ಸುರಪುರ: ನಗರದ ರಂಗಂಪೇಟೆಯ ಮಂಗಲ ಬಜಾರದಲ್ಲಿ ಸೋಮವಾರ ರಾತ್ರಿ ಕಾಮದಹನ ಮಾಡುವ ಮೂಲಕ ಹೋಳಿ ಹಬ್ಬಕ್ಕೆ ಚಾಳನೆ ನೀಡಿದರು.ಸೋಮವಾರ ಸಾಯಂಕಾಲದಿಂದ ನಗರದ ವಿವಿಧೆಡೆಗಳಿಂದ ಕಟ್ಟಿಗೆಗಳನ್ನು ತಂದು ಮಂಗಲ ಬಜಾರದ ಭಂಡಾರಿ ಪಾನ್ ಶಾಪ್ ಬಳಿಯಲ್ಲಿ ಸಂಗ್ರಹಿಸಿದ ಹಲವಾರು ಯುವಕರು ಸೋಮವಾರ ರಾತ್ರಿ ಹತ್ತು ಗಂಟೆಯ ಸುಮಾರಿಗೆ ಕಾಮಣ್ಣನ ಭಾವಚಿತ್ರಕ್ಕೆ ಪೂಜೆ ಸಲ್ಲಿಸಿ ನಂತರ ಅಗ್ನಿ ಸ್ಪರ್ಶ ಮಾಡಲಾಯಿತು.
ಬೆಳಗಿನ ಜಾವ ಐದು ಗಂಟೆಯ ಸುಮಾರಿನ ವರೆಗೆ ಕಾಮದಹನ ನಡೆಸಿ ಬೆಳಿಗ್ಗೆ ಬೊಬ್ಬೆ ಹಾಕುತ್ತ ಕಾಮ ದಹನದ ಬೂದಿಯನ್ನು ಎರಚುವ ಮೂಲಕ ಹೋಳಿ ಆರಂಭಿಸಿ ನಂತರ ಕಾಮದಹನವಾದ ಸಂತೋಷದಲ್ಲಿ ಬಣ್ಣ ಎರಚಿ ಸಂಭ್ರಮಿಸಿದರು.
ಸೋಮವಾರ ರಾತ್ರಿಯಿಂದ ಎಲ್ಲೆಡೆ ಬಿಗಿ ಪೋಲಿಸ್ ಬಂದೋಬಸ್ತ್ ಮಾಡಲಾಗಿತ್ತು.ಯಾವುದೆ ರೀತಿಯ ಅಹಿತಕರ ಘಟನೆಗಳು ನಡೆಯದಂತೆ ಜಾಗೃತಿ ವಹಿಸಲಾಗಿತ್ತು.ರಂಗಂಪೇಟೆಯ ಹೋಳಿಯಲ್ಲಿ ಮಹಾಂತಯ್ಯಗೌಡ, ಏಳಕೋಟೆಪ್ಪ ಪುಲ್ಸೆ,ನಾಗಪ್ಪ ಗುಮ್ಮಾ,ಅಯ್ಯಪ್ಪ ಪತ್ತಾರ,ಮಹೇಶ ಗೋಗಿ,ಮಂಜುನಾಥ ಪುಲ್ಸೆ,ಸಂಗಪ್ಪ ಪುಲ್ಸೆ,ರಾಚಪ್ಪ ಜೋತಾ,ನಿಂಗಪ್ಪ ಸುಂಗಿ,ಜೆಟ್ಟೆಪ್ಪ ಕಚಕನೂರ ಸೇರಿದಂತೆ ಅನೇಕ ಜನ ಯುವಕರಿದ್ದರು.