ಕಲಬುರಗಿ: ಚಿತ್ತಾಪುರದಲ್ಲಿ ಈಚೆಗೆ ನಡೆದ ಕಾರ್ಯಕ್ರಮದಲ್ಲಿ ಸೂಲಿಬೆಲೆ ಚಕ್ರವರ್ತಿ ಅವರು ಪ್ರಿಯಾಂಕ್ ಖರ್ಗೆ ಅವರ ವಿರುದ್ಧ ಹಾಸ್ಯಾಸ್ಪದ ಆರೋಪ ಮಾಡಿದ್ದಾರೆ’ ಎಂದು ಕಾಂಗ್ರೆಸ್ ಮುಖಂಡ ಲಚ್ಚಪ್ಪ ಜಮಾದಾರ ಹೇಳಿದರು.
ಭಾನುವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು,‘ಜಿಲ್ಲೆಯಲ್ಲಿ ಕಾನೂನು ಸುವ್ಯವಸ್ಥೆ ಕಾಪಾಡಲು ಜಿಲ್ಲಾಡಳಿತ ಏನು ಕ್ರಮಕೈಗೊಳ್ಳಬೇಕು, ಅದು ಮಾಡಿದೆ. ಜಿಲ್ಲಾ ಉಸ್ತುವಾರಿ ಸಚಿವರು ಜಿಲ್ಲೆಗೆ ಪ್ರವೇಶ ಮಾಡದಂತೆ ನಿಬರ್ಂಧನೆ ಮಾಡಿದ್ದಾರೆ ಎಂದು ಹೇಳುವುದು ಎಷ್ಟು ಸರಿ ಎಂದು ಪ್ರಶ್ನೆ ಮಾಡಿದರು.
‘ಇಎಸ್‍ಐ ಆಸ್ಪತ್ರೆ ವಿನ್ಯಾಸದ ಬಗ್ಗೆ ಮಾತನಾಡುವ ನೀನು ಗುಜರಾತ್‍ನಲ್ಲಿ ನಿರ್ಮಾಣವಾದ ಸರ್ದಾರ ಪಟೇಲ್‍ರ ಸ್ಟೆಡಿಯಂಗೆ ಮೋದಿ ಕ್ರೀಡಾಂಗಣ ಎಂದು ಹೆಸರು ಇಟ್ಟಿದ್ದಾರೆ ಅದು ತೆರೆಗೆ ದುಡ್ಡಿನಿಂದ ನಿರ್ಮಾಣ ಮಾಡಿಲ್ಲವೇ’ ಎಂದು ಪ್ರಶ್ನೆ ಮಾಡಿದರು.
‘ಚಿಂತಕನೆಂದು ಕರೆಸಿಕೊಂಡ ನೀನು, ಬಾಡಿಗೆ ಭಾಷಣಕಾರನಾಗಿ ಮಾತನಾಡದೇ ಎಲ್ಲರ ಬಗ್ಗೆಯೂ ಯೋಜನೆ ಮಾಡಬೇಕು. ಒಂದು ವರ್ಗ, ಒಂದು ಪಕ್ಷದ ಪರ ಮಾತನಾಡುವುದು ಸರಿಯಲ್ಲ. ಇನ್ನು ಮುಂದೆ ಖರ್ಗೆ ಕುಟುಂಬದ ಬಗ್ಗೆ ಕೆಟ್ಟದಾಗಿ ಮಾತನಾಡಿದರೆ ಜಿಲ್ಲೆ ಬಂದ ವೇಳೆ ಮುತ್ತಿಗೆ ಹಾಕಲಾಗುವುದು ಎಂದರು.
ಬೀಮಶ್ಯಾ ಖನ್ನಾ, ಅಂಬಾರಯ ಜವಳಗಾ, ಶರಣು ಡೋಣಗಾಂವ, ಶಿವು ಧಣಿ, ಪಿಂಟು ಜಮಾದಾರ ಇತರರು ಪತ್ರಿಕಾಗೋಷ್ಠಿಯಲ್ಲಿದ್ದರು.