ಕಲಬುರಗಿ: ಈ ಜಗತ್ತಿನಲ್ಲಿ ಕ್ರಾಂತಿಯನ್ನು ತರುವಲ್ಲಿ ಕಲೆ ಯಾವಾಗಲೂ ಪ್ರಮುಖ ಪಾತ್ರ ವಹಿಸುತ್ತದೆ ಮತ್ತು ಭಾμÉ ಯಾವುದೇ ಧರ್ಮಕ್ಕೆ ಸೇರಿಲ್ಲ ಎಂದು ಸಾಮಾಜಿಕ ಕಾರ್ಯಕರ್ತೆ ನೀಲಾ ಕೆ ಅವರು ಹೇಳಿದರು.
ಸೋಮವಾರ ಹಿದಾಯತ್ ಸೆಂಟರ್‍ನಲ್ಲಿ ಈದ್ ಮಿಲಾದ್ (ಪ್ರವಾದಿ ಮುಹಮ್ಮದ್ ಅವರ ಜನ್ಮದಿನ) ಅಂಗವಾಗಿ ಆಯೋಜಿಸಲಾದ 4 ನೇ ಇಸ್ಲಾಮಿಕ್ ಕಲಾ ಪ್ರದರ್ಶನದಲ್ಲಿ ಅವರು ತಮ್ಮ ಅಧ್ಯಕ್ಷೀಯ ಭಾಷಣದಲ್ಲಿ ಮಾತನಾಡಿದರು.ಹಲವಾರು ಸಮುದಾಯಗಳ ಕಲಾವಿದರು ವಿಭಿನ್ನ ಚಿತ್ರಗಳ ಮೂಲಕ ತಮ್ಮ ಆಲೋಚನೆಗಳನ್ನು ಪ್ರದರ್ಶಿಸಿದ್ದು ಸಂತೋಷದ ಕ್ಷಣವಾಗಿದೆ ಎಂದು ಅವರು ಹೇಳಿದರು. ಒಗ್ಗಟ್ಟು ಇಂದಿನ ದಿನಗಳಲ್ಲಿ ಅತ್ಯಂತ ಮುಖ್ಯವಾಗಿದೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.
ಎರಡು ದಿನಗಳ ಕಲಾ ಪ್ರದರ್ಶನದಲ್ಲಿ ಕಲಬುರಗಿ, ಚಿತ್ರದುರ್ಗ, ಧಾರವಾಡ, ಹುಮನಾಬಾದ್, ಬೀದರ್, ಬಿಜಾಪುರ, ಬಸವಕಲ್ಯಾಣ, ಶಹಾಪುರ ಸೇರಿದಂತೆ ರಾಜ್ಯದ 32 ಕಲಾವಿದರು ತಮ್ಮ ಕಲಾಕೃತಿಗಳನ್ನು ಪ್ರದರ್ಶಿಸಿದ್ದಾರೆ ಎಂದು ಪ್ರದರ್ಶನದ ಸಂಚಾಲಕ ಮಹಮ್ಮದ್ ಅಯಾಜೋದ್ದೀನ್ ಪಟೇಲ್ ವಿವರಿಸಿದರು.
ಬಹಮನಿ ಫೌಂಡೇಶನ್ ಅಧ್ಯಕ್ಷ ರಿಜ್ವಾನ್ ಉರ್ ರೆಹಮಾನ್ ಸಿದ್ದಿಕಿ ಪ್ರದರ್ಶನವನ್ನು ಉದ್ಘಾಟಿಸಿದರು.ಖ್ಯಾತ ಕಲಾವಿದ ಬಸವರಾಜ ಆರ್.ಉಪ್ಪಿನ್, ಜೀ ಮೌಂಟ್ ಲಿಟರಾ ಶಾಲೆಯ ಅಧ್ಯಕ್ಷ ತಾಹೆರ್ ಅಲಿ, ಸರ್ಕಾರಿ ನಿವೃತ್ತ ಅಲ್ಪಸಂಖ್ಯಾತ ನೌಕರರ ಸಂಘದ ಅಧ್ಯಕ್ಷ ಸೈಯದ್ ನಜೀರುದ್ದೀನ್ ಮುತವಳ್ಳಿ, ಎಂಜಿನಿಯರ್ ಅಬ್ದುಲ್ ಕಾದರ್ ಅತಿಥಿಗಳಾಗಿದ್ದರು.
ಖ್ಯಾತ ಕಲಾವಿದ ಸುಬ್ಬಯ್ಯ ನೀಲಾ, ರಾಜಶೇಖರ್ ಶಾಮಣ್ಣ, ರೆಹಮಾನ್ ಪಟೇಲ್, ಶಾಹೆದ್ ಪಾμÁ, ಶೇಕ್ ಅಹ್ಸಾನ್, ಕಹಕಶನ್ ನಜನೀನ್, ದಾದಾಪೀರ್, ವೀರಶೆಟ್ಟಿ ಮಾಲಿಪಾಟೀಲ್, ಸೈಯದ್ ಮುಸ್ತಫಾ, ಬಿಎನ್ ಪಾಟೀಲ್, ಅರ್ಮಾಖಾನ್ ಸೇರಿದಂತೆ ಹಲವರು ಪ್ರದರ್ಶನದಲ್ಲಿ ಪಾಲ್ಗೊಂಡಿದ್ದರು.
ಪ್ರದರ್ಶನವು ಸಾರ್ವಜನಿಕರಿಗೆ ಸೆಪ್ಟೆಂಬರ್ 18 ರವರೆಗೆ ಬೆಳಿಗ್ಗೆ 10.30 ರಿಂದ ಸಂಜೆ 7 ರವರೆಗೆ ತೆರೆದಿರುತ್ತದೆ.