ಸುರಪುರ: ರಾಮ್ ಸೇನಾ ಸಂಘಟನೆಯ ನೇತೃತ್ವದಲ್ಲಿ ಇದೇ ೧೫ನೇ ತಾರೀಖು ನಗರದಲ್ಲಿ ಶೋಭಾಯಾತ್ರೆ ಹಮ್ಮಿಕೊಂಡಿದ್ದು ಎಲ್ಲರು ಭಾಗವಹಿಸುವಂತೆ ಸಂಘಟನೆಯ ಜಿಲ್ಲಾ ಅಧ್ಯಕ್ಷ ಶರಣು ನಾಯಕ ಡೊಣ್ಣಿಗೇರಾ ಮನವಿ ಮಾಡಿಕೊಂಡರು.
ನಗರದ ರಾಮ್ ಸೇನಾ ಕಚೇರಿಯಲ್ಲಿ ಈ ಕುರಿತು ಮಾತನಾಡಿ,ರಾಮ್ ಸೇನಾ ಸಂಘಟನೆ ಪ್ರತಿ ವರ್ಷದಂತೆ ಈ ವರ್ಷವೂ ಶ್ರೀರಾಮ ನವಮಿ ಅಂಗವಾಗಿ ಇದೇ ೧೫ನೇ ತಾರೀಖು ನಗರದ ಪ್ರಮುಖ ಬೀದಿಗಳಲ್ಲಿ ಶ್ರೀರಾಮರ ಹಾಗೂ ಶ್ರೀರಾಮಾಂಜನೆಯರ ಭಾವಚಿತ್ರಗಳ ಮೆರವಣಿಗೆ ಜೊತೆಗೆ ಬೃಹತ್ ಶೋಭಾಯಾತ್ರೆ ಜರುಗಲಿದೆ.ಆದ್ದರಿಂದ ಈ ಕಾರ್ಯಕ್ರಮದಲ್ಲಿ ಜಿಲ್ಲೆಯ ಎಲ್ಲಾ ಶ್ರೀರಾಮರ ಭಕ್ತರು ಹಾಗೂ ಹಿಂದು ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸುವಂತೆ ವಿನಂತಿಸಿದರು.
ಈ ಸಂದರ್ಭದಲ್ಲಿ ಸೇನೆಯ ರಾಜ್ಯ ಪ್ರಮುಖ ಬಸವ ಶಾಸ್ತ್ರಿ ಕೋನ್ಹಾಳ, ತಾಲೂಕು ಅಧ್ಯಕ್ಷ ಶರಣು ನಾಯಕ ದೀವಳಗುಡ್ಡ,ತಾ.ಪ್ರಧಾನ ಕಾರ್ಯದರ್ಶಿ ಹಂಪಯ್ಯ ಬೋನ್ಹಾಳ,ಜಿಲ್ಲಾ ಉಪಾಧ್ಯಕ್ಷ ಲೊಕೇಶ ಡೊಣ್ಣಿಗೇರಾ,ಈಶ್ವರಯ್ಯ ಸ್ವಾಮಿ ಜೈನಾಪುರ,ಶಿವು ಕೊನ್ಹಾಳ,ಮುತ್ತು ಸ್ವಾಮಿ,ವಿರೇಶ ರೆಡ್ಡಿ,ನಾಗರಾಜ ರೆಡ್ಡಿ,ಶಶಿಕುಮಾರ ಕೊನ್ಹಾಳ,ನಾಗು ತಿಂಥಣಿ,ಚಿನ್ನು ವೆಂಕಟಾಪುರ ಸೇರಿದಂತೆ ಅನೇಕರಿದ್ದರು.