ವಾಡಿ: ಕೊರೊನಾ ಸಾಂಕ್ರಾಮಿಕ ರೋಗದ ಹಿನ್ನೆಲೆಯಲ್ಲಿ ಈ ವರ್ಷ ಜೂ.5 ರಂದು ವಾಡಿ ಪಟ್ಟಣದಲ್ಲಿ ಕಾರುಣ್ಣಿ ನಿಮಿತ್ತ ನಡೆಯಬೇಕಿದ್ದ ರೈತರ ಕರಿ ಹರಿಯುವ ಸಾಂಪ್ರದಾಯಿಕ ಆಚರಣೆ ರದ್ದುಪಡಿಸಲಾಗಿದೆ.
ಜೀವ ಕಂಟಕ ಕೊರೊನಾ ವೈರಸ್ ವ್ಯಾಪಕವಾಗಿ ಹರಡುತ್ತಿರುವ ಕಾರಣ ಜನರ ಜೀವ ಸುರಕ್ಷತೆಯ ಹಿತದೃಷ್ಠಿಯಿಂದ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಎತ್ತು, ಎಮ್ಮೆಗಳ ಮೆರವಣಿಗೆ ನಿಷೇಧಿಸಲಾಗಿದೆ. ಪರಿಣಾಮ ರೈತರು, ಸಾರ್ವಜನಿಕರು ಕಾರಹುಣ್ಣಿಮೆ ದಿನದಂದು ಗುಂಪುಗುಂಪಾಗಿ ಬೀದಿಗಿಳಿಯಬಾರದು.
Contact Your\'s Advertisement; 9902492681
ಕಾನೂನು ಮೀರಿ ಆಚರಣೆಗೆ ಮುಂದಾದರೆ ಅಂಥಹವರ ವಿರುದ್ಧ 144 ಸೆಕ್ಷೆನ್ ನಿಷೇಧಾಜ್ಞೆ ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡು ಸೂಕ್ತ ಕ್ರಮಕೈಗೊಳ್ಳಲಾಗುವುದು ಎಂದು ಪಿಎಸ್‍ಐ ವಿಜಯಕುಮಾರ ಭಾವಗಿ ಪತ್ರಿಕಾ ಹೇಳಿಕೆಯಲ್ಲಿ ಎಚ್ಚರಿಕೆ ನೀಡಿದ್ದಾರೆ.