ಕಲಬುರಗಿ: ರಾಜ್ಯದ ರೈತರ ಬಗ್ಗೆ ಕರ್ನಾಟಕದ ಕಾಂಗ್ರೆಸ್ ಸರ್ಕಾರದ ಅಸಡ್ಡೆ ವಿರುದ್ಧ ತೀವ್ರ ನಿಲುವು ತಳೆದಿದ್ದಾರೆ. ಇಂದು ರೈತಾಪಿ ಸಮುದಾಯದ ಒಗ್ಗಟ್ಟಿನ ಪ್ರದರ್ಶನದಲ್ಲಿ ಕಲಬುರಗಿ ಲೋಕಸಭಾ ಸದಸ್ಯ ಡಾ. ಉಮೇಶ ಜಾಧವ್ ಅವರು ನೇತೃತ್ವದಲ್ಲಿ ಜಿಲ್ಲೆಯ ಸೇಡಂ ಮತ್ತು ಕಲಬುರಗಿ ನಗರದಲ್ಲಿ ಬಿಜೆಪಿ ಕಾರ್ಯಕರ್ತರು ಜನರಿಗೆ ನೀಡಿದ ಭರವಸೆಗಳನ್ನು ಈಡೇರಿಸುವಲ್ಲಿ ಕಾಂಗ್ರೆಸ್ ಸರಕಾರ ವಿಫಲವಾಗಿದೆ ಎಂದು ಆರೋಪಿಸಿ ಪ್ರತಿಭಟನೆ ನಡೆಸಿದರು.
ಮಾಜಿ ಮುಖ್ಯಮಂತ್ರಿ ಬಿ.ಎಸ್. ಯಡಿಯೂರಪ್ಪ ರವರು ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿಯಿಂದ (PM-KISAN) ವಾರ್ಷಿಕ ₹ 6,000 ದಿಂದ ಪ್ರತ್ಯೇಕವಾದ ರೈತರಿಗೆ ₹ 4,000 ಹೆಚ್ಚುವರಿ ಆರ್ಥಿಕ ನೆರವು ನೀಡಿದರು, ಆದ್ರೆ ಇಂದಿನ ಸರ್ಕಾರ ಆ ಹೆಚ್ಚುವರಿ ನೆರವು ನೀಡಲು ವಿಫಲವಾಗಿದೆ ಎಂದು ಟೀಕಿಸಿದರು.
ಈ ಆರ್ಥಿಕ ನೆರವು ಕರ್ನಾಟಕದ ಕಷ್ಟಪಟ್ಟು ದುಡಿಯುವ ರೈತರ ಮೇಲಿನ ಆರ್ಥಿಕ ಹೊರೆಯನ್ನು ನಿವಾರಿಸಲು ವಿನ್ಯಾಸಗೊಳಿಸಲಾಗಿತ್ತು.
ಹಿಂದಿನ ಯಡಿಯುರಪ್ಪ ಹಾಗೂ ಬೊಮ್ಮಾಯಿ ಸರಕಾರ ಆರಂಭಿಸಿದ ವಿವಿಧ ರೈತ ಕಲ್ಯಾಣ ಯೋಜನೆಗಳನ್ನು ಕೈಬಿಟ್ಟಿರುವ ಬಗ್ಗೆ ಸೇಡಂನಲ್ಲಿ ನಡೆದ ಪ್ರತಿಭಟನಾ ಮೆರವಣಿಗೆಯಲ್ಲಿ ಜಾಧವ್ ಕಳವಳ ವ್ಯಕ್ತಪಡಿಸಿದರು.
“ಯಾವುದೇ ಜವಾಬ್ದಾರಿಯುತ ಸರ್ಕಾರಕ್ಕೆ ನಮ್ಮ ರೈತರ ಕಲ್ಯಾಣವು ಅತ್ಯಂತ ಮಹತ್ವದ್ದಾಗಿರಬೇಕು. ಪ್ರಸ್ತುತ ಸರ್ಕಾರ ಅವರ ಭರವಸೆಗಳಿಂದ ಹಿಂದೆ ಸರಿದಿದೆ ಮತ್ತು ನಮ್ಮ ರೈತರನ್ನು ಮೇಲಕ್ಕೆತ್ತುವ ಉದ್ದೇಶದ ರೈತರ ಕಲ್ಯಾಣ್ ಯೋಜನೆಯನ್ನು ಕೈಬಿಟ್ಟಿರುವುದನ್ನು ನೋದಿದರೆ ತುಂಬಾ ಬೇಸವಾಗುತ್ತದೆ ಎಂದರು.
ಮಾಜಿ ಶಾಸಕ ಸೇಡಂ ರಾಜಕುಮಾರ ಪಾಟೀಲ್ ತೇಲ್ಕೂರ ನೇತೃತ್ವದಲ್ಲಿ ಆಯೋಜಿಸಲಾಗಿತ್ತು. ಕರ್ನಾಟಕದ ಕಾಂಗ್ರೆಸ್ ಸರ್ಕಾರ ತನ್ನ ನಿಲುವನ್ನು ಮರುಪರಿಶೀಲಿಸಬೇಕು ಮತ್ತು ರೈತರಿಗೆ ಹೆಚ್ಚುವರಿ ₹ 4,000 ಆರ್ಥಿಕ ನೆರವು ಸೇರಿದಂತೆ ಹಿಂದಿನ ಸರ್ಕಾರವು ಪ್ರಾರಂಭಿಸಿದ ರೈತ ಕೇಂದ್ರಿತ ನೀತಿಗಳು ಮತ್ತು ಯೋಜನೆಗಳನ್ನು ಮರುಸ್ಥಾಪಿಸಬೇಕು ಎಂದು ಅವರು ಒತ್ತಾಯಿಸಿದರು. ರಾಷ್ಟ್ರವನ್ನು ಪೋಷಿಸಲು ಅವಿರತವಾಗಿ ಶ್ರಮಿಸುವ ರೈತರ ಕಲ್ಯಾಣಕ್ಕೆ ಆದ್ಯತೆ ನೀಡುವುದು ಯಾವುದೇ ಸರ್ಕಾರದ ಮೊದಲ ಆದ್ಯತೆ ಆಗಿರಬೇಕು ತೇಲ್ಕೂರ್ ಹೇಳಿದರು.
ಪ್ರತಿಭಟನೆಯಲ್ಲಿ ಮಾಜಿ ಶಾಸಕ ದತ್ತಾತ್ರೇಯ ಸಿ ಪಾಟೀಲ್ ರೇವೂರ ಸೇರಿದಂತೆ ಬಿಜೆಪಿ ಪಕ್ಷದ ಮುಖಂಡರು ಕಾರ್ಯಕರ್ತರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದರು.
