ಶಹಾಪುರ: ಯುವ ಬರಹಗಾರ ರಾಘವೇಂದ್ರ ಹಾರಣಗೇರಾ ಸಂಪಾದಿತ “ಸಮನ್ವಯ ಚೇತನ” ಸೈಯದ್ ಚಾಂದಸಾಬ ಇನಾಮದಾರ (ಪೂಲ್ ಛಡಿ) ಅಭಿನಂದನ ಗ್ರಂಥ ಬಿಡುಗಡೆ ನಾಳೆ 20-10-2019ರಂದು ನಗರದ ಸಿ.ಬಿ.ಕಾಲೇಜು ಆವರಣದಲ್ಲಿ ಬೆಳಗ್ಗೆ 10.30ಕ್ಕೆ ಹಮ್ಮಿಕೊಳ್ಳಲಾಗಿದೆ ಎಂದು ಕಾರ್ಯಕ್ರಮದ ಆಯೋಜಕರು ತಿಳಿಸಿದ್ದಾರೆ.
ಚರಬಸವೇಶ್ವರ ಸಂಸ್ಥಾನದ ಬಸವಯ್ಯ ಶರಣರು, ಗೋಗಿ ಚಂದಾಹುಸೇನಿ ದರ್ಗಾದ ಸೈಯದ್ ಮಹ್ಮದ್ ಹುಸೇನಿ, ಶಹಾಪುರದ ಸೈಯದ್ ಷಾ ಮೆಮೂದ್ ಹುಸೇನಿ, ಹೊನ್ನಳ್ಳಿ ಗದ್ದುಗೆ ಮಠದ ಕಲ್ಯಾಣದಯ್ಯ ಸ್ವಾಮೀಜಿ ಸಾನ್ನಿಧ್ಯ ವಹಿಸಲಿದ್ದಾರೆ ಎಂದು ಅವರು ತಿಳಿಸಿದ್ದಾರೆ. ಶಾಸಕ ಶರಣಬಸಪ್ಪಗೌಡ ದರ್ಶನಾಪುರ ಈ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ಚರಬಸವೇಶ್ವರ ವಿದ್ಯಾವರ್ಧಕ ಸಂಸ್ಥೆ ಅಧ್ಯಕ್ಷ ಬಸವರಾಜಪ್ಪಗೌಡ ದರ್ಶನಾಪುರ ನೇತೃತ್ವ ವಹಿಸಲಿದ್ದಾರೆ. ಹಿರಿಯ ಸಾಹಿತಿ ಡಾ. ಕಾಶಿನಾಥ ಅಂಬಲಗಿ ಕೃತಿ ಬಿಡುಗಡೆ ಮಾಡಲಿದ್ದಾರೆ. ಕೃತಿ ಕುರಿತು ಡಾ. ಅಪ್ಪಗೆರೆ ಸೋಮಶೇಖರ ಮಾತನಾಡಲಿದ್ದಾರೆ ಎಂದು ತಿಳಿಸಿದ್ದಾರೆ.
ಚರಬಸವೇಶ್ವರ ಸಂಸ್ಥೆಯ ಆಡಳಿತಾಧಿಕಾರಿ ಭೀಮನಗೌಡ ಇಟಗಿ, ಜಾನಪದ ವಿದ್ವಾಂಸ ಕಾಶೀನಾಥರೆಡ್ಡಿ ಎಚ್, ಪ.ಪೂ. ಕಾಲೇಜು ಶಿಕ್ಷಣ ಇಲಾಖೆ ನಿವೃತ್ತ ಉಪನಿರ್ದೇಶಕ ಅಡಿವೆಪ್ಪ ಚಿಂಚೋಳಿ, ಕಲಬುರಗಿಯ ಗೋದುತಾಯಿ ಮಹಿಳಾ ಪದವಿ ಕಾಲೇಜಿನ ಪ್ರಾಚಾರ್ಯರಾದ ಡಾ. ನೀಲಾಂಬಿಕಾ ಶೇರಿಕಾರ, ಡಿಡಿಯು ಶಿಕ್ಷಣ ಸಂಸ್ಥೆ ಅಧ್ಯಕ್ಷ ಭೀಮಣ್ಣ ಮೇಟಿ, ರಂಗ ಚಿಂತಕಿ ಡಾ. ಸುಜಾತಾ ಜಂಗಮಶೆಟ್ಟಿ, ಯುವ ಮುಖಂಡ ಮಹ್ಮದ್ ಇಬ್ರಾಹಿಂ ಶಿರವಾಳ, ಪತ್ರಕರ್ತ ರಾಹುಲ್ ಬೆಳಗಲಿ, ಸಾಹಿತ್ಯ ಚಿಂತಕ ಡಾ. ಬಸವರಾಜ ಇಜೇರಿ, ಚರಬಸವೇಶ್ವರ ಪ್ರೌಢ ಶಾಲೆಯ ಮುಖ್ಯಗುರು ಭಾಗಪ್ಪ ಸಿ ಮುಖ್ಯ ಅತಿಥಿಗಳಾಗಿ ಆಗಮಿಸಲಿದ್ದು,ಚರಬಸವೇಶ್ವರ ಪದವಿಪೂರ್ವ ಕಾಲೇಜಿನ ಪ್ರಾಚಾರ್ಯ ಧರ್ಮಣ್ಣಗೌಡ ಬಿರಾದಾರ ಅಧ್ಯಕ್ಷತೆ ವಹಿಸಲಿದ್ದಾರೆ ಎಂದು ಅವರು ತಿಳಿಸಿದ್ದಾರೆ.
ಇದೇವೇಳೆಯಲ್ಲಿ ವಿಶ್ರಾಂತ ಅಧ್ಯಾಪಕರಿಗೆ, ಯುವ ಸಾಧಕರಿಗೆ ಸನ್ಮನಿಸಲಾಗುವುದು ಎಂದು ಅವರು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.