ಚಿತ್ತಾಪುರ: ತಾಲೂಕಿನ ಅಳ್ಳೋಳಿ ಗ್ರಾಮ ಪಂಚಾಯತ ಅಧ್ಯಕ್ಷ ಸಾಬಣ್ಣ/ಮಹದೇವಪ್ಪ ಸೋಮನ್ ಸಂಕನೂರು, ಎಂಬುವರು ಪಂಚಾಯಿತ್ ಪಿಡಿಒ ಶೇಖಪ್ಪ ಎನ್ ಶಂಖು ಮೇಲೆ ಹಲ್ಲೆ ಮಾಡಿದ್ದಾರೆ.
ಕೊರೊನ್ ವೈರಸ್ (ಕೋವಿಡ್-19) ಮುಂಜಾಗ್ರತಾ ಕ್ರಮವಾಗಿ ದಿನನಿತ್ಯ ಸೇವೆ ಸಲ್ಲಿಸುತ್ತಿದ್ದು, ಅಳ್ಳೋಳಿ ಗ್ರಾಮದಲ್ಲಿ ಮೃತಪಟ್ಟಿದ್ದಾರೆ ಎಂಬ ವಿಷಯ ತಿಳಿದು ಬೆಳಿಗ್ಗೆ ಆ ಕುಟುಂಬದ ಮನೆಗೆ ಭೇಟಿ ನೀಡಿ ಸಾಮಾಜಿಕ ಅಂತರದ ಕುರಿತು ಜಾಗೃತಿ ಮೂಡಿಸಿ, ನಂತರದಲ್ಲಿ ಕೊರೊನ್ ವೈರಸ್ ಹರಡದಂತೆ ಗ್ರಾಮ ಪಂಚಾಯಿತಿಯಲ್ಲಿ ಅಂಗನವಾಡಿ ಕಾರ್ಯಕರ್ತೆ, ಆಶಾ ಕಾರ್ಯಕರ್ತೆ, ಗ್ರಾಮಸ್ಥರು ಸಭೆ ನಡೆಸಲಾಯಿತು ಈ ಸಭೆ ಮುಗಿದ ಮೇಲೆ ಗ್ರಾಮ ಪಂಚಾಯತ್ ಅಧ್ಯಕ್ಷರು ಏಕಾಏಕಿ ನಮ್ಮ ಮೇಲೆ ಜಾತಿ ನಿಂದನೆ ಮಾಡಿ ಅವ್ಯಾಚ ಪದಗಳಿಂದ ಬೈದು ಅಂಗಿ ಹಿಡಿದು ಹೊಡೆದಿದ್ದಾರೆ ಎಂದು ಗ್ರಾಮ ಪಂಚಾಯತ್ ಪಿಡಿಒ ಶೇಖಪ್ಪ ಎನ್ ಶಂಖು ಪತ್ರಿಕಾ ಹೇಳಿಕೆ ನೀಡಿದ್ದಾರೆ.
ಈ ಕುರಿತು ಸ್ಥಳೀಯ ಚಿತ್ತಾಪುರ ಪೊಲೀಸ್ ಠಾಣೆಯಲ್ಲಿ ಅಳ್ಳೋಳಿ ಗ್ರಾಮ ಪಂಚಾಯತ್ ಅಧ್ಯಕ್ಷ ಸಾಬಣ್ಣ ಮಹದೇವಪ್ಪ ಮೇಲೆ ದೂರು ನೀಡಲಾಗಿದೆ.
ಈ ವೇಳೆಯಲ್ಲಿ ಗ್ರಾಮ ಪಂಚಾಯತ್ ಸಿಬ್ಬಂದಿಗಳಾದ ಹೈಮದ್ ಮೀಯ್ ಮುಲ್ಲಾ, ಈರಣ್ಣ ಶಿವಶರಣಪ್ಪ ಸಿಂದಗಿ, ಇರ್ಫಾನ್, ಕಾಸಿಂಸಾಬ್ ಮುಲ್ಲಾ, ಸೇರಿದಂತೆ ಇತರರಿದ್ದರು.