- ಎಂ.ಡಿ ಮಶಾಖ ಚಿತ್ತಾಪುರ
ಚಿತ್ತಾಪುರ; ಮಾಡಬುಳ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಬೈಕ್ ಮತ್ತು ಇತರೆ ಕಡೆಗಳಲ್ಲಿ ಕಳವು ಮಾಡಿದ 3 ಬೈಕ್ ಹಾಗೂ ಒಟ್ಟು 2 ಲಕ್ಷ ರೂ. ಮೌಲ್ಯದ 4 ಬೈಕ್‌ಗಳನ್ನು ಆರೋಪಿತರಿಂದ ವಶಕ್ಕೆ ಪಡೆದು ಪ್ರಕರಣ ಬೇಧಿಸುವಲ್ಲಿ ಮಾಡಬೂಳ ಠಾಣೆಯ ಪೊಲೀಸರು ಯಶಸ್ವಿಯಾಗಿದ್ದಾರೆ.
ಸಣ್ಣೂರ ತಾಂಡಾದ ನಿವಾಸಿ ಆಕಾಶ ದಶರಥ ರಾಠೋಡ, ಬೆಣ್ಣೂರ(ಬಿ) ಗ್ರಾಮದ ಸಾಗರ ಶ್ರೀಮಂತ ನಾಯಕೊಡಿ ಇವರನ್ನು ದಸ್ತಗಿರಿ ಮಾಡಿ ಪ್ರಕರಣ ಬೇಧಿಸಿದ್ದಾರೆ.
ಇವಣಿ ಗ್ರಾಮದ ಲಾಯಕ್ ಪಾಶಾ ರುಕುಮ ಪಟೇಲ್ ಎಂಬುವವರ ಮನೆ ಮುಂದೆ ನಿಂತಿದ್ದ ಹೋಂಡಾ ಶೈನ್ ಬೈಕ್ ಯಾರೊ ಕಳ್ಳತನ ಮಾಡಿರುವ ಕುರಿತಾಗಿ ಆ.10ರಂದು ನೀಡಿದ ದೂರಿನನನ್ವಯ ಕಲಬುರಗಿ ಎಸ್ಪಿ ಅಡ್ಡೂರು ಶೀನಿವಾಸಲು, ಅಪರ ಎಸ್ಪಿ ಶ್ರೀನಿಧಿ, ಶಹಬಾದ ಉಪವಿಭಾಗದ ಡಿವೈಎಸ್‌ಪಿ ಶಂಕರಗೌಡ ಪಾಟಲ್, ಕಾಳಗಿ ಸಿಪಿಐ ಜಗದೇವಪ್ಪ ಪಾಳಾ ಅವರ ಮಾರ್ಗದರ್ಶನದಲ್ಲಿ ಮಾಡಬೂಳ ಪೊಲೀಸ್ ಠಾಣೆಯ ಪಿಎಸ್‌ಐ ಚೇತನ್, ಪಿಎಸ್‌ಐ(ತನಿಖೆ) ಶೀಲಾದೇವಿ ಅವರ ನೇತೃತ್ವದಲ್ಲಿ ಸಿಬ್ಬಂದಿಯವರಾದ ಕಮಲಾಕ‌ರ್, ಮಾಳಗೊಂಡ, ಪ್ರಶಾಂತ ಹೇರೂರ, ರಮೇಶ, ವೀರಶೆಟ್ಟಿ, ಚಂದ್ರಕಾಂತ, ಶಾಂತಮಲ್ಲಪ್ಪ, ಚಂದ್ರು, ಸಂಗಣ್ಣ ಅವರನ್ನೊಳಗೊಂಡ ತಂಡವನ್ನು ರಚನೆ ಮಾಡಿ ತನಿಖೆ ಕೈಗೊಂಡು ಇಬ್ಬರು ಕಳ್ಳರನ್ನು ವಶಕ್ಕೆ ಪಡೆದಿದ್ದಾರೆ.