ಸುರಪುರ: ಕ್ಷೇತ್ರದ ಹಾಗು ನಾಡಿನ ಜನತೆ ಬಗ್ಗೆ ಅಪಾರವಾದ ಕಾಳಜಿ ಮತ್ತು ಜನರ ಸೌಖ್ಯವನ್ನು ಬಯಸುವ ನಮ್ಮ ಕ್ಷೇತ್ರದ ಜನಪ್ರೀಯ ಶಾಸಕರಾದ ರಾಜುಗೌಡರ ಮಾರ್ಗದರ್ಶನದಂತೆ ಟೀಂ ಎನ್‌ಆರ್‌ಜಿ ವತಿಯಿಂದ ನಗರದಲ್ಲಿಯ ಬಡವರು ನಿರ್ಗತಿಕರು ಮತ್ತು ವಲಸಿಗರಿಗಾಗಿ ನಿತ್ಯವು ಅನ್ನ ಆಹಾರ ಮತ್ತು ಅಕ್ಕಿ ಬೇಳೆ ತರಕಾರಿ ಮತ್ತಿತರೆ ವಸ್ತುಗಳನ್ನು ಉಚಿತವಾಗಿ ವಿತರಿಸಲಾಗುತ್ತಿದೆ ಎಂದು ರಾಜುಗೌಡರ ಅಭಿಮಾನಿ ಮುಖಂಡ ಶರಣು ಹಸನಾಪುರ ಮಾತನಾಡಿದರು.
ನಗರದ ಹಸನಾಪುರದ ಜನತೆಗೆ ಆಹಾರ ಧಾನ್ಯಗಳ ವಿತರಿಸಿ ಮಾತನಾಡಿ,ಕೊರೊನಾ ಭಿತಿಯಿಂದ ಜನರು ಕೆಲಸವಿಲ್ಲದೆ ಮನೆಯಲ್ಲಿಯೆ ಇರುವ ಮೂಲಕ ಜೀವನ ಸಾಗಿಸುವುದು ಕಷ್ಟಕರವಾಗಿದೆ,ಇದನ್ನು ಅರಿತ ಶಾಸಕರು ನಮಗೆಲ್ಲ ಮಾರ್ಗದರ್ಶನ ಮಾಡಿದ್ದರಿಂದ ಇಂದು ಎಲ್ಲೆಡೆ ಉಚಿತ ಆಹಾರ ಧಾನ್ಯ ಮತ್ತಿತರೆ ವಸ್ತುಗಳ ವಿತರಿಸಲಾಗುತ್ತಿದೆ.
ಜನರು ಇವುಗಳನ್ನು ಉಪಯೋಗಪಡಿಸಿಕೊಂಡು ದಯವಿಟ್ಟು ಭಾರತ ಲಾಕ್‌ಡೌನ್ ಇರುವುದರಿಂದ ಮನೆಯಲ್ಲಿಯೆ ಇದ್ದು ಕೊರೊನಾ ನಿರ್ಮೂಲನೆಗೆ ಸಹಕರಿಸುವಂತೆ ಮನವಿ ಮಾಡಿದರು.ನಗರದ ಸುಮಾರು ನಲವತ್ತಕ್ಕು ಹೆಚ್ಚು ಕುಟುಂಬಗಳಿಗೆ ಆಹಾರ ಧಾನ್ಯಗಳ ವಿತರಿಸಿದರು.ಈ ಸಂದರ್ಭದಲ್ಲಿ ಸೂಗು ಸಜ್ಜನ್,ಮಹೇಶ ಹಸನಾಪುರ ಸೇರಿದಂತೆ ಅನೇಕರಿದ್ದರು.