ಸುರಪುರ: ನರೇಂದ್ರ ಮೋದಿಯವರು ಮಹತ್ವಾಕಾಂಕ್ಷೆಯ ಆಯುಷ್ಮಾನ್ ಭಾರತ ಯೋಜನೆಯ ಕಾರ್ಡುಗಳ ವಿತರಣೆಯಲ್ಲಿ ರಾಜುಗೌಡ ಗ್ರೌಂಡ್ ವರ್ಕ ಟೀಂ ಇದುವರೆಗೆ ಮೂವತ್ತು ಸಾವಿರ ಜನರಿಗೆ ಕಾರ್ಡುಗಳ ಮಾಡಿ ಕೊಡುವ ಮೂಲಕ ಉತ್ತಮವಾದ ಸಾಧನೆ ಮಾಡಿದೆ ಎಂದು ಟೀಂ ಮುಖಂಡ ಮಲ್ಲಿಕಾರ್ಜುನರೆಡ್ಡಿ ಕೋಳಿಹಾಳ ತಿಳಿಸಿದ್ದಾರೆ.
ತಾಲೂಕಿನ ವಾಗಣಗೇರಾ ಗ್ರಾಮದಲ್ಲಿ ಅನೇಕ ಜನರಿಗೆ ಕೇಂದ್ರ ಸರಕಾರದ ವಿವಿಧ ಯೋಜನೆಗಳ ಫಲನುಭವಿಗಳಿಗೆ ಉಚಿತವಾಗಿ ಕಾರ್ಡುಗಳ ಮಾಡಿಕೊಡುವ ಸಂದರ್ಭದಲ್ಲಿ ಮಾತನಾಡಿ,ಇದುವರೆಗೆ ತಾಲೂಕಿನ ಹುಣಸಗಿ, ಕೊಡೇಕಲ್,ಪೇಠ ಅಮ್ಮಾಪುರ,ಅರಿಕೇರಿ,ಕಕ್ಕೇರಿ,ಖಾನಾಪುರ ಎಸ್.ಹೆಚ್ ಜಿಲ್ಲಾ ಪಂಚಾಯತಿ ಕ್ಷೇತ್ರಗಳ ವ್ಯಾಪ್ತಿ ಹಾಗು ಸುರಪುರ ನಗರ ಸೇರಿ ಇದುವರೆಗೆ ಮೂವತ್ತು ಸಾವಿರ ಆಯುಷ್ಮಾನ್ ಭಾರತ ಯೋಜನೆಯ ಕಾರ್ಡುಗಳನ್ನು ಉಚಿತವಾಗಿ ಮಾಡಿ ಕೊಡಲಾಗಿದೆ.
ಅಲ್ಲದೆ ಮೂರು ನೂರಾ ಆರು ಜನರಿಗೆ ಕೃಷಿ ಸಮ್ಮಾನ ಯೋಜನೆ ಕಾರ್ಡುಗಳು, ಪ್ರಧಾನಮಂತ್ರಿ ಫಸಲ ಭೀಮ್ ಯೋಜನೆಯಲ್ಲಿ ಎರಡು ನೂರಾ ಎಪ್ಪತ್ಮೂರು ಜನರಿಗೆ ,ಪ್ರಧಾನಮಂತ್ರಿ ಜೀವನಜ್ಯೋತಿ ಯೋಜನೆಯಲ್ಲಿ ಮೂವತ್ತೊಂದು ಜನರಿಗೆ ಹೀಗೆ ಒಟ್ಟು ಮೂವತ್ತು ಸಾವಿರದ ಎರಡು ನೂರಾ ಅರವತ್ತೊಂದು ಜನರಿಗೆ ವಿವಿಧ ಯೋಜನೆಗಳ ಫಲಾನುಭವಿಗಳಾಗಲು ಅನುಕೂಲ ಮಾಡಿಕೊಡಲಾಗಿದೆ ಎಂದು ತಿಳಿಸಿದರು.ಈ ಸಂದರ್ಭದಲ್ಲಿ ರಾಜುಗೌಡ ಗ್ರೌಂಡ್ ವರ್ಕ ಟೀಂ ನ ಅನೇಕ ಸದಸ್ಯರುಗಳಿದ್ದರು.