ಶರಣ ಮಾರ್ಗ ಶ್ಲಾಘಿಸಿದ ಟಿ.ಎಸ್. ನಾಗಾಭರಣ
ಬೆಂಗಳೂರು: ಖ್ಯಾತ ಚಲನಚಿತ್ರ ನಿರ್ದೇಶಕ ಹಾಗೂ ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷ ಟಿ.ಎಸ್. ನಾಗಾಭರಣ ಅವರು ಶರಣ ಮಾರ್ಗ ಪತ್ರಿಕೆಯ ಬಗ್ಗೆ ತಮ್ಮ ಮೆಚ್ಚುಗೆ ವ್ಯಕ್ತಪಡಿಸಿದರು.
ಇಂದು ಬೆಳಗ್ಗೆ ರವೀಂದ್ರ ಕಲಾ ಕ್ಷೇತ್ರದಲ್ಲಿ ನಡೆದ ಕಾರ್ಯಕ್ರಮದ ನಂತರ ಪತ್ರಿಕೆಯ ಸಹ ಸಂಪಾದಕ ಹಾಗೂ ನ್ಯಾಯವಾದಿ ಸಂತೋಷ ಸತ್ಯಂಪೇಟೆ ಜೊತೆ ಈ ವಿಷಯವನ್ನು ಹಂಚಿಕೊಂಡ ಅವರು, ನನ್ನ ವಿಳಾಸಕ್ಕೆ ನಿಮ್ಮ ಸಹೋದರ ಶಿವರಂಜನ್ ಸತ್ಯಂಪೇಟೆ ಅವರು ಶರಣ ಮಾರ್ಗ ಪತ್ರಿಕೆ ಕಳಿಸುತ್ತಿದ್ದು, ಈ ಹಿಂದೆ ಅಲ್ಲಮನ ಸಿನಿಮಾ ನಿರ್ದೇಶಿಸುವ ವೇಳೆ ಅವರನ್ನು ಸಂಪರ್ಕಿಸಿದ್ದೆ ಎಂಬುದನ್ನು ಸ್ಮರಿಸಿಕೊಂಡರು.
ಶರಣ ಮಾರ್ಗ ಪತ್ರಿಕೆಯನ್ನು ಓದಿ, ಪತ್ರಿಕೆ ಇನ್ನಷ್ಟು ಎತ್ತರಕ್ಕೆ ಬೆಳೆಯಲಿ ಎನ್ನುವದಕ್ಕಿಂತ ಎಲ್ಲಾ ಶರಣರ ಪರಿಚಯಿಸುತ್ತ ಮನದ ಕತ್ತಲೆ ಕಳೆಯಲಿ ಎಂದು ಹೇಳಿದರು.
ಈ ವೇಳೆ ಮತ್ತೊಬ್ಬ ನ್ಯಾಯವಾದಿ ದೇವರಾಜ ಚೆಟ್ಟಿ, ಸುಭಾಷ್ ರಾಂಪೂರ, ಭೀಮರಾಜ ಮರೆಪ್ಪ, ದೇವರಾಜ ಚಟ್ಟಿ, ವಕೀಲರು ಹಾಗೂ ಕನ್ನಡ ಸಂಘದ ಸದಸ್ಯರು ಸೇರಿದಂತೆ ಇತರರು ಇದ್ದರು.
