ಚಿತ್ತಾಪುರ: ವಿಶ್ವದಾದ್ಯಂತ ಕೊರೊನ್ ವೈರಸ್ ಹಾವಳಿಯಿಂದ ಸಾವಿರಾರು ಜನ ಮರಣ ಹೊಂದಿರುವುದನ್ನು ಗಮನಿಸಿ ಪಟ್ಟಣದಲ್ಲಿ ಕೊರೊನ್ ವೈರಸ್ ನಿಯಂತ್ರಣದಲ್ಲಿ ತಮ್ಮ ಜೀವನದ ಹಂಗು ತೊರೆದು ಸೇವೆ ಸಲ್ಲಿಸುತ್ತಿರುವ ಆರೋಗ್ಯ, ಪೊಲೀಸ್, ಪೌರಕಾರ್ಮಿಕ, ಪತ್ರಕರ್ತರ, ಹಾಗೂ ಕಂದಾಯ ಎಲ್ಲಾ ಇಲಾಖೆ ಸಿಬ್ಬಂದಿಗಳಿಗೆ, ಬಿಜೆಪಿ ಪಕ್ಷದ ತಾಲೂಕು ಅಧ್ಯಕ್ಷ ನೀಲಕಂಠರಾವ್ ಪಾಟೀಲ್ ನೇತೃತ್ವದಲ್ಲಿ ಉಚಿತವಾಗಿ 1,000 ಮಾಸ್ಕ್ ಮತ್ತು ಕೆಲವು ಸ್ಯಾನಿಟೈಜರಗಳು ವಿತರಿಸಲಾಯಿತು.
ಈ ಸಂದರ್ಭದಲ್ಲಿ ಯಾರು ಮನೆಯಿಂದ ಹೊರಗೆ ಬರಬಾರದು ಅವಶ್ಯಕತೆ ಇದ್ದರೆ ಮಾತ್ರ ಮಾಸ್ಕ್ ಧರಿಸಿಕೊಂಡು ಬರಬೇಕು, ಇದು ಒಂದು ಸಾಂಕ್ರಾಮಿಕ ರೋಗವಾಗಿದ್ದು ಬಹುಬೇಗನೆ ಒಬ್ಬರಿಂದ ಇನ್ನೊಬ್ಬರಿಗೆ ಹರಡುತ್ತದೆ, ಕೈಗಳನ್ನು ಸ್ವಚ್ಛವಾಗಿ ತೊಳೆದುಕೊಳ್ಳಬೇಕು, ಜನದಟ್ಟಣೆಯಿಂದ ದೂರ ಇರಬೇಕು, ಮನೆಯ ಸುತ್ತಮುತ್ತ ಸ್ವಚ್ಛತೆ ಕಾಪಾಡಿಕೊಳ್ಳಬೇಕು ಎಂದು ಸಾಮಾಜಿಕ ಅಂತರ ಕಾಯ್ದುಕೊಂಡು ಜಾಗೃತಿ ಮೂಡಿಸಿದರು.
ಈ ವೇಳೆ ಮಲ್ಲಿಕಾರ್ಜುನ್ ಎಮ್ಮೆನೋರು, ನಾಗರಾಜ್ ಹೂಗಾರ್, ಮಹೇಶ್ ಬಟಗೇರಿ, ಪ್ರಭು ಗಂಗಾಣಿ, ಮಲ್ಲಿಕಾರ್ಜುನ್, ಶಾಮಮೇಧಾ, ಸೇರಿದಂತೆ ಇತರರು ಇದ್ದರು.