ಸುರಪುರ: ತಾಲೂಕಿನ ಶೆಳ್ಳಗಿ ಮಂಟಪ ಬಳಿಯ ಕೃಷ್ಣಾ ನದಿಂiÀiಲ್ಲಿ ವ್ಯಕ್ತಿಯೊಬ್ಬ ಈಜಲು ಹೋಗಿ ನಾಪತ್ತೆಯಾದ ಘಟನೆ ಜರುಗಿದೆ.ಶೆಳ್ಳಗಿ ಗ್ರಾಮದ ಚಂದಪ್ಪ ಶೆಳಿಗೆಪ್ಪ ಕೊಂಡಿಕಾರ (46 ವರ್ಷ) ನಾಪತ್ತೆಯಾದ ವ್ಯಕ್ತಿಯಾಗಿದ್ದಾನೆ.
ಶುಕ್ರವಾರ ಮದ್ಹ್ಯಾನ ಬಿಸಿಲ ಧಗೆ ತಣಿಸಿಕೊಳ್ಳಲು ನಾಪತ್ತೆಯಾದ ಚಂದಪ್ಪ ಹಾಗು ಇನ್ನಿಬ್ಬರು ವ್ಯಕ್ತಿಗಳಾದ ಅಂಬಣ್ಣ ದೊರೆ ಮತ್ತು ಬಾಲಪ್ಪ ದೊರೆ ಎಂಬುವವರು ನದಿಗೆ ಈಜಲು ತೆರಳಿದ್ದು.ಮೊದಲು ಚಂದಪ್ಪ ನೀರಿಗೆ ಹಾರಿದ್ದು ಇನ್ನುಳಿದ ಇಬ್ಬರು ಬಟ್ಟೆ ತೆಗೆಯುತ್ತಿದ್ದರು.ಎಷ್ಟೊತ್ತಾದರು ಚಂದಪ್ಪ ಮೇಲೆ ಬರದಿದ್ದಾಗ ಅಲ್ಲೆ ಕಾದು ನಂತರ ಗ್ರಾಮದ ಜನರಿಗೆ ಸುದ್ದಿ ತಿಳಿಸಿದ್ದಾರೆ.
ಸ್ಥಳಕ್ಕೆ ಅಗ್ನಿ ಶಾಮಕ ದಳದ ಸಿಬ್ಬಂದಿ ಮತ್ತು ಮೀನುಗಾರ ವೆಂಕಟೇಶ ಬೋವಿಗಲ್ಲಿ ಬಂದು ದೋಣಿಯ ಮೂಲಕ ನಾಪತ್ತೆಯಾದ ವ್ಯಕ್ತಿಯ ಹುಡುಕಾಟ ನಡೆಸಿದ್ದಾರೆ.ಕಂದಾಯ ಇಲಾಖೆಯ ಗ್ರಾಮ ಲೆಕ್ಕಿಗ ದುಶ್ಯಂತ್ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.ಸುರಪುರ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟನೆ ನಡೆದಿದ್ದು,ಸ್ಥಳದಲ್ಲಿ ಚಂದಪ್ಪನ ಕುಟುಂಬಸ್ಥರ ಆಕ್ರಂದನ ಮುಗಿಲು ಮುಟ್ಟಿತ್ತು.