ಕಲಬುರಗಿ: ಇತ್ತೀಚೆಗೆ ಇನ್ಸೂಟ್ಯೂಟ್ ಆಫ್ ಇಂಜಿನೀಯರ ಸಭಾಂಗಣದಲ್ಲಿ ಸರ್.ಎಂ.ವಿಶ್ವೇಶ್ವರಯ್ಯ ಬ್ಯಾಂಕ್ ತನ್ನ ೨೩ನೇ ವಾರ್ಷಿಕೋತ್ಸವ ಸಮಾರಂಭದಲ್ಲಿ ಬ್ಯಾಂಕಿನ ಸದಸ್ಯರ ಮಕ್ಕಳಿಗೆ ವಿದ್ಯಾಭ್ಯಾಸಕ್ಕೆ ಪ್ರೋತ್ಸಾಹಿಸುವ ಉದ್ದೇಶದಿಂದ ಪಿ.ಯು.ಸಿ. (೩) ಹಾಗೂ ಎಸ್.ಎಸ್.ಎಲ್.ಸಿ.(೩) ಪರೀಕ್ಷೆಯಲ್ಲಿ ಹೆಚ್ಚು ಅಂಕಪಡೆದ ೦೬ ಮಕ್ಕಳಿಗೆ ಬ್ಯಾಂಕಿನ ಅಧ್ಯಕ್ಷರಾದ ಶರಣಬಸಪ್ಪಾ ದರ್ಶನಾಪೂರ ಅವರು ಪ್ರಶಸ್ತಿ ಪತ್ರ ಹಾಗೂ ಬಹುಮಾನ ವಿತರಿಸಿದರು.
೨೦೧೮-೧೯ನೇ ಸಾಲಿನ ಪಿ.ಯು.ಸಿ. ಪರೀಕ್ಷೆಯಲ್ಲಿ ಅಚಲರಾಜ ತಂದೆ ಶಿವರಾಜ ಅಂಡಗಿ (೫೬೩/೬೦೦) ಪ್ರತಿಶತ ೯೩.೮% ಅಂಕ ಪಡೆದು ಬ್ಯಾಂಕಿನ ಸದಸ್ಯರ ಮಕ್ಕಳ ಈ ಪ್ರತಿಭಾ ಪುರಸ್ಕಾರದಲ್ಲಿ ಪ್ರಥಮ ಸ್ಥಾನ ಪಡೆದು ೫೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಸ್ವೀಕರಿಸಿದ್ದಾನೆ. ದ್ವಿತೀಯ ಸ್ಥಾನದಲ್ಲಿ ಮಯೂರ ಬಂದರವಾಡ (೫೫೦/೬೦೦) ಪ್ರತಿಶತ ೯೧.೬% ಅಂಕ ಪಡೆದು ೩೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಪಡೆದಿದ್ದಾನೆ. ತೃತೀಯ ಸ್ಥಾನದಲ್ಲಿ ಸೌಮ್ಯ ಪಾಟೀಲ (೫೨೮/೬೦೦) ಪ್ರತಿಶತ ೮೮% ಅಂಕ ಪಡೆದು ೨೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಪಡೆದಿದ್ದಾಳೆ.
೨೦೧೮-೧೯ನೇ ಸಾಲಿನ ಎಸ್.ಎಸ್.ಎಲ್.ಸಿ. ಪರೀಕ್ಷೆಯಲ್ಲಿ ಅಂಬಿಕಾ ಹೊನ್ನಶೆಟ್ಟಿ (೫೭೧/೬೨೫) ಪ್ರತಿಶತ ೯೧.೩% ಅಂಕ ಪಡೆದು ಬ್ಯಾಂಕಿನ ಸದಸ್ಯರ ಮಕ್ಕಳ ಈ ಪ್ರತಿಭಾ ಪುರಸ್ಕಾರದಲ್ಲಿ ಪ್ರಥಮ ಸ್ಥಾನ ಪಡೆದು ೫೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಸ್ವೀಕರಿಸಿದ್ದಾಳೆ. ದ್ವಿತೀಯ ಸ್ಥಾನದಲ್ಲಿ ವಿವೇಕ ಪಾಟೀಲ (೫೪೫/೬೨೫) ಪ್ರತಿಶತ ೮೭.೨% ಅಂಕ ಪಡೆದು ೩೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಪಡೆದಿದ್ದಾನೆ. ತೃತೀಯ ಸ್ಥಾನದಲ್ಲಿ ಶಿವಕುಮಾರ ಸುತ್ತಾರ (೫೩೦/೬೨೫) ಪ್ರತಿಶತ ೮೪.೮% ಅಂಕ ಪಡೆದು ೨೦೦೦/- ಸಾವಿರ ರೂಪಾಯಿಯೊಂದಿಗೆ ಪ್ರಶಸ್ತಿ ಪತ್ರ ಮಕ್ಕಳು ಹೆಚ್ಚಿನ ವಿದ್ಯಾಭ್ಯಾಸಕ್ಕಾಗಿ ಬೇರೆ-ಬೇರೆ ಊರಿಗೆ ಹೋಗಿರುವ ಕಾರಣ ಪಾಲಕರೇ ಪ್ರಶಸ್ತಿ ಪತ್ರ ಮತ್ತು ಬಹುಮಾನ ಪಡೆದಿದ್ದಾರೆ ಎಂದು ಬ್ಯಾಂಕಿನ ಮುಖ್ಯ ಕಾರ್ಯನಿರ್ವಹಣಾಧಿಕಾರಿಗಳಾದ ಶಿವರುದ್ರ ಬಿ.ಪುಣ್ಯಶೆಟ್ಟಿ ತಿಳಿಸಿದ್ದಾರೆ.
ಮುಂದಿನ ವರ್ಷ ೨೦೨೦ನೇ ವರ್ಷದ ಸಾಲಿನಲ್ಲಿ ಪ್ರತಿಭಾ ಪುರಸ್ಕಾರ ಪಿ.ಯು.ಸಿ.ಯಲ್ಲಿ ೦೫ ಮತ್ತು ಎಸ್.ಎಸ್.ಎಲ್.ಸಿ.ಯಲ್ಲಿ ೦೫ ಒಟ್ಟು ೧೦ ಮಕ್ಕಳಿಗೆ ಪ್ರಥಮ ಸ್ಥಾನ ೨೫೦೦೦/-, ದ್ವಿತೀಯ ಸ್ಥಾನ ೨೦೦೦೦/-, ತೃತೀಯ ಸ್ಥಾನ ೧೫೦೦೦/-, ೪ನೇ ಸ್ಥಾನ ೧೦,೦೦೦/-, ೫ನೇ ಸ್ಥಾನ ೫,೦೦೦/- ಈ ರೀತಿಯಾಗಿ ಪ್ರತಿಭಾ ಪುರಸ್ಕಾರ ನೀಡಬೇಕೆಂದು ಬ್ಯಾಂಕಿನ ಅಧ್ಯಕ್ಷರಾದ ಶರಣಬಸಪ್ಪಾ ದರ್ಶನಾಪೂರ ರವರ ಆದೇಶದ ಮೇರೆಗೆ ಬ್ಯಾಂಕಿನ ಉಪಾಧ್ಯಕ್ಷರಾದ ಜಯರಾಜ ಪಾಟೀಲ ಓಕಳಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ. ಬ್ಯಾಂಕಿನ ಅಧ್ಯಕ್ಷರಾದ ಶರಣಬಸಪ್ಪಾ ದರ್ಶನಾಪೂರ ರವರು ಅಧ್ಯಕ್ಷತೆ ವಹಿಸಿದರು. ಆಡಳಿತ ಮಂಡಳಿಯ ಸದಸ್ಯರಾದ ಜಯರಾಜ ಪಾಟೀಲ ಓಕಳಿ, ಜಿ.ಆರ್. ಮುತ್ತಗಿ, ವೀರಣ್ಣ ಕೌಲಗಿ, ಸೋಮಶೇಖರ ಗೋನಾಯಕ, ಅಲ್ಲಬಕ್ಷ ಪಟೇಲ, ವಿಜಯಕುಮಾರ ಮೂಲ್ಗೆ ಸರಸ್ವತಿ ಪಾಟೀಲ ವೇದಿಕೆ ಮೇಲೆ ಉಪಸ್ಥಿತರಿದ್ದರು.
ಸಮಾರಂಭದಲ್ಲಿ ಬ್ಯಾಂಕಿನ ಶಿವರುದ್ರ ಬಿ. ಪುಣ್ಯಶೆಟ್ಟಿ, ಅಕೌಂಟ್ಸ್ ಮ್ಯಾನೇಜರ ಅವರಯ್ಯ ಜಿ.ಮಠ, ಮ್ಯಾನೇಜರ ಬಸವರಾಜ ಪಾಟೀಲ, ಹಣಮಂತ ಕವಂಟೆ, ಮಲ್ಲಿಕಾರ್ಜುನ ಪಿ.ಬಿರಾದಾರ ಹಾಗೂ ಬ್ಯಾಂಕಿನ ಸಿಬ್ಬಂದಿ ಉಪಸ್ಥಿತರಿದ್ದರು.