ಸುರಪುರ: ಒಂದು ವರ್ಷ ಒಂದು ತಿಂಗಳುಗಳ ಕಾಲ ಕರ್ತವ್ಯ ಸಲ್ಲಿಸಲು ಸುರಪುರ ಜನತೆ ಎಲ್ಲಾ ರೀತಿಯ ಸಹಕಾರ ನೀಡಿದ್ದಿರಿ,ತಮಗೆಲ್ಲರಿಗು ನಾನು ಆಭಾರಿಯಾಗಿದ್ದೆನೆ ಎಂದು ವರ್ಗಾವಣೆಗೊಂಡ ಆರಕ್ಷಕ ನೀರಿಕ್ಷಕ ಆನಂದರಾವ್ ಎಸ್.ಎನ್ ಹೇಳಿದರು.
ನಗರದ ಪೋಲಿಸ್ ಠಾಣೆಯಿಂದ ವರ್ಗಾವಣೆಗೊಂಡ ನಿಮಿತ್ಯವಾಗಿ ಠಾಣೆಯ ಸಿಬ್ಬಂದಿ ಮತ್ತು ಸಾರ್ವಜನಿಕರು ಸಹಯೋಗದಲ್ಲಿ ಹಮ್ಮಿಕೊಂಡಿದ್ದ ಬೀಳ್ಕೋಡುಗೆ ಕಾರ್ಮಕ್ರಮದಲ್ಲಿ ಸನ್ಮಾನ ಸ್ವೀಕರಿಸಿ ಮಾತನಾಡಿದ ಅವರು ಸೇವೆಯಲ್ಲಿ ಕೂಡುವುದು ಅಗತ್ಯ ಅದರಂತೆ ಅಗಲುವುದು ಅನಿವಾರ್ಯ, ಆದರೆ ಸೇವೆಯ ಸಂದರ್ಭದಲ್ಲಿ ಎಲ್ಲರೂ ಸಹಕಾರ ನೀಡಿದ್ದಿರಿ. ಕೆಲವು ಘಟನೆಗಳು ಜರುಗಿದಾಗ ವಿಕೋಪಕ್ಕೆ ಹೋಗುವ ಹಂತದಲ್ಲಿ ಸಂಘ ಸಂಸ್ಥೆಗಳವರು ಸಹಕರಿಸಿದ್ದಿರಿ, ಠಾಣೆಗೆ ಬರುವವರನ್ನು ಆತ್ಮೀಯವಾಗಿ ಕಂಡು ಅವರ ಸಮಸ್ಯೆಯನ್ನು ಆಲಿಸಿ ಪರಿಹರಿಸಿದರೆ ನೆನಪಿನಲ್ಲಿಡುತ್ತಾರೆ.ಇದನ್ನು ಅರಿತು ಕೆಲಸ ಮಾಡಿರುವೆ ಎಂದರು.ಮುಂದೆಯೂ ನನ್ನೊಂದಿಗೆ ಒಬ್ಬ ಗೆಳೆಯನಾಗಿ,ಸ್ನೇಹಿತನಾಗಿ ಅವಶ್ಯವಿರು ಸಲಹೆಗಳನ್ನು ಕೇಳಿದರು ಕೊಡಲು ಸಿದ್ಧನಿರುವೆ.ಠಾಣೆಯಲ್ಲಿನ ಎಲ್ಲಾ ಸಿಬ್ಬಂದಿಗಳು ನನ್ನ ಕರ್ತವ್ಯಕ್ಕೆ ಉತ್ತಮ ಸಹಕಾರ ನೀಡಿದ್ದಕ್ಕೆ ಧನ್ಯವಾದ ಸಲ್ಲಿಸುವುದಾಗಿ ತಿಳಿಸಿದರು.
ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ಉಪ ಅಧಿಕ್ಷಕ ವೆಂಕಟೇಶ ಹುಗಿಬಂಡಿ ಮಾತನಾಡಿ,ನಾನು ಬಂದು ತಿಂಗಳಲ್ಲಿಯೆ ಆನಂದರಾವ್ ಅವರ ಸೇವೆ ಹೇಗಿದೆ ಎಂದು ಅರಿತಿರುವೆನು.ಅಲ್ಲದೆ ಅವರ ಸೇವೆ ಹೇಗಿತ್ತು ಎನ್ನುವುದನ್ನು ತಿಳಿಯಲು ಇಂದು ತಾವೆಲ್ಲ ಸೇರಿರುವ ಸಮಾರಂಭವೆ ಸಾಕ್ಷಿ ಎಂದರು.ಅನೇಕ ಸಂದರ್ಭಗಳಲ್ಲಿ ಆನಂದರಾವ್ ಅವರೊಂದಿಗೆ ಚರ್ಚಿಸಿದಾಗ ಇಲ್ಲಿಯ ಜನರ ಬಗ್ಗೆ ಮತ್ತು ಸಮಸ್ಯೆಗಳ ನಿವಾರಣೆ ಬಗ್ಗೆ ವಿವರಿಸಿದ್ದಾರೆ ಎಂದರು.ಬ್ರಿಟೀಷರ ಕಾಲದಲ್ಲಿ ಪೋಲಿಸರ ಕೆಲಸ ಕೇವಲ ಬಂಧಿಸುವುದ ಮಾತ್ರವಾಗಿತ್ತು.ಆದರೆ ಇಂದು ಪೋಲಿಸರ ಕೆಲಸ ಬಂಧಿಸುವುದರ ಜೊತೆಗೆ ಜನರು ಅಪರಾಧ ಎಸಗದಂತೆ ಅರಿವು ಮೂಡಿಸುವುದಾಗಿದೆ.ಸುರಪುರ ಜನರು ಕೆಟ್ಟವರಲ್ಲ ಒಳ್ಳೆಯವರು ಮತ್ತು ಮುಗ್ಧರಾಗಿದ್ದಾರೆ. ಸಂಚಾರಿ ನಿಯಮಗಳಿಗಾಗಿ ನಾವು ಹೆಚ್ಚಿನ ಮೊತ್ತದ ದಂಡ ಹಾಕುವಾಗ ನಮಗೂ ಬೇಜಾರಾಗುತ್ತದೆ, ನಮ್ಮಲ್ಲೂ ಕನಿಕರವಿದೆ. ಆದರೆ ದಂಡ ಹಾಕಿದಾಗ ಆತ ನೂರಾರು ಜನರಿಗೆ ತಿಳಿಸಿ ಇತರರು ಅಂತ ತಪ್ಪು ಮಾಡಲಾರರು ಎಂದರು.
ಇದೇ ಸಂದರ್ಭದಲ್ಲಿ ಅತಿಥಿಗಳಾಗಿದ್ದ ಪಿ.ಐ ಎಸ್.ಎಮ್.ಪಾಟೀಲ, ಶಹಾಪುರ ಸಿಪಿಐ ಶ್ರೀನಿವಾಸ ಅಲ್ಲಾಪುರ ಹಾಗು ವಿವಿಧ ಸಂಘ ಸಂಸ್ಥೆಗಳ ಮುಖಂಡರಾದ ಧರ್ಮರಾಜ ಬಡಿಗೇರ, ರಾಹುಲ್ ಹುಲಿಮನಿ, ಪ್ರಶಾಂತ ಉಗ್ರಂ, ಇಕ್ಬಾಲ್ ಮುಫ್ತಿ ಒಂಟಿ, ಪೇದೆಗಳಾದ ಚಂದ್ರಶೇಖರ, ರವಿ ರಾಠೋಡ ಮಾತನಾಡಿದರು. ಬಲಭೀಮ ನಾಯಕ ಬೈರಿಮಡ್ಡಿ, ಶರಣು ನಾಯಕ ಬೈರಿಮಡ್ಡಿ, ಗಿರೀಶ, ಹಣಮಂತ ಕಟ್ಟಿಮನಿ, ಮಲ್ಲು ಬಿಲ್ಲವ್, ಅಬ್ದುಲ್ ಗಫೂರ ನಗನೂರಿ, ಮಹಿಬೂಬ ಒಂಟಿ, ವೆಂಕಟೇಶ ನಾಯಕ ಬೈರಿಮಡ್ಡಿ ಮತ್ತು ಕರವೇ ಕಾರ್ಯಕರ್ತರು,ಮದನ ಕಟ್ಟಿಮನಿ ಇತರರಿದ್ದರು.