ಕಲಬುರಗಿ: ಹೊರಗೆ ಕೊರೊನಾ ಕಾಟ, ಒಳಗೆ ಬಿಸಿಲಿನಿಂದ ಧಗೆಯ ಕಾಟ ಎನ್ನುವಂತೆ ಇತ್ತೀಚಿನ ಮೂರ್ನಾಲ್ಕು ದಿನಗಳಲ್ಲಿ ವಿಪರೀತ ಬಿಸಿಲು, ಜಳ, ಧಗೆ ಇತ್ತು.
ಹೇಳಿ ಕೇಳಿ ಬಿಸಿಲೂರು ಖ್ಯಾತಿಯ ಕಲಬುರಗಿ ಕಾದು ಕೆಂಡವಾಗಿತ್ತು. ಕೊರೊನಾ ಮಹಾಮಾರಿಯಿಂದ ಈ ಬಾರಿಯ ಬಿಸಿಲಿನ ತಾಪ ಬಹಳ ಜನಕ್ಕೆ ಆಗಿರಲಿಲ್ಲ. ಆದರೆ ಲಾಕ್ ಡೌನ್ ಸಡಿಲಿಕೆಯಿಂದಾಗಿ ಹೊರೆಗೆ ಬಂದರೆ ” ಏನ್ ಬಿಸಿಲುರಿ, ಯಪ್ಪಾ ಶಿವ ಶಿವ” ಅನ್ನುವಂತಾಗಿತ್ತು.
Contact Your\'s Advertisement; 9902492681
ಇಂಥ ಸುಡು ಬಿಸಿಲು ತಂಪುಗೊಳಿಸಲು ಮಳೆರಾಯ ಇಂದು ಧರೆಗೆ ಬಂದ ಇಂದು ಸಂಜೆ ೫ ಗಂಟೆಯಿಂದ ಜೋರಾದ ಗಾಳಿ ಶುರುವಾಗಿ ಗುಡುಗಿದಂತಾಗಿ ಕೊನೆಗೆ ಸುಮಾರು ೧ ಗಂಟೆಗಳ ಕಾಲ ಧೋ ಎಂದು ಮಳೆ ಸುರಿಯಿತು.
ಮಳೆ, ಗಾಳಿಯಿಂದಾಗಿ ಸಂಚಾರ ಸ್ಥಗಿತಗೊಂಡಿತ್ತು. ರಸ್ತೆಯ ಇಕ್ಕೆಲಗಳಲ್ಲಿನ ಗಿಡ ಮರಗಳ ಟೊಂಗೆಗಳು ಮುರಿದು ರಸ್ತೆಯ ಮೇಲೆ ಬಿದ್ದಿರುವುದು ಕಂಡು ಬಂದಿತು.
ಒಟ್ಟಾರೆಯಾಗಿ ಬಹುದಿನಗಳ ನಂತರ ಬಂದ ಮಳೆ ಜಿಲ್ಲೆಯ ಜನತೆಗೆ ಖುಷಿ ಕೊಟ್ಟಿತು.