ಕಲಬುರಗಿ: ನಡೆದಾಡುವ ದೇವರು, ಸಾಕ್ಷಾತ್ ಶಿವನ ಸ್ವರೂಪ, ಸಿದ್ಧಗಂಗಾ ಶ್ರೀಗಳಿಗೆ ಶಿವರತ್ನಕ್ಕೆ, ಭಾರತ ರತ್ನ ಸಿಗಲಿ ಎಂದು ಶಾಸಕ ಅಲ್ಲಮಪ್ರಭು ಪಾಟೀಲ ಅಭಿಪ್ರಾಯ ವ್ಯಕ್ತಪಡಿಸಿದರು.
ಇಂದು ಶ್ರೀ ಸಿದ್ಧರಾಮೇಶ್ವರ ವೃತ್ತ ವಾಯು ವಿಹಾರ ಸಹೃದಯಿ ಬಳಗದವರಿಂದ 117ನೇ ಜನ್ಮದಿನದ ಅಂಗವಾಗಿ ಕಾರ್ಯಕ್ರಮ ಹಮ್ಮಿಕೊಳ್ಳಲಾಯಿತ್ತು.
ಶ್ರೀ ಶಿವುಕುಮಾರ ಮಹಾಸ್ವಾಮಿ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ಅವರು ಮಾತನಾಡಿದರು. ತ್ರಿವೇದಿ ದಾಸೋಹ ಮೂರ್ತಿ , ಜ್ಞಾನ ದಾಸೋಹ ಸೇವೆ ಮಾಡಿದ ಮಹಾ ಶರಣ, ಇಡೀ ರಾಜ್ಯಕ್ಕೆ , ದೇಶಕ್ಕೇ ಆದರ್ಶವಾಗಿದೆ ಎಂದು ಹೇಳಿದರು. ಸಿದ್ಧಗಂಗಾ ಮಠದ ಹಳೆ ವಿದ್ಯಾರ್ಥಿಗಳ ಸಂಘದ ಸದಸ್ಯರಾದ ಚನ್ನುಸ್ವಾಮಿ ಅವರು ಶ್ರೀಗಳ ಭಾವಚಿತ್ರವನ್ನು ಕಾಣಿಕೆಯಾಗಿ ವಾಯು ವಿಹಾರ ಬಳಗದ ಶ್ರೀ ಹಣಮಂತರಾಯಗೌಡ ಉದನೂರ ಅವರಿಗೆ ನೀಡಿದರು.
ಸಹೃದಯಿ ವಾಯು ವಿಹಾರ ಬಳಗದವರಾದ ಹಣಮಂತರಾಯಗೌಡ ಉದನೂರ, ಹುಲ್ಲಕಂಠರಾಯ ಎಸ್.ಎಂ. ಅರಳಗೂಂಡಗಿ, ಶಾಂತಪ್ಪ ನಿಂಬಾಳ, ದೇವಿಂದ್ರಪ್ಪ ಕೋಳಕೂರ, ನಾಸಿ , ವೆಂಕಟೇಶ ನಿರಡಗಿ, ಶಿವುಕುಮಾರ ಬಿದರಿ, ಶರಣಕುಮಾರ ಬಿಲ್ಲಾಡ ಸಾಹು ನೆಲೋಗಿ, ಪ್ರಭು ಪಾಟೀಲ ಗವ್ಹಾರ, ಪೂಜಾರಿ, ರಂಜಾಕ್ ಚೌದ್ರಿ, ಬಿ.ಎಂ.ಪಾಟೀಲ ಕಲ್ಲೂರ ಹಾಗೂ ಇತರರು ಉಪಸ್ಥಿತರಿದ್ದರು.