ಕಲಬುರಗಿ: ಕೊರೋನಾ ವೈರಸ್ ಸಾಂಕ್ರಾಮಿಕ ರೋಗವು ಹರಡಿರುವುದನ್ನು ತಡೆಗಟ್ಟಲು ಲಾಕ್‍ಡೌನ್ ಘೋಷಿದ ಹಿನ್ನೆಲೆಯಲ್ಲಿ ಕಲಬುರಗಿ ಜಿಲ್ಲೆಯಿಂದ ಕೆಲಸಕ್ಕೆಂದು ಮತ್ತು ಇತರೆ ಕಾರಣಗಳಿಂದ ಬೇರೆ ಜಿಲ್ಲೆಗಳಲ್ಲಿ ಸಿಲುಕಿರುವವರನ್ನು ಸರಕಾರದ ಬಸ್ ಸೌಕರ್ಯದ ಮೂಲಕ ಮೇ. 4 ರಿಂದ 8 ರ ವರೆಗೆ ಬೆಂಗಳೂರು, ಹುಬ್ಬಳ್ಳಿ ಇನ್ನಿತರೆ ನಗರಗಳಿಂದ ಬಸ್ಸುಗಳ ಮುಖಾಂತರ 7539 ಜನರು ಕಲಬುರಗಿ ಬಸ್ ನಿಲ್ದಾಣಕ್ಕೆ ಬಂದಿಳಿದಿದ್ದಾರೆಂದು ಮಹಾನಗರ ಪಾಲಿಕೆಯ ಆಯುಕ್ತರಾದ ಮಾಹಿತಿ ಮಾಹಿತಿ ನೀಡಿದ್ದಾರೆ.
ಈ ಎಲ್ಲಾ ನಾಗರಿಕರು ಕಲಬುರಗಿಗೆ ಬಂದಿರುವ ವಲಸಿಗರನ್ನು ಮಹಾನಗರ ಪಾಲಿಕೆ, ಕಲಬುರಗಿಯಲ್ಲಿ ದಾಖಲಿಸಲಾಗಿದೆ ಮತ್ತು ಇವರ ಗುರುತಿಸಿ ವಿವರ ಆರೋಗ್ಯ ಇಲಾಖೆಗೆ ನೀಡಲಾಗಿದೆ.
ಈ ಮೇಲ್ಕಾಣಿಸಿದವರಲ್ಲಿ ಯಾರಿಗಾದರೂ I.L.I/S.A.R.I ರೋಗಲಕ್ಷಣಗಳು ಕಂಡಬಂದರೆ ಆರೋಗ್ಯ ಇಲಾಖೆ ಆಸ್ಪತ್ರೆಗಳಲ್ಲಿ ತಪಾಸಣೆ ಮಾಡಲು ತಿಳಿಸಲಾಗಿದೆ. ಎಲ್ಲಾ ಜನರಿಗೆ ಪಾಲಿಕೆ ವತಿಯಿಂದ ಊಟ, ನೀರು ಹಣ್ಣು ತರಕಾರಿ ವ್ಯವಸ್ಥೆಗಳನ್ನು ಮಾಡಲಾಗಿದೆ. ಮತ್ತು ಯಾವುದೇ ತೊಂದರೆ ಕಂಡರೆ ಸಮೀಪದ ಸರಕಾರಿ ಆಸ್ಪತ್ರೆಗೆ ಭೇಟಿ ಕೊಡಲು ಮತ್ತು 14 ದಿನ ಸ್ವತಃ ಮನೆಯಲ್ಲಿಯೇ ಉಳಿದುಕೊಳ್ಳಲು ತಿಳಿಸಲಾಗಿದೆ.
ಮುಂದುವರೆದು ನಗರದ ಕಂಟೇನ್ಮೆಂಟ್ ಝೋನ್‍ಗಳಲ್ಲಿ ಬ್ಯಾರಿಕೇಡ್‍ನ್ನು ಅಳವಡಿಸಲಾಗಿದ್ದು, ಸಾರ್ವಜನಿಕರು ಇವುಗಳನ್ನು ತೆಗೆದು ಹಾಕುತ್ತಿರುವುದು ಗಮನಕ್ಕೆ ಬಂದಿರುತ್ತದೆ. ಕಾರಣ ಬ್ಯಾರಿಕೇಡನ್ನು ತೆಗೆಯಬಾರದು ಎಂದು ಆಯುಕ್ತರು ಸಾರ್ವಜನಿಕರಲ್ಲಿ ಮನವಿ ಮಾಡಿದ್ದಾರೆ.
ಈಗಾಗಲೇ ಮಹಾನಗರ ಪಾಲಿಕೆ, ಕಲಬುರಗಿ ವತಿಯಿಂದ ನಾಲ್ಕು ಆರೋಗ್ಯ ಕೇಂದ್ರಗಳನ್ನು ಯುನೈಟೆಡ್ ಆಸ್ಪತ್ರೆ ಸಹಯೋಗದಿಂದ ಸ್ಥಾಪಿಸಲಾಗಿದ್ದು, ಸಾರ್ವಜನಿಕರು I.L.I/S.A.R.I ರೋಗಲಕ್ಷಣಗಳನ್ನು ಹೊರತುಪಡಿಸಿ ಬೇರೆ ಸಾಮಾನ್ಯ ಕಾಯಿಲೆಗಳಿಗೆ ಮತ್ತು ಗರ್ಭಿಣಿ ಸ್ತ್ರೀಯರು ತಪಾಸಣೆಯನ್ನು ಮಾಡಿಕೊಳ್ಳಬಹುದಾಗಿದೆ. ಅಲ್ಲದೇ, ಮಹಾನಗರ ಪಾಲಿಕೆ ಆವರಣದಲ್ಲಿರುವ ಆರೋಗ್ಯ ಕೇಂದ್ರದಲ್ಲಿ ಟೆಲಿಮೆಡಿಸಿನ್ ಮೂಲಕ ಜೌಷದೋಪಚಾರ ಪಡೆಯಬಹುದಾಗಿದೆ. ಟೆಲಿಮೆಡಿಸಿನ್ ಸಂಪರ್ಕ ಮೊಬೈಲ್ ನಂ. 8310964779 ಇರುತ್ತದೆಂದು ತಿಳಿಸಲಾಗಿದೆ.
ಮುಂದುವರೆದು ನಗರದಲ್ಲಿ ಲಾಕ್‍ಡೌನ್ ಸಡಿಲಿಕೆ ಹಿಂಪಡೆದಿರುವುದರಿಂದ ಯಾವುದೇ ಹೇರ್‍ಸಲೂನ್, ಬೇಕರಿಗಳು, ಹೋಟೆಲ್‍ಗಳು ಇತ್ಯಾದಿಗಳನ್ನು ತೆರೆಯದಂತೆ ಕ್ರಮ ವಹಿಸಲು ಸೂಚಿಸಿರುತ್ತಾರೆ. ಒಂದುವೇಳೆ ನಿಯಮ ಉಲ್ಲಂಘಿಸಿ ಅಂಗಡಿಗಳನ್ನು ತೆರೆದರೆ ಪಾಲಿಕೆಯ ವತಿಯಿಂದ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ಈ ಲಾಕ್‍ಡೌನ್ ಮುಗಿಯುವವರೆಗು ಎಲ್ಲಾ ಸಾರ್ವಜನಿಕರು ಸಹಕರಿಸಬೇಕೆಂದು ಆಯುಕ್ತರು ಮನವಿ ಮಾಡಿರುತ್ತಾರೆ.
