ಸುರಪುರ: ನಗರದ ಇಬ್ಬರು ಹಿರಿಯ ಪತ್ರಕರ್ತರಿಗೆ ಕರ್ನಾಟಕ ಜರ್ನಲಿಸ್ಟ್ಸ್ ಯೂನಿಯನ್ ರಾಯಚೂರು ಜಿಲ್ಲಾ ಘಟಕದಿಂದ ಪ್ರಶಸ್ತಿಗೆ ಆಯ್ಕೆಗೊಳಿಸಲಾಗಿದೆ.ಮಲ್ಲಿಕಾರ್ಜುನ ಗುಳಗಿ ಕಳೆದ ಹತ್ತು ವರ್ಷಗಳಿಗು ಹೆಚ್ಚು ಕಾಲದಿಂದ ರಾಜ್ಯದ ಹೆಸರಾಂತ ಪತ್ರಿಕೆಯ ತಾಲೂಕು ವರದಿಗಾರರಾಗಿ ಸೇವೆ ಸಲ್ಲಿಸಿದ್ದು,ಸದ್ಯ ಯಾದಗಿರಿ ಎಕ್ಸಪ್ರೇಸ್ ಪತ್ರಿಕೆಯ ವರದಿಗಾರರಾಗಿ ಸೇವೆ ಸಲ್ಲಿಸುತ್ತಿದ್ದು ಇವರಿಗೆ ಮೊಹರೆ ಹಣಮಂತ್ರಾಯ ಪ್ರಶಸ್ತಿ ಹಾಗು ಮತ್ತೊಬ್ಬ ಹಿರಿಯ ವರದಿಗಾರ ಖಾಜಾ ಕಲೀಮುದ್ದೀನ್ ಫರೀದಿ ಅವರಿಗೆ ಇಂಕ್ಲಾಬ್ ಉರ್ದು ಪತ್ರಿಕೆಯ ವರದಿಗಾರರಾಗಿ ಕಳೆದ ಹತ್ತುವ ವರ್ಷಗಳಿಗು ಹೆಚ್ಚು ಕಾಲ ಸೇವೆ ಸಲ್ಲಿಸಿದ್ದಾರೆ.
ಈ ಇಬ್ಬರು ವರದಿಗಾರರ ಸೇವೆಯನ್ನು ಅರಿತ ಕೆಜೆಯು ರಾಯಚೂರು ಘಟಕ ಇಂದು (೧೭ ಶುಕ್ರವಾರ) ಜಾಲಹಳ್ಳಿಯಲ್ಲಿ ನಡೆಯುವ ಪತ್ರಿಕಾ ದಿನಾಚರಣೆ ಕಾರ್ಯಕ್ರಮದಲ್ಲಿ ಕೆಜೆಯು ರಾಜ್ಯಾಧ್ಯಕ್ಷ ಬಿ.ನಾರಾಯಣ,ಶಾಸಕ ಶಿವನಗೌಡ ಪಾಟೀಲ,ಎಸ್ಪಿ ವೇದಮೂರ್ತಿ ಮತ್ತಿತರೆ ಗಣ್ಯರ ಉಪಸ್ಥಿತಿಯಲ್ಲಿ ಪ್ರಶಸ್ತಿ ಪ್ರಧಾನ ಮಾಡಲಾಗುತ್ತಿದೆ.ಈ ಇಬ್ಬರು ವರದಿಗಾರರ ಸಾಧನೆಗೆ ಸುರಪುರ ತಾಲೂಕು ಕೆಜೆಯು ಸಂಘಟನೆ ಹರ್ಷ ವ್ಯಕ್ತಪಡಿಸಿದ್ದಾರೆ.
