ಶಹಾಪುರ: ಕೋವಿಡ್-19 ನಂತಹ ಮಹಾಮಾರಿ ಖಾಯಿಲೆಯ ಮಧ್ಯದಲ್ಲೂ ತಮ್ಮ ಜೀವವನ್ನು ಲೆಕ್ಕಿಸದೇ ಹಗಲಿರುಳು ಸೇವೆಗೈದ ವೈದ್ಯರು,ವೈದ್ಯಕೀಯ ಸಹಾಯಕರು,ಪೋಲಿಸ್ ಅಧಿಕಾರಿಗಳು ಗ್ರಾಮಪಂಚಾಯತಿಯ ಸಿಬ್ಬಂದಿ ವರ್ಗದವರು, ಆಶಾ ಕಾರ್ಯಕರ್ತೆಯರು, ಅಂಗನವಾಡಿ ಕಾರ್ಯಕರ್ತೆಯರು, ಸ್ವಚ್ಛತಾಕರ್ಮಿಗಳು ತಮ್ಮ ಕಾರ್ಯವನ್ನು ಅಚ್ಚುಕಟ್ಟಾಗಿ ನಿರ್ವಹಿಸುತ್ತಿದ್ದಾರೆ.
ಈ ಸಂಧರ್ಭದಲ್ಲಿ ಶಾರದಹಳ್ಳಿ ಗ್ರಾಮದ ಅಂಗನವಾಡಿ ಕೇಂದ್ರದಲ್ಲಿ “ಶ್ರೀ ಶಂಕ್ರಪ್ಪ.ವಿ.ಆಚಾರ್ಯ ಚಾರಿಟೆಬಲ್ ಟ್ರಸ್ಟ್ (ರಿ) ” ನ ಅಧ್ಯಕ್ಷರಾದ ಸಂತೋಷ್ ಎಮ್ ವಿಶ್ವಕರ್ಮ ಇವರ ವತಿಯಿಂದ ಲಾಕ್ಡೌನ್ ಸಂದರ್ಭದಲ್ಲಿ ಕಾರ್ಯನಿರ್ವಹಿಸಿದ ವೈದ್ಯಕೀಯ ಸಹಾಯಕರಾದ ಆನಂದ್ ಮಾಲಿಪಾಟಿಲ್, ಗ್ರಾಮಪಂಚಾಯತಿಯ ಅಧ್ಯಕ್ಷರಾದ ಮಾಳಮ್ಮ ಸುರಪುರ, ಪಿಡಿಓ ಮಹಮ್ಮದ್ ಸರ್ಮುದ್ದಿನ್, ಸೆಕ್ರೇಟರಿ ಶರಣಪ್ಪ ಸನ್ನತಿ,ಅಂಗನವಾಡಿ ಕಾರ್ಯಕರ್ತೆಯರಾದ ಭೀಂಬಾಯಿ, ಭಾರತಿ,ಪೂಜಾ, ಆಶಾ ಕಾರ್ಯಕರ್ತೆಯರಾದ ಈರಮ್ಮ, ಚಂದ್ರಕಲಾ,ಮತ್ತು ಸ್ವಚ್ಛತಾಕರ್ಮಿಗಳಿಗೆ ಸನ್ಮಾನಿಸಲಾಯಿತು.
ಗ್ರಾಮದಸ್ಥರಾದ ಮಹಾದೇವ್ ಗೋನಾಲ್, ಹಣಮಂತ ಪೂಜಾರಿ,ಶಿವರುದ್ರಪ್ಪ ರುದ್ರಪ್ಪ ನಾಗಲಿಕರ್, ಭೀಮಾಶಂಕರ್ ಮತ್ತು ನಿರೂಪಕರಾದ ಬಾಲರಾಜ್ ಎಮ್ ವಿಶ್ವಕರ್ಮ ಉಪಸ್ಥಿತರಿದ್ದರು.