ರಾಯಚೂರು: ಭಾಷಣ ಸಾಕು, ವೇತನ ಬೇಕು ಉದ್ಯೋಗ ಉಳಿಸಿ ಆರ್ಥಿಕತೆ ರಕ್ಷೀಸಿ, ಆಹಾರ ಒದಗಿಸಿ – ಬದಕು ಉಳಿಸಿ. ಶೈಕ್ಷಣಿಕ ಸಾಲ ಮನ್ನಾ ಮಾಡಿ, ಶಿಕ್ಷಣ ಶುಲ್ಕ ದಲ್ಲಿ ವಿನಾಯಿತಿ ನೀಡಿ ಎಂಬ ಇತ್ಯಾದಿ ಬೇಡಿಕೆಗಳ ಈಡೇರಿಬೇಕೆಂದು ಎಸ್.ಎಫ್.ಐ SFI ರಾಜ್ಯ ಉಪಾಧ್ಯಕ್ಷರಾದ ಶಿವಕುಮಾರ ಮ್ಯಾಗಳಮನಿ ಆಗ್ರಹಿಸಿದ್ದಾರೆ.
ಇಲ್ಲಿನ ಹೋರಾಟದಲ್ಲಿ ಮಾತನಾಡಿದ ಅವರು ಇಂದು ರಾಷ್ಟ್ರವ್ಯಾಪಿ ಪ್ರತಿಭಟನೆಗೆ ಕರೆ ನೀಡಿದ ಭಾಗವಾಗಿ ಇಂದು ಬೆಂಗಳೂರು, ಮಂಗಳೂರು, ದಕ್ಷಿಣ ಕನ್ನಡ, ಹಾಸನ, ಕೋಲಾರ, ಕೊಪ್ಪಳ, ಕಲ್ಬುರ್ಗಿ, ಯಾದಗಿರಿ, ಹಾವೇರಿ, ಬಳ್ಳಾರಿ, ಹೊಸಪೇಟೆ, ದಾವಣಗೆರೆ, ಚುಕ್ಕಬುಳ್ಳಾಪುರ ಗಂಗಾವತಿ, ಆನೆಕಲ್, ಕವಿತಾಳ, ಜಾಲಹಳ್ಳಿ, ಯಲಬುರ್ಗಾ ಸೇರಿ ರಾಜ್ಯಾದ್ಯಂತ ಪದಾಧಿಕಾರಿಗಳ ಮನೆಯ ಮತ್ತು ಕಾರ್ಯಾಲಯದ ಮುಂದೆಯೇ ಮೌನ ಪ್ರತಿಭಟನೆ ಮಾಡಿ ಸರ್ಕಾರಕ್ಕೆ ಒತ್ತಾಯಿಸಲಾಗುತ್ತಿದೆ ಎಂದು ತಿಳಿಸಿದರು.
COVID 19 ವೈರಸ್ ಲಾಕ್ ಡೌನ್ ಅವಧಿಯನ್ನು 2020 ಮೇ 3 ರವರೆಗೆ ವಿಸ್ತರಿಸಲಾಗಿದೆ ಎಂದು ನಮಗೆ ತಿಳಿದಿದೆ. ಉದ್ಯೋಗ ಒದಗಿಸುವ, ಆಹಾರ ಸುರಕ್ಷತೆ ಮತ್ತು ಮೂಲಭೂತ ಅವಶ್ಯಕತೆಗಳಂತಹ ಸಮಸ್ಯೆಗಳನ್ನು ತುರ್ತಾಗಿ ಪರಿಹರಿಸಬೇಕು, ವಿದ್ಯಾರ್ಥಿಗಳಿಗೆ ಕನಿಷ್ಠ ಬ್ಯಾಂಕ್ ಖಾತೆಯಲ್ಲಿ ನೇರವಾಗಿ ಹಣವನ್ನು ಒದಗಿಸಬೇಕು, ವಿದ್ಯಾರ್ಥಿಗಳಿಗೆ ಫೆಲೋಶಿಪ್ / ವಿದ್ಯಾರ್ಥಿವೇತನ ಮತ್ತು ಅನುದಾನವನ್ನು ವಿತರಿಸಿ (ಪದವಿ ಪಿಎಚ್‌ಡಿಗೆ), ಸರ್ಕಾರ ಎರಡು ತಿಂಗಳ ಶುಲ್ಕವನ್ನು ಮನ್ನಾ ಮಾಡಬೇಕು. ಲಾಕ್ ಡೌನ್ ಸಮಯದಲ್ಲಿ ಹಾಸ್ಟೆಲ್ ಶುಲ್ಕ ವಿಧಿಸಬಾರದು ಎಂದು ಒತ್ತಾಯಿಸಿದರು.
ವಿದ್ಯಾಭ್ಯಾಸ ಮಾಡಲು ಬಾಡಿಗೆಗಾಗಿ ಉಳಿದಿರುವ ವಿದ್ಯಾರ್ಥಿಗಳ ಪರವಾಗಿ ಸರ್ಕಾರವು ಬಾಡಿಗೆಯನ್ನು ಪಾವತಿಸಬೇಕು. ವಿದ್ಯಾರ್ಥಿಗಳ ಮೂಲಭೂತ ಅಗತ್ಯಗಳನ್ನು ಖಚಿತಪಡಿಸಿಕೊಳ್ಳಲು ಸರ್ಕಾರ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳಬೇಕು. ಕೋವಿಡ್ 19 ಗಾಗಿ ಹೆಚ್ಚಿನ ಪರೀಕ್ಷೆಗಳು ಮತ್ತು ವೇಗವಾಗಿ ಪರೀಕ್ಷೆಗಳನ್ನು ಖಚಿತಪಡಿಸಿಕೊಳ್ಳಬೇಕು. ಆರೋಗ್ಯ ಕಾರ್ಯಕರ್ತರಿಗಾಗಿ ಪಿಪಿಇ ಕಿಟ್‌ಗಳನ್ನು ಜೋಡಿಸಿ ಮತ್ತು ಅವರ ಸುರಕ್ಷತೆಗೆ ಭರವಸೆ ನೀಡಿ. ಲಾಕ್ ಡೌನ್ ಅವಧಿಯಲ್ಲಿ, ಎಲ್ಲಾ ವಿದ್ಯಾರ್ಥಿಗಳಿಗೆ ಸಾರ್ವತ್ರಿಕ ಪಡಿತರ ಲಭ್ಯವಿರಬೇಕು. ನಿರುದ್ಯೋಗಿಗಳಿಗೆ ಸಹಾಯ ಮಾಡಲು ಮೂಲ ಆದಾಯವನ್ನು ಖಚಿತಪಡಿಸಿಕೊಳ್ಳಿ. ನಕಲಿ ಸುದ್ದಿ ಮತ್ತು ಕೋಮು ವಾಕ್ಚಾತುರ್ಯವನ್ನು ಪ್ರಸಾರ ಮಾಡುವವರ ವಿರುದ್ಧ ಕಠಿಣ ಕ್ರಮ ತೆಗೆದುಕೊಳ್ಳಬೇಕೆಂದು ಒತ್ತಾಯಿಸಿ ನಗರದ ವಿವಿಧೆಡೆ ತಮ್ಮ ತಮ್ಮ ಮನೆ ಗಳ ಮುಂದೆ ಹೋರಾಟ ನಡೆಸಿ ಸರಕಾರಕ್ಕೆ ಆಗ್ರಹಿಸಿದರು.
ಈ ವೇಳೆ ರಾಜ ಪದಾಧಿಕಾರಿ ಭೀಮನಗೌಡ ಸುಂಕೇಶ್ವರಾಳ, ಜಿಲ್ಲಾ ಕಾರ್ಯದರ್ಶಿ ಲಿಂಗರಾಜ ಕಂದಗಲ್, CITU ಮುಖಂಡರಾದ ಎಚ್. ಪದ್ಮಾ, ಕೆ.ಜೆ ವಿರೇಶ, Sfi – DYFI ಮುಖಂಡರಾದ ಸೈಯದ್ ಮುನ್ನಾವರ್, ಮೌನೇಶ್ ಬುಳ್ಳಾಪುರ ಸೇರಿದಂತೆ ಅನೇಕರು ಹೋರಾಟದಲ್ಲಿ ಪಾಲ್ಗೊಂಡಿದ್ದರು.
