಲ್ಲಿ ಯಶಸ್ವಿಯಾದರು.