ಮುಖ್ಯಮಂತ್ರಿ ಪರಿಹಾರ ನಿಧಿಗೆ 5 ಲಕ್ಷ ರೂಪಾಯಿ ದೇಣಿಗೆ

ಕಲಬುರಗಿ: ಜಿಲ್ಲಾ ಸ್ಟೋನ್ ಕ್ರಷರ್ ಅಸೋಸಿಯೇಷನ್ ಅಧ್ಯಕ್ಷ ಹಾಗೂ ಕಾಂಗ್ರೆಸ್ ಮುಖಂಡ ನೀಲಕಂಠರಾವ್ ಮೂಲಗೆ ಇವರ ನೇತೃತ್ವದಲ್ಲಿ ಹಾಗೂ ಉಪ ನಿರ್ದೇಶಕರು ಗಣಿ ಮತ್ತು ಭೂ ವಿಜ್ಞಾನ ಇಲಾಖೆಯ ರೇಣುಕಾದೇವಿ ಇವರ ಸಮ್ಮುಖದಲ್ಲಿ ಕೊರೊನಾ ವೈರಸ್ ತಡೆಗಾಗಿ ಮುಖ್ಯಮಂತ್ರಿ ಪರಿಹಾರ ನಿಧಿಗೆ ೫ ಲಕ್ಷ ರೂಪಾಯಿ ದೇಣಿಗೆಯನ್ನು ಜಿಲ್ಲಾಧಿಕಾರಿ ಶರತ್ ಬಿ ಅವರಿಗೆ ವಿತರಿಸಿದರು. ಪ್ರಧಾನ ಕಾರ್ಯದರ್ಶಿ ಆರ್‌ಜಿ. ಪಾಟೀಲ್, ಶಿವಯ್ಯ ಗುತ್ತೇದಾರ್, ಮನೋಹರ್ ಗುತ್ತೇದಾರ್, ಸೋನು ಪಟೇಲ್, ಪ್ರವೀಣ್ ಕಲಬುರಗಿ, ಅಬ್ದುಲ್ ಶುಕೂರ್ ಮಾಮು ಇದ್ದರು.