ಸುರಪುರ: ಕೊರೊನಾ ಎಂಬುದು ಮಹಾಮಾರಿ ಸಾಂಕ್ರಾಮಿಕ ರೋಗ ಎಂಬುದು ನಿಜ,ಆದರೆ ಇದರ ಬಗ್ಗೆ ಭಯಪಡುವ ಬದಲು ಆರೋಗ್ಯ ಇಲಾಖೆ ತಿಳಿಸಿರುವ ಮುಂಜಾಗ್ರತೆ ನಿಯಮ ಪಾಲಿಸುವಂತೆ ಜಿಲ್ಲಾ ಪಂಚಾಯತಿ ಮಾಜಿ ಅಧ್ಯಕ್ಷ ರಾಜಾ ಹನಮಪ್ಪ ನಾಯಕ (ತಾತಾ) ತಿಳಿಸಿದರು.
ನಗರದ ಬಸ್ ನಿಲ್ದಾಣ ಹಸನಾಪುರ ಪೆಟ್ರೋಲ್ ಪಂಪ್,ಗಾಂಧಿ ವೃತ್ತ ಹಾಗು ಪೌರ ಕಾರ್ಮಿಕರು ಮತ್ತು ನಿರ್ಗತಿಕರಿಗೆ ಆಹಾರ ನೀರು ವಿತರಿಸಿ ಮಾತನಾಡಿ,ಕೊರೊನಾ ಭೀತಿಯಿಂದ ಇಂದು ಲಕ್ಷಾಂತರ ಜನರು ಉದ್ಯೋಗವಿಲ್ಲದೆ ಬದುಕು ನಡೆಸಲು ಕಷ್ಟವಾಗಿದೆ.ಅಂತವರ ನೆರವಿಗೆ ನಾವೆಲ್ಲ ಬರುವುದು ಅವಶ್ಯವಿದೆ.ಇದನ್ನು ಮನಗಂಡು ಇಂದು ಜನರಿಗೆ ಸಹಕಾರಕ್ಕೆ ನಿಂತಿದ್ದು ತಾವೆಲ್ಲರು ಕೊರೊನಾ ತಡೆಯಲು ಜಾಗೃತರಾಗಬೇಕೆಂದರು.
ಗಾಂಧಿ ವೃತ್ತದಲ್ಲಿ ಆಹಾರ ವಿತರಿಸುವವರೊಂದಿಗೆ ಭಾಗವಹಿಸಿದ್ದ ಸುರಪುರ ಉಪ ವಿಭಾಗದ ಡಿವಾಯ್‌ಎಸ್‌ಪಿ ವೆಂಕಟೇಶ ಹುಗಿಬಂಡಿ ಮಾತನಾಡಿ,ಯುವಕರು ಅನಗತ್ಯವಾಗಿ ಹೊರಗೆ ಬೈಕ್ ಹತ್ತಿ ತಿರುಗಾಡಬೇಡಿ,ಜನರುಕೂಡ ಭಾರತ ಲಾಕ್‌ಡೌನ್ ಬೆಂಬಲಿಸಿ ಮನೆಯಲ್ಲಿರಿ ಇದರಿಂದ ಕೊರೊನಾ ಬೇಗನೆ ನಿರ್ಮೂಲನೆಯಾಗಲಿದೆ ಎಂದರು.
ಈ ಸಂದರ್ಭದಲ್ಲಿ ಮುಖಂಡರಾದ ಆಕಾಶ ಕಟ್ಟಿಮನಿ,ಶಿವು ಕಲಕೇರಿ,ರಂಗನಗೌಡ ದೇವಿಕೇರಾ,ರಮೇಶ ಬಡಿಗೇರ,ಪರಶುರಾಮ ನಾಟೆಕಾರ್,ಪ್ರಮೋದ್ ಕಟ್ಟಿಮನಿ,ಮೌನೇಶ ಝಂಡದಕೇರಾ,ಪ್ರಜ್ವಲ ಕಟ್ಟಿಮನಿ,ಪ್ರಕಾಶ ಮುಷ್ಠಳ್ಳಿ,ಪರಮೇಶ ಬಾಚಿಮಟ್ಟಿ,ಮಲ್ಲು ಜೇವರ್ಗಿ,ಬಾಗು ಬಿಲ್ಲವ್ ಸೇರಿದಂತೆ ಅನೇಕರಿದ್ದರು.