ಸುರಪುರ: ಕಳೆದ ಶುಕ್ರವಾರ ಸಂಜೆ ತಾಲ್ಲೂಕಿನ ಹೆಗ್ಗಣದೊಡ್ಡಿ ಬಳಿಯ ಜಮೀನೊಂದರಲ್ಲಿ ದುಷ್ಕರ್ಮಿಗಳಿಂದ ಹಲ್ಲೆಗೊಳಗಾಗಿದ್ದ ನಗರದ ಕಬಾಡಗೇರಾದ ಮಂಗಳಮುಖಿ ಸಲ್ಮಾ ನಿಧನರಾಗಿದ್ದಾರೆ.
ದುಷ್ಕರ್ಮಿಗಳ ಹಲ್ಲೆಗೊಳಗಾಗಿದ್ದ ಇವಳನ್ನು ಕಲಬುರ್ಗಿಯ ಆಸ್ಪತ್ರೆಗೆ ಕರೆದೊಯ್ಯಲಾಗಿತ್ತು.ಒಂದು ವಾರದಿಂದ ಚಿಕಿತ್ಸೆ ನಿಡಲಾಗುತ್ತಿತ್ತು,ಆದರೆ ಚಿಕಿತ್ಸೆ ಫಲಿಸದೆ ಇಂದು ಬೆಳಿಗ್ಗೆ ಹತ್ತು ಗಂಟೆಯ ವೇಳೆಗೆ ಆಸ್ಪತ್ರೆಯಲ್ಲಿ ನಿಧನರಾಗಿದ್ದಾರೆ.ಈಗಾಗಲೇ ಹಲ್ಲೆ ಮಾಡಿದವರನ್ನು ಬಂಧಿಸುವಂತೆ ಅನೇಕ ಮಂಗಳಮುಖಿಯರು ಕೇಸು ದಾಖಲಿಸಿಕೊಂಡಿರುವ ಕೆಂಭಾವಿ ಪೊಲೀಸರಿಗೆ ಒತ್ತಾಯಿಸಿದ್ದರು.
Contact Your\'s Advertisement; 9902492681
ಆದರೆ ಇಂದು ಸಲ್ಮಾ ನಿಧನದಿಂದಾಗಿ ಮಂಗಳಮುಖಿಯರ ಆಕ್ರೋಶ ಮತ್ತಿಷ್ಟು ಹೆಚ್ಚಾದಂತಾಗಿದೆ.ಅಲ್ಲದೆ ಸಲ್ಮಾ ಮಂಗಳಮುಖಿಯ ಆಸ್ಪತ್ರೆಗೆ ಸೇರಿಸುವಲ್ಲಿ ಮಾನವಿಯತೆ ತೋರಿದ್ದ ಜಯಕರ್ನಾಟಕ ಸಂಘಟನೆ ತಾಲ್ಲೂಕು ಅಧ್ಯಕ್ಷ ರವಿ ನಾಯಕ ಬೈರಿಮಡ್ಡಿ ಈಗಲಾದರೂ ಪೊಲೀಸರು ಆದಷ್ಟು ಬೇಗ ಹಲ್ಲೆ ಕೋರರನ್ನು ಪತ್ತೆ ಹಚ್ಚಿ ಕಠಿಣ ಶಿಕ್ಷೆಗೆ ಗುರಿಪಡಿಸುವಂತೆ ಒತ್ತಾಯಿಸಿದ್ದಾರೆ.