ಸುರಪುರ: ತಾಲೂಕಿನ ದೇವತ್ಕಲ್ ಗ್ರಾಮದ ಬಳಿಯ ಜಮೀನೊಂದರಲ್ಲಿ ಆಕಸ್ಮಿಕ ಬೆಂಕಿ ತಗುಲಿ ಗುಡಿಸಲು ಹಾಗು ಭತ್ತದ ಹುಲ್ಲಿನ ಬಣವೆ ಸುಟ್ಟು ಭಸ್ಮವಾದ ಘಟನೆ ಶುಕ್ರವಾರ ಮದ್ಹ್ಯಾನ ನಡೆದಿದೆ.ಹಳ್ಳದಲ್ಲಿನ ಒಣ ಹುಲ್ಲಿಗೆ ಯಾರೋ ಕಿಡಿಗೇಡಿಗಳು ಬೆಂಕಿ ಹಾಕಿದ್ದು ಅಲ್ಲೆ ಪಕ್ಕದ ಗಾಣಿಕೇರಿ ದೊಡ್ಡಿಯ ಸಿದ್ದಪ್ಪ ನವದಗಿ ಎಂಬುವವರ ಜಮೀನಿನಲ್ಲಿಯ ಗುಡಿಸಲಿಗೆ ಬೆಂಕಿ ತಗುಲಿ ಮನೆಯಲ್ಲಿದ್ದ ಆಹಾರ ಧಾನ್ಯಗಳಾದ ಅಕ್ಕಿ ಜೋಳ ಮತ್ತು ಭತ್ತದ ಚೀಲಗಳು ಸುಟ್ಟು ಭಸ್ಮವಾಗಿವೆ.
ಗುಡಿಸಲಲ್ಲಿದ್ದ ಜಮೀನಿನ ದಾಖಲೆ ಪತ್ರಗಳು,ಆಧಾರ ಕಾರ್ಡ್,ರೇಶನ್ ಕಾರ್ಡ್ ಸೇರಿದಂತೆ ಅನೇಕ ದಾಖಲೆಗಳು ಹಾಗು 10 ಗ್ರಾಂ ಬಂಗಾರ ಮತ್ತು 40 ಸಾವಿರ ನಗದು ಹಣ ಸುಟ್ಟು ಹೋಗಿವೆ ಎಂದು ಕುಟುಂಬಸ್ಥ ಸಿದ್ದಪ್ಪ ನವದಗಿ ಅಳಲು ತೋಡಿಕೊಂಡಿದ್ದಾರೆ.ಅಲ್ಲದ ಇವರ ಜಮೀನಿನ ಪಕ್ಕದಲ್ಲಿದ್ದ ಕೃಷ್ಣಪ್ಪ ಎಂಬುವವರಿಗೆ ಸೇರಿದ ಭತ್ತದ ಹುಲ್ಲಿನ ಬಣವೆಯೂ ಸುಟ್ಟು ಹೋಗಿದ್ದು ಜಾನುವಾರುಗಳಿಗೆ ಮೇವು ಇಲ್ಲ ಎಂದು ಕೃಷ್ಣಪ್ಪ ಕೂಡ ತಮ್ಮ ನೋವು ತೋಡಿಕೊಂಡಿದ್ದಾರೆ.
ಸಂಜೆಯ ವರೆಗೂ ಘಟನೆ ನಡೆದ ಸ್ಥಳಕ್ಕೆ ಯಾವುದೇ ಅಧಿಕಾರಿಗಳು ಬಾರದಿರುವ ಬಗ್ಗೆ ಜನರು ಬೇಸರ ವ್ಯಕ್ತಪಡಿಸಿದ್ದು,ಸರಕಾರ ಬಡ ಕುಟುಂಬಸ್ಥರಿಗೆ ಮನೆ ನಿರ್ಮಿಸಿ ಕೊಡಬೇಕು ಮತ್ತು ಜಾನುವಾರುಗಳಿಗೆ ಮೇವು ಒದಗಿಸಬೇಕೆಂದು ಆಗ್ರಹಿಸಿದ್ದಾರೆ.