ಕಲಬುರಗಿ: ನಗರದ ವಿವಿಧ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದ 11 ಸರಕಳ್ಳತನ ಪ್ರಕರಣಕ್ಕೆ ಸಂಭಂದಿಸಿದಂತೆ ಚೌಕ್ ಪೊಲೀಸ್ ಠಾಣೆಯ ಪೊಲೀಸರು ಕಾರ್ಯಚರಣೆ ನಡೆಸಿ 271 ಗ್ರಾಂ ಒಟ್ಟು 13.8 ಲಕ್ಷ ಮೌಲದ ಆಭರಣ ಸೇರಿ ನಾಲ್ವರು ಕುಖ್ಯಾತ ಕಳ್ಳರನ್ನು ಬಂಧಿಸಿದ್ದಾರೆ.
ಶಹಬಜಾರ ತಾಂಡದ ದೀಪಕ ತಿಪ್ಪು ರಾಠೋಡ್, ರೂಪೇಶ ಪವಾರ, ಬಲ್ಯಾ ಜೈ ಭೀಮ ಕಮಲಾಪುರಕರ್ ಹಾಗೂ ಸಂತೋಷ ಪವಾರ ಬಂಧಿತ ಆರೋಪಿಗಳು. ಚೌಕ್ ಪೊಲೀಸ್ ಠಾಣೆಯ ಪಿ.ಎಸ್.ಐ ಎಸ್.ಆರ್ ನಾಯ್ಕ ಅವರ ನೇತೃತ್ವದ ತಂಡದ ಸಿಬ್ಬಂದಿಗಳಾದ ರಾಜಕುಮಾರ, ಅಶೋಕ, ಸೈಯದ್ ತೌಸಿಫ್, ನಾಗೇಂದ್ರ, ಸಿದ್ರಾಮಯ್ಯ, ಯಮೇಶ್, ಬಂದೇನವಾಜ್, ಗೋಪಾಲ ಕಾರ್ಯಚರಣೆ ನಡೆಸಿದರು.
ರೋಜಾ ಪೊಲೀಸ್ ಠಾಣೆಯ ಸಹಾಯೋಗದೊಂದಿಗೆ ಇಂದು ಬೆಳಿಗ್ಗೆ ಆಟೋ ನಗರದ ಲಾರಿ ತಂಗುದಾಣದ ಹತ್ತಿರ ಕಾರ್ಯಚರಣೆ ನಡೆಸಿ ಕಳ್ಳತನ ಮಾಡಿದ ಆಭರಣ, ಕೃತ್ಯಕ್ಕೆ ಬಳಸಿದ ಒಂದು ದ್ವೀಚಕ್ರ ವಾಹನ ಜಪ್ತಿ ಮಾಡಿಕೊಂಡು ಆರೋಪಿಗಳನ್ನು ನ್ಯಾಯಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಕೃತ್ಯದಲ್ಲಿ ಕೌನಳ್ಳಿ ತಾಂಡಾದ ರಮೇಶ ಇನ್ನೊಬ್ಬ ಆರೋಪಿ ತಲೆ ಮರೆಸಿಕೊಂಡಿದ್ದು ಆರೋಪಿಗಳ ಪತ್ತೆಗೆ ಪೊಲೀಸರು ಜಾಲಾ ಬಿಸಿದ್ದಾರೆ.
ಈ ಕುರಿತು ಚೌಕ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
