ಸುರಪುರ: ತಾಲೂಕಿನ ಮುಷ್ಠಳ್ಳಿ ಗ್ರಾಮದ ಸರಕಾರಿ ಹಿರಿಯ ಪ್ರಾಥಮಿಕ ಶಾಲೆಗೆ ಶಾಲಾ ಸುಧಾರಣಾ ಸಮಿತಿ ರಚನೆ ಮಾಡಲಾಯಿತು.ಸಮಿತಿಯ ಅಧ್ಯಕ್ಷರನ್ನಾಗಿ ದುರ್ಗಪ್ಪ ಅಂಬಿಗೇರವರನ್ನು ಸರ್ವಾನುಮತ ದಿಂದ ಆಯ್ಕೆ ಮಾಡಲಾಯಿತು.
ಅಧ್ಯಕ್ಷರಾಗಿ ಆಯ್ಕೆಗೊಂಡ ದುರ್ಗಪ್ಪ ಅಂಬಿಗೇರ ಮಾತನಾಡಿ,ನಮ್ಮ ಗ್ರಾಮದ ಶಾಲೆಗೆ ಶಿಕ್ಷಕರು ಮತ್ತು ಮೂಲಭೂತ ಸೌಕರ್ಯಗಳಿಗಾಗಿ ಸರಕಾರದಿಂದ ಪ್ರಯ್ತನ ಮಾಡುವೆನು.ಅಲ್ಲದೆ ಶಾಲೆಯಲ್ಲಿನ ಮಕ್ಕಳ ಕಲಿಕೆಗೆ ಅವಶ್ಯವಿರುವ ಎಲ್ಲಾ ರೀತಿಯ ಸಹಕಾರ ನೀಡಲು ಶ್ರಮಿಸುವುದಾಗಿ ತಿಳಿಸಿದರು.ಅಲ್ಲದೆ ನನ್ನನ್ನು ಶಾಲಾ ಸುಧಾರಣಾ ಸಮಿತಿಯ ಅಧ್ಯಕ್ಷನನ್ನಾಗಿ ನೇಮಿಸಿದ ಎಲ್ಲರಿಗು ಧನ್ಯವಾದ ತಿಳಿಸುವುದಾಗಿ ಮತ್ತು ನೀವುಗಳು ನೀಡುವ ಸಲಹೆಗಳನ್ನು ಸ್ವೀಕರಿಸಿ ಕೆಲಸ ಮಾಡುವುದಾಗಿ ಭರವಸೆ ನೀಡಿದರು.
ಅದೇರೀತಿಯಾಗಿ ಸಮಿತಿಯ ಉಪಾಧ್ಯಕ್ಷರನ್ನಾಗಿ ನಿಂಗಣ್ಣ ಮೇಟಿಯವರನ್ನು,ಸದಸ್ಯರನ್ನಾಗಿ ಶಳಿಗೆಪ್ಪ,ಹುಲಗಪ್ಪ,ಶಿವಪ್ಪ ಮತ್ತಿತರರನ್ನು ನೇಮಿಸಲಾಯಿತು.ಈ ಸಂದರ್ಭದಲ್ಲಿ ಶಿಕ್ಷಣ ಪ್ರೇಮಿ ಹಣಮಂತ ಕೆಸಿಪಿ,ಗ್ರಾ.ಪಂ ಸದಸ್ಯರಾದ ಗುರಪ್ಪ ಹೊಸಮನಿ,ರಾಚನಗೌಡ ಪೋಲಿಸ್ ಪಾಟೀಲ, ತಿರುಪತಿ, ಮರಿಲಿಂಗಪ್ಪ, ತಿಪ್ಪಣ್ಣ,ಬಸವರಾಜ ಹಾಗು ಎಲ್ಲಾ ಪೋಷಕರು ಮತ್ತು ಶಾಲಾ ಶಿಕ್ಷಕ ವರ್ಗ ಇದ್ದರು.