ಕಲಬುರಗಿ: ವೈದ್ಯರ ದಿನಾಚಾರಣೆಯ ಪ್ರಯುಕ್ತ ಭಾರತೀಯ ವೈದ್ಯರ ಸಂಘ ಕರ್ನಾಟಕ ಶಾಖೆ ಕೊಡುವ 2020ನಢ ಸಾಲಿನ ಐಎಂಎ ಪ್ರಶಸ್ತಿಗೆ ನಗರದ ಪ್ರಸಿದ್ಧ ವೈದ್ಯ ಡಾ. ಎಸ್ ಎಸ್ ಗುಬ್ಬಿ ಆಯ್ಕೆಯಾಗಿದ್ದಾರೆ.
ಕಳೆದ 40 ವóರ್ಷಗಳಿಂದ ವೈದ್ಯಕೀಯ ಕ್ಷೇತ್ರದಲ್ಲಿನ ಡಾ. ಎಸ್ ಎಸ್ ಗುಬ್ಬಿ ಅವರ ಅನುಪಮ ಸೇವೆಯನ್ನು ಗುರುತಿಸಿ ಭಾರತೀಯ ವೈದ್ಯರ ಸಂಘ ಕರ್ನಾಟಕ ಶಾಖೆಯು ಈ ಪ್ರಶಸ್ತಿಯನ್ನು ಘೋಷಿಸಿದೆ.
ಜುಲೈ 1 ರಂದು ಬೆಳಿಗ್ಗೆ 11 ಗಂಟೆಗೆ ಬೆಂಗಳೂರಿನ ಐಎಂಎ ಹೌಸಿನ ಡಾ. ಎಂ ಎ ನರಸಿಂಹಾಚಾರ್ಯ ಸಭಾಂಗಣದಲ್ಲಿ ಜರುಗುವ ಕಾರ್ಯಕ್ರಮದಲ್ಲಿ ವೈದ್ಯಕೀಯ ಶಿಕ್ಷಣ ಸಚಿವ ಡಾ ಕೆ ಸುಧಾಕರ ಪ್ರಶಸ್ತಿ ಪ್ರದಾನ ಮಾಡಲಿದ್ದಾರೆ.
ಡಾ. ಎಸ್ ಎಸ್ ಗುಬ್ಬಿಯವರು ಜನಪ್ರಿಯ ಅರ್ಥೋಪೇಡಿಕ್ಸ್ ಸರ್ಜನರಾಗಿ, ಎಂಆರ್‍ಎಂಸಿ ವೈದ್ಯಕೀಯ ಕಾಲೇಜಿನ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಸಧ್ಯ ಕಲಬುರಗಿ ಜಿಲ್ಲಾ ಕನ್ನಡ ವೈದ್ಯ ಪರಿಷತ್ತಿನ ಅಧ್ಯಕ್ಷರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ.
ಪ್ರತಿಷ್ಠಿತ ಪ್ರಶಸ್ತಿಗೆ ಭಾಜನರಾಗಿರುವ ಡಾ. ಎಸ್ ಎಸ್ ಗುಬ್ಬಿ ಅವರನ್ನು ಕಲಬುರಗಿಯ ಐಎಂಎ ಶಾಖೆಯ ಪದಾಧಿಕಾರಿಗಳಾದ ಡಾ. ಅಮೋಲ ಪತಂಗೆ, ಡಾ. ರಾಹುಲ್ ಮಂದಕನಳ್ಳಿ, ಡಾ. ಸಿದ್ದೇಶ ಸಿರವಾರ, ಡಾ.ಸಂತೋಷ ಶೇಗೆದಾರ, ಡಾ. ಸಂಜನಾ ತೆಲ್ಲೂರ, ಡಾ. ಲವಕುಮಾರ ಹಾಗೂ ಟಿ ವಿ ಸಿವಾನಂದನ, ಎಂ ಸದಾನಂದ, ಎಸ್ ಎಸ್ ಹಿರೇಮಠ ಅಭಿನಂದಿಸಿದ್ದಾರೆ.
