ಸುರಪುರ: ನಗರದ ಶ್ರೀ ಪ್ರಭು ಕಲಾ ವಿಜ್ಞಾನ ಹಾಗೂ ಜೆ. ಎಮ್. ಬೊಹ್ರಾ ವಾಣಿಜ್ಯ ಪದವಿ ಮಹಾವಿದ್ಯಾಲಯ ಹಾಗೂ ಗುಲ್ಬರ್ಗಾ ವಿಶ್ವವಿದ್ಯಾಲಯ, ಕಲಬುರಗಿ ಇವರ ಸಹಯೋಗದಲ್ಲಿ ೨೦೧೯-೨೦ನೇ ಸಾಲಿನ ಗುಲ್ಬರ್ಗಾ ವಿಶ್ವವಿದ್ಯಾಲಯ, ಕಲಬುರಗಿ ಏಕವಲಯ (ಪುರುಷರ) ಖೋ-ಖೋ ಪಂದ್ಯಾವಳಿಗಳನ್ನು ಶ್ರೀಪ್ರಭು ಕಾಲೇಜು ಮೈದಾನದಲ್ಲಿ ನಡೆಸಲಾಯಿತು.
ಮಾಜಿ ಸಚಿವರಾದ ರಾಜಾ ಮದನಗೋಪಾಲ ನಾಯಕ ಪಂದ್ಯಾವಳಿಗಳಿಗೆ ಚಾಲನೆ ನೀಡಿ ಮಾತನಾಡುತ್ತಾ, ಖೋ-ಖೋ ಪಂದ್ಯಾವಳಿಗಳಂತ ದೇಸಿ ಪಂದ್ಯಗಳಿಗೆ ಉತ್ತಮ ಪ್ರೋತ್ಸಾಹದ ಅವಶ್ಯಕತೆಯಿದೆ. ಇಂದಿನ ಯುವಕರು ಕ್ರೀಡೆಗಳಲ್ಲಿ ತೋಡಗಿಸಿಕೊಳ್ಳದೆ ಸಾಮಾಜಿಕ ಜಾಲತಾಣಗಳಲ್ಲಿ ಮುಳುಗಿ ಹೋಗಿರುವುದು ವಿಷಾದನೀಯ ಎಂದು ತಿಳಿಸಿದರು. ಆರೋಗ್ಯ ಕಾಪಾಡುವಲ್ಲಿ ಕ್ರೀಡಾ ಚಟುವಟಿಕೆಗಳು ಅಗತ್ಯ ಎಂದು ಹೇಳಿದರು.
ಕಾಲೇಜಿನ ಉಪಪ್ರಾಚಾರ್ಯರಾದ ಪ್ರೊ. ವೇಣುಗೋಪಾಲ ನಾಯಕ ಜೇವರ್ಗಿಯವರು ಪ್ರಾಸ್ತಾವಿಕವಾಗಿ ಮಾತನಾಡಿದರು. ಕಾರ್ಯಕ್ರಮದಲ್ಲಿ ಕ್ರೀಡಾ ಧ್ವಜಾರೋಹಣ ನೇರೆವೇರಿಸಿದ ಗುಲ್ಬರ್ಗಾ ವಿಶ್ವವಿದ್ಯಾಲಯದ ದೈಹಿಕ ಶಿಕ್ಷಣ ವಿಭಾಗದ ನಿರ್ದೇಶಕರಾದ ಡಾ. ಎಸ್.ಎಮ್. ಪಾಸೋಡಿಯವರು ಮಾತನಾಡುತ್ತಾ, ಸುರಪುರದ ನೆಲ ಕ್ರೀಡೆಗೆ ಹೆಸರಾಗಿದ್ದು, ರಾಷ್ಟ್ರೀಯ ಕ್ರೀಡಾ ಲೋಕಕ್ಕೆ ಈ ನೆಲ ಅನೇಕ ಪ್ರತಿಭಾವಂತ ಕ್ರೀಡಾಪಟುಗಳನ್ನ ನೀಡಿದೆ ಮತ್ತು ಕ್ರೀಡೆಯಲ್ಲಿ ಕ್ರೀಡಾ ಮನೋಭಾವದ ಮೂಲಕ ಪ್ರತಿ ಕ್ರೀಡೆಯನ್ನು ಕ್ರೀಡಾಪಟುಗಳು ಗೆಲ್ಲಿಸಬೇಕು ಎಂದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಪ್ರಾಚಾರ್ಯರಾದ ಡಾ. ಎಸ್.ಎಚ್. ಹೊಸಮನಿಯವರು ಮಾತನಾಡಿದರು.
ಶ್ರೀನಿವಾಸ ನಾಯಕ ದರಬಾರಿ, ಬಸವರಾಜ ಜಮದ್ರಖಾನಿ ಹಾಗೂ ಮಹಾವಿದ್ಯಾಲಯದ ದೈಹಿಕ ನಿರ್ದೇಶಕರಾದ ಡಾ. ರಮೇಶ ಶಹಾಪುರಕರ್ ಉಪಸ್ಥಿತರಿದ್ದರು. ಇದೇ ಸಂದರ್ಭದಲ್ಲಿ ರಾಜ್ಯಮಟ್ಟದ ಶಿಕ್ಷಕ ರತ್ನ ಪ್ರಶಸ್ತಿಗೆ ಭಾಜನರಾದ ಡಾ. ಸಾಯಿಬಣ್ಣ ಮುಡಬೂಳ ಇವರನ್ನು ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ಪ್ರಾಧ್ಯಾಪಕರುಗಳಾದ ಪ್ರೊ. ಎಮ್. ವಿಶ್ವನಾಥ, ಪ್ರೊ. ಎನ್.ಎಸ್. ಪಾಟೀಲ್, ಪ್ರೊ. ಎಸ್.ಎಸ್. ಪಾಟೀಲ್, ಪ್ರೊ. ಸಿದ್ದಣ್ಣ ಬರ್ಧಿ, ಪ್ರೊ. ಎಮ್.ಡಿ. ವಾರಿಸ್,ಎಸ್.ಎಮ್. ಸಜ್ಜನ, ಡಾ. ಬಸವರಾಜ ಹಿರೇಮಠ, ಡಾ. ಶರಣಗೌಡ ಪಾಟಿಲ್, ಪ್ರೊ. ಹಣಮಂತ ಸಿಂಗೆ, ಪ್ರೊ. ಗುರುರಾಜ ಕುಲ್ಕರ್ಣಿ, ಡಾ. ಉಪೇಂದ್ರ ನಾಯಕ, ಪ್ರೊ. ಮಂಜುನಾಥ ಚೆಟ್ಟಿ, ಪ್ರೊ. ವಿಜಯಕುಮಾರ ಬಣಗಾರ, ಪ್ರೊ. ಶ್ರೀಶೈಲ ಕೆ. ಹಾಗೂ ಬೋಧಕೇತರ ಸಿಬ್ಬಂದಿಗಳಾದ ವೀರಣ್ಣ ಜಾಕಾ, ಯಲ್ಲಪ್ಪ ಜಹಗೀರದಾರ, ಸಂತೋಷ ಹೆಡಗಿನಾಳ ಉಪಸ್ಥಿತರಿದ್ದರು.
ಕಾರ್ಯಕ್ರಮದಲ್ಲಿ ಕುಮಾರ ಆಂಜನೇಯ ದೇವರ ಗೋನಾಲ ಪ್ರಾರ್ಥಿಸಿದರು, ಡಾ. ಸುರೇಶ ಮಾಮಡಿ ನಿರೂಪಿಸಿದರು, ಡಾ. ಸಾಯಿಬಣ್ಣ ಮುಡಬೂಳ ಸ್ವಾಗತಿಸಿದರು, ಡಾ. ಸಿ.ಎಮ್. ಸುತಾರ ವಂದಿಸಿದರು.