ಆಳಂದ: ತಾಲೂಕಿನಲ್ಲಿರುವ ಕಾಂಗ್ರೆಸ್ ಬೆಂಬಲಿತ 320 ಪಂಚಾಯ್ತಿ ಸದಸ್ಯರು, 13 ಪುರಸಬೆ ಸದಸ್ಯರು ಸೇರಿದಂತೆ ಎಲ್ಲಾ ಸ್ಥಳೀಯ ಸಂಸ್ಥೆ ಮತದಾರರು ಈ ಬಾರಿ ಕೈ ಹಿಡಿಯುವ ಮೂಲಕ ಶಿವಾನಂದ ಪಾಟೀಲರಿಗೆ ಪರಿಷತ್‍ಗೆ ಕಳುಹಿಸಬೇಕು ಎಂದು ಮಾಜಿ ಶಾಸಕ ಬಿಆರ್ ಪಾಟೀಲ್ ಕರೆ ನೀಡಿದ್ದಾರೆ.
ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು ಡಿ. 10 ರಂದ ನಡೆಯುವ ಎಂಎಲ್‍ಸಿ ಚುನಾವಣೆಯಲ್ಲಿ ಶಿವಾನಂದ ಮರತೂರ ಅವರಿಗೆ ಮತ ನೀಡಿ ಬಹುಮತದಿಂದ ಆರಿಸಿ ತನ್ನಿ ಹಾಗೂ ನಮ್ಮ ತಾಲ್ಲೂಕಿನ ಕಾಂಗ್ರೆಸ್ ಬೆಂಬಲಿತ ಸ್ಥಳೀಯ ಸಂಸ್ಥೆಗಳ ಪ್ರತಿನಿಧಿಗಳಲ್ಲಿ ಗ್ರಾಪಂಗಳಲ್ಲಿರುವ 320, ಪುರಸಭೆಯಲ್ಲಿರುವ 13 ಸದಸ್ಯರು ಸೇರಿದಂತೆ ಎಲ್ಲರೂ ಕಾಂಗ್ರೆಸ್‍ಗೆ ಮತ ಹಾಕಬೇಕು, ಇತರರಿಗೂ ಪ್ರೇರಣೆ ನೀಡಬೇಕಂದರು.
ಅಭ್ಯರ್ಥಿ ಶಿವಾನಂದ ಪಾಟೀಲ್ ಮರತೂರ ಮಾತನಾಡಿ ತಾವು ಗ್ರಾಪಂ, ಜಿಪಂ, ತಾಪಂ ನಾಗಿ , ಜಿಲ್ಲಾ ಪಂಚಾಯತಿನಲ್ಲಿ ವಿರೋಧ ಪಕ್ಷದ ನಾಯಕನಾಗಿ ಕೆಲಸ ಮಾಡಿz್ದÉೀನೆ. ಗ್ರಾಮ ಪಂಚಾಯತ ಸದಸ್ಯ ನೋವಿನ ಬಗ್ಗೆ ನನಗೆ ಅರಿವಿದೆ. ನನ್ನ ಅನುಭವನ್ನು ಉಪಯೋಗಿಸಿಕೊಂಡು ತಮ್ಮಗೆ ಸಹಾಯ ಮಾಡಲು ನನಗೆ ಒಂದು ಅವಕಾಶ ಕೊಡಿ ಎಂದು ಮನವಿ ಮಾಡಿದರು.
ಮಾಜಿ ಸಚಿವ್ ಶರಣಪ್ರಕಾಶ ಪಾಟೀಲ್ , ಅಲ್ಲಂಪ್ರಭು ಪಾಟೀಲ್ ಮಾತನಾಡಿದರು, ಪಕ್ಷದ ಮುಖಂಡರಾದ ಕೆಪಿಸಿಸಿ ಸದಸ್ಯ ಹಣಮಂತರಾವ ಭೂಸನೂರ, ರಾಜಶೇಖರ ಪಾಟೀಲ್ ಚಿತಲಿ, ಸಿದ್ಧರಾಮ ಪ್ಯಾಟಿ, ಗುರುಶರಣ ಪಾಟೀಲ್, ಮಲ್ಲಿಕಾರ್ಜುನ ಪೂಜಾರಿ, ಶಂಕರರಾವ ದೇಶಮುಖ, ಮಜರ ಹುಸೇನಿ, ರೇವಣಸಿದ್ಧಪ್ಪ ನಾಗೂರೆ ಇದ್ದರು. ಡಾ ರಾಜಶೇಖರ ಪಾಟೀಲ್ ಹೆಬಳಿ ನಿರೂಪಿಸಿದರು.