ಶಹಾಬಾದ: ರಾಜ್ಯ ಸರ್ಕಾರಿ ನೌಕರರ ಸಂಘಟನೆಯ ರಾಜ್ಯಾಧ್ಯಕ್ಷ ಷಡಕ್ಷರಿ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ವ್ಯವಸ್ಥಿತವಾಗಿ ಪಿತೂರಿ ನಡೆಸಿ ಮಾಡಲಾಗಿರುವ ಅಪಪ್ರಚಾರ ಸತ್ಯಕ್ಕೆ ದೂರವಾಗಿದೆ ಅಲ್ಲದೆ ಈ ರೀತಿಯ ಅಪಪ್ರಚಾರ ಮಾಡುತ್ತಿರುವವರ ವಿರುದ್ಧ ಕಾನೂನು ಶಿಸ್ತು ಕ್ರಮ ಕೈಗೊಳ್ಳುವಂತೆ ಸರ್ಕಾರಕ್ಕೆ ಒತ್ತಾಯಿಸಿ ಗುರುವಾರ ತಾಲೂಕಾ ಸರಕಾರಿ ನೌಕರರ ಸಂಘದ ಅಧ್ಯಕ್ಷ ಈರಣ್ಣ ಕೆಂಭಾವಿ ನೇತೃತ್ವದಲ್ಲಿ ತಹಸೀಲ್ದಾರ ಗುರುರಾಜ ಸಂಗಾವಿ ಅವರಿಗೆ ಮನವಿ ಪತ್ರ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಈರಣ್ಣ ಕೆಂಭಾವಿ, ರಾಜ್ಯ ಸರ್ಕಾರಿ ನೌಕರರ ಅಭ್ಯುಧಯಕ್ಕಾಗಿ ಹಗಲಿರುಳು ಶ್ರಮಿಸುತ್ತಿರುವ ಸಂಘಟನೆಯ ರಾಜ್ಯಾಧ್ಯಕ್ಷರ ಜನಪ್ರೀಯತೆಯನ್ನು ಸಹಿಸಲಾರದೆ, ಸತ್ಯಕ್ಕೆ ದೂರವಾದ ಆರೋಪವನ್ನು ಜಾಲತಾಣಗಳಲ್ಲಿ ವಿವಿಧ ಇಲಾಖೆಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಐದು ಅಧಿಕಾರಿಗಳು ಅಪಪ್ರಚಾರ ಮಾಡುತ್ತಿರುವುದು ಶುದ್ಧ ಸುಳ್ಳು ಎಂದಿದ್ದಾರೆ. ಅಲ್ಲದೆ ನಕಲಿ ದಾಖಲೆ ಸೃಷ್ಟಿಸಿ ಸಂಘಕ್ಕೆ ಹಾನಿ ಉಂಟು ಮಾಡಿರುವುದರಿಂದ ಸಂಘಕ್ಕೆ ಆಡಳಿತಾಧಿಕಾರಿಗಳನ್ನು ನೇಮಿಸುವಂತೆ ಮಾಡಿರುವುದು ಅಧ್ಯಕ್ಷರ ತೇಜೋವಧೆ ಮಾಡುವ ದುರುದ್ಧೇಶದಿಂದ ಕೂಡಿದೆ ಎಂದರು.
ಆದ್ಧರಿಂದ ಆಧಾರ ರಹಿತ ಆರೋಪಗಳನ್ನು ಮಾಡಿದ ಶಾಂತಾರಾಮ, ಅಧೀನ ಕಾರ್ಯದರ್ಶಿ, ವಾಣಿಜ್ಯ ಮತ್ತು ಕೈಗಾರಿಕೆ ಇಲಾಖೆ(ಸಕ್ಕರೆ), ಸರ್ಕಾರ ಸಚಿವಾಲಯ, ಬೆಂಗಳೂರು, ಗುರುಸ್ವಾಮಿ, ಶಾಖಾಧಿಕಾರಿ, ಸರ್ಕಾರ ಸಚಿವಾಲಯ, ಬೆಂಗಳೂರು, ಮೆಹಬೂಬ್ ಬಾಷ ಎಂ. ಜಾನುವಾರು ಅಭಿವೃದ್ಧಿ ಅಧಿಕಾರಿ, ಪಶು ಆಸ್ಪತ್ರೆ, ರಾಯಚೂರು, ಶಿವರುದ್ರಯ್ಯ ವಿ.ವಿ. ಸೂಪರ್‍ವೈಜರ್, ಭೂಮಾಪನ ಇಲಾಖೆ, ಬೆಂಗಳೂರು, ನಿಂಗೇಗೌಡ್ರು, ಉಪನ್ಯಾಸಕರು.
ಸ.ಪ.ಪೂ.ಕಾಲೇಜು, ಅವ್ವೇರಹಳ್ಳಿ, ರಾಮನಗರ ಇವುರಗಳ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ಸರ್ಕಾರಕ್ಕೆ ಸೂಕ್ತ ಶಿಫಾರಸ್ಸುನೊಂದಿಗೆ ಆಗ್ರಹಿಸಿದರು.
ನೌಕರರ ಸಂಘದ ಬನ್ನಪ್ಪ ಸೈದಾಪೂರ, ಜಗನ್ನಾಥ ಹೊಸಮನಿ, ಶಾಂತಮಲ್ಲಪ್ಪ ಶಿವಬೋ, ಚನ್ನಬಸಪ್ಪ ಕೊಲ್ಲೂರ್, ವಿಜಯಲಕ್ಷ್ಮಿ ಪಾಟೀಲ, ರಿಹಾನಾ, ಪರ್ವಿನ್,ಸೈಯದ್ ಹಾಜಿ ಸೇರಿದಂತೆ ಅನೇಕರು ಇದ್ದರು.