ಆಳಂದ: ಕೊರೋನಾ ಸೋಂಕಿಗಾಗಿ ಒಳಗಾಗಿ ಬೆಂಗಳೂರಿನಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಆಳಂದ ಶಾಸಕ ಸುಭಾಷ್ ಆರ್ ಗುತ್ತೇದಾರ ಶೀಘ್ರ ಚೇತರಿಕೆಗಾಗಿ ತಾಲೂಕಿನ ವಿವಿಧ ಗ್ರಾಮಗಳಲ್ಲಿ ಪಕ್ಷದ ಮುಖಂಡರು ಮತ್ತು ಪಕ್ಷದ ಅಭಿಮಾನಿಗಳು ವಿಶೇಷ ಪೂಜೆ ಕೈಗೊಳ್ಳುತ್ತಿದ್ದಾರೆ.
ಶಾಸಕರ ಸ್ವಗ್ರಾಮವಾದ ತಡಕಲ ಗ್ರಾಮದ ಮಹಿಬೂಬ್ ಸುಬಾನಿ ದರ್ಗಾದಲ್ಲಿ ಅಲ್ಪ ಸಂಖ್ಯಾತ ಮುಖಂಡರು ಮತ್ತು ಗ್ರಾಮಸ್ಥರು ಗಲಿಫ್ ಏರಿಸಿ ವಿಶೇಷ ಪ್ರಾರ್ಥನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಅಲ್ಪ ಸಂಖ್ಯಾತ ಮುಖಂಡರಾದ ಮಹುಬೂಬ್ ತೇಲಾಕುಣಿ, ಮೀರ್ ಅಹ್ಮದ್, ನಜಿರಸಾಬ್, ಹಸನಸಾಬ್ ಕೊತ್ವಾಲ್, ಗ್ರಾ.ಪಂ ಅಧ್ಯಕ್ಷ ಶಿವಪುತ್ರಪ್ಪ ಬೆಳ್ಳೆ, ತಿಪ್ಪಯ್ಯ ಗುತ್ತೇದಾರ ಸೇರಿದಂತೆ ಗ್ರಾಮಸ್ಥರು ಭಾಗವಹಿಸಿದ್ದರು.
ಖಜೂರಿ ಗ್ರಾಮದ ಸಿದ್ದೇಶ್ವರ ದೇವಸ್ಥಾನದಲ್ಲಿ ಸಂಗಯ್ಯ ಮಠಪತಿ ನೇತೃತ್ವದಲ್ಲಿ ಪಕ್ಷದ ಕಾರ್ಯಕರ್ತರಾದ ವೈಜನಾಥ ಕಂದಗೂಳೆ, ಕುಮಾರ ಬಂಡೆ, ಪ್ರಶಾಂತ ಆಲೂರೆ, ಹಣಮಂತ ಹರಳಯ್ಯ, ಮಲ್ಲಿನಾಥ ಕಂಟಲೆ, ನರಸಿಂಗ ಸಗರ, ಬಸವರಾಜ ಕೋರೆ, ನಿಖಿಲ ಕಂದಗೂಳೆ, ದೇವಾ ಏಣೆಗೂರೆ, ಕರಬಸಪ್ಪ ವಾಡೆ, ಸುಮೀತ ಕಂದಗೂಳೆ, ರಾಜಶೇಖರ ಕಲಶೆಟ್ಟಿ, ವಿರೇಶ ಹಳ್ಳೆ, ಗುರುಬಸಪ್ಪ ಭಾಸಗಿ ಪೂಜೆ ಸಲ್ಲಿಸಿದರು.
ಮಾದನಹಿಪ್ಪರ್ಗಾ ಗ್ರಾಮದ ಶಿವಲಿಂಗೇಶ್ವರ ವಿರಕ್ತಮಠ ಮತ್ತು ಶರಣ ಶಿವಲಿಂಗೇಶ್ವರ ಮಠದಲ್ಲಿ ಅಭಿನವ ಶಿವಲಿಂಗ ಸ್ವಾಮೀಜಿ, ಶಾಂತವೀರ ಶಿವಾಚಾರ್ಯರ ಸಮ್ಮುಖದಲ್ಲಿ ಜಿ.ಪಂ ಕೃಷಿ ಮತ್ತು ಕೈಗಾರಿಕಾ ಸ್ಥಾಯಿ ಸಮಿತಿ ಅಧ್ಯಕ್ಷರಾದ ಗುರುಶಾಂತ ಪಾಟೀಲ ನಿಂಬಾಳ ಪ್ರಾರ್ಥನೆ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಶೇಖರ ಪಾಟೀಲ ಖೇಡ ಉಮ್ಮರ್ಗಾ, ಗ್ರಾ.ಪಂ ಉಪಾಧ್ಯಕ್ಷ ಶಿವಲಿಂಗಪ್ಪ ಜಮಾದಾರ, ಗುರುನಾಥ ಸೊನ್ನದ, ರಾಜಕುಮಾರ ಕಂಬಾರ, ಶಿವಲಿಂಗಪ್ಪ ಮೈಂದರ್ಗಿ, ಬಸವರಾಜ ಶಾಸ್ತ್ರೀ, ಸೋಮನಾಥ ಕೌಲಗಿ, ಗಣೇಶ ಓಣಮಶೆಟ್ಟಿ, ಮಲ್ಲಿನಾಥ ಮಾಸನಳ್ಳಿ, ದೊಂಡಿಬಾ ಜಿಡ್ಡಿಮನಿ, ಸಿದ್ದಾರಾಮ ತೋಳನೂರ, ಶಾಂತಮಲ್ಲಪ್ಪ ವಡ್ಡರ, ಲಿಂಗರಾಗ ಉಡಗಿ, ರಾಮಚಂದ್ರ ಚಿಂಚೋಳಿ, ಚಿದಂಬರ ಸರಾಫ ಸೇರಿದಂತೆ ಗ್ರಾಮಸ್ಥರು ಭಾಗವಹಿಸಿದ್ದರು.