ಮಳೆಗೆ ಮನೆ ಗೋಡೆ ಕುಸಿತ

ವಾಡಿ: ಮಂಗಳವಾರ ಸಂಜೆ ಸುರಿದ ಧಾರಾಕಾರ ಮಳೆಯಿಂದಾಗಿ ವಾಡಿ ಪಟ್ಟಣದ ಪಿಲಕಮ್ಮ ದೇವಿ ಬಡಾವಣೆಯ ಮನೆಯ ಗೋಡೆಯೊಂದು ಕುಸಿದು ಆತಂಕ ಮೂಡಿಸಿದ ಘಟನೆ ಸಂಭವಿಸಿದೆ. ಭಾರಿ ಪ್ರಮಾಣದ ಗಾಳಿ-ಮಳೆಯ ಒತ್ತಡಕ್ಕೆ ಮಾಳಮ್ಮ ಎಂಬುವವರ ಮನೆಯ ಗೋಡೆ ಮತ್ತು ಕಾಂಕ್ರೀಟ್ ಮಾಳಿಗೆ ಮುರಿದು ಬಿದ್ದಿದೆ. ಅದೃಷ್ಠವಶಾತ್ ಮನೆಯೊಳಗೆ ಮಲಗಿದ್ದ ಯಾರಿಗೂ ತೊಂದರೆಯಾಗಿಲ್ಲ. ಪ್ರಕೃತಿ ವಿಕೋಪಕ್ಕೆ ಸಿಕ್ಕು ಬಡ ಕುಟುಂಬವೊಂದು ಆಶ್ರಯ ಕಳೆದುಕೊಂಡಿದ್ದು, ಸ್ಥಳ ಪರಿಶೀಲನೆ ನಡೆಸುವ ಮೂಲಕ ತಹಶೀಲ್ದಾರರು ಪರಿಹಾರ ಘೋಷಿಸಬೇಕು ಎಂದು ಪುರಸಭೆ ಉಪಾಧ್ಯಕ್ಷ ಮಲ್ಲಯ್ಯ ಗುತ್ತೇದಾರ ಮನವಿ ಮಾಡಿದ್ದಾರೆ.