ಶಹಾಪುರ: ತಾಲ್ಲೂಕಿನ ಬೀ.ಗುಡಿ ವ್ಯಾಪ್ತಿಯಲ್ಲಿ ಕುರಿಗಳ್ಳರ ಬ್ಬರನ್ನು ಬಂಧಿಸುವಲ್ಲಿ ಭೀಮರಾಯನ ಗುಡಿಯ ಪೊಲೀಸ್ ಠಾಣೆಯ ಸಿಬ್ಬಂದಿಗಳು ಯಶಸ್ವಿಯಾಗಿದ್ದಾರೆ.
ಕುರಿ ಕಳ್ಳತನ ಪ್ರಕರಣ ದಾಖಲಾಗಿರುವ ಹಿನ್ನೆಲೆಯಲ್ಲಿ ಡಿವೈಎಸ್ಪಿ ವೆಂಕಟೇಶ್ ಹುಗಿಬಂಡಿ ಹಾಗೂ ಸಿಪಿಐ ಶ್ರೀನಿವಾಸ್ ಅಲ್ಲಾಪುರೆ ಅವರ ಮಾರ್ಗದರ್ಶನದಲ್ಲಿ ಪ್ರಕರಣವನ್ನು ಗಂಭೀರವಾಗಿ ತೆಗೆದುಕೊಂಡು ಪೊಲೀಸರು ಕಾರ್ಯಾಚರಣೆ ನಡೆಸಿದ್ದರು.ತಾಲೂಕಿನ ದಿಗ್ಗಿ ಗ್ರಾಮದ ನಿಂಗಪ್ಪ,ಹೋತಪೇಟ ಗ್ರಾಮದ ಮಲ್ಲಿಕಾರ್ಜುನ್ ಬಂಧಿತರು ಎಂದು ತಿಳಿದು ಬಂದಿದೆ.
ಪ್ರಕರಣ ಕೈಗೆತ್ತಿಕೊಂಡ ಪಿಎಸ್ಐ ರಾಜಕುಮಾರ ಜಾಮಗೊಂಡ ಹಾಗೂ ಪೊಲೀಸ್ ಸಿಬ್ಬಂದಿಗಳು ರೌಂಡ್ ನಲ್ಲಿರುವಾಗ ಬೈಕ್ ಒಂದರಮೇಲೆ ಅನುಮಾನಾಸ್ಪದವಾಗಿ ಕುರಿಗಳನ್ನು ಎತ್ತಿಕೊಂಡು ಹೋಗುತ್ತಿರುವಾಗ ಪೊಲೀಸರ ಕೈಗೆ ಸಿಕ್ಕಿ ಹಾಕಿಕೊಂಡಿದ್ದಾರೆ.
ಅಲ್ಲದೇ ಹಲವಾರು ಕುರಿ ಕಳ್ಳತನ ಮಾಡಿ ಮಾರಿಕೊಂಡಿರುವುದನ್ನು ಸ್ವತಃ ಒಪ್ಪಿಕೊಂಡಿದ್ದಾರೆ.
ಈ ಕುರಿತು ದಾಖಲಾಗಿರುವ ಪ್ರಕರಣ ತನಿಖೆಯಲ್ಲಿದ್ದು ಕಳ್ಳರಿಬ್ಬರಿಂದ ಕುರಿ ಸಾಗಾಣಿಕೆಗೆ ಬಳಸಿದ ಒಂದು ಬೈಕ್ ಹಾಗೂ ಎರಡು ಕುರಿಗಳನ್ನು ವಶಕ್ಕೆ ಪಡೆಯಲಾಗಿದೆ.ಈ ಸಂದರ್ಭದಲ್ಲಿ ಪೊಲೀಸ್ ಸಿಬ್ಬಂದಿಗಳಾದ ಜಿಂದಾವಲಿ, ಆಂಜನೇಯ,ತಮ್ಮಣ್ಣ ಇದ್ದರು.