ಸುರಪುರ: ಡಾ: ವಿಷ್ಣು ಸೇನಾ ಸಮಿತಿಯ ವತಿಯಿಂದ ಡಾ: ವಿಷ್ಣುವರ್ಧನ ಅವರ ೭೦ನೇ ಹುಟ್ಟು ಹಬ್ಬದ ಅಂಗವಾಗಿ ನಗರದ ತಿಮ್ಮಾಪುರದಲ್ಲಿ ವಿವಿಧ ಕಾರ್ಯಕ್ರಮವನ್ನು ನಡೆಸಲಾಯಿತು.ಅನೇಕ ಜನರಿಗೆ ಸಸಿಗಳನ್ನು ವಿತರಿಸಿ ಹಾಗು ವಿಷ್ಣು ಅಭಿಮಾನಿಗಳ ಮನೆಗಳ ಮುಂದೆ ಸಸಿ ನೆಟ್ಟು ನೀರೆರೆಯಲಾಯಿತು.
ಅನೇಕ ಜನ ಆಟೋ ಚಾಲಕರಿಗೆ ಸನ್ಮಾನಿಸಿ ಜೊತೆಗೆ ಸಸಿಗಳನ್ನು ನೀಡಿ ಗೌರವಿಸಲಾಯಿತು.ಅಲ್ಲದೆ ವಿಷ್ಣುವರ್ಧನ ಅವರ ಅಭಿಮಾನಿಗಳು ರಕ್ತದಾನ ಶಿಬಿರ ನಡೆಸಿ ರಕ್ತದಾನ ಹಾಗು ಶಾಲಾ ಮಕ್ಕಳಿಗೆ ಕಲಿಕಾ ಸಾಮಗ್ರಿಗಳು ಮತ್ತು ಹಾಲು ಹಣ್ಣು ವಿತರಣೆ ಮಾಡುವ ಮೂಲಕ ಅರ್ಥಪೂರ್ಣವಾಗಿ ಹುಟ್ಟು ಹಬ್ಬ ಆಚರಿಸಿದರು.
ಕಾರ್ಯಕ್ರಮದಲ್ಲಿ ಸಮಿತಿಯ ರಾಜ್ಯಾದ್ಯಕ್ಷ ವೀರಕಪುತ್ರ ಶ್ರೀನಿವಾಸ ರಾಜ್ಯ ಉಪಾಧ್ಯಕ್ಷ ಮಂಜು ಮಾಣಿಕ್ಯ ಜಿಲ್ಲಾಧ್ಯಕ್ಷ ರವಿಕುಮಾರ ದೇವರಮನಿ ತಾಲೂಕು ಗೌರವಾಧ್ಯಕ್ಷ ಮೌನೇಶ ಬೋವಿ ತಿಂಥಣಿ ತಾಲೂಕು ಅಧ್ಯಕ್ಷ ಮಲ್ಲು ವಿಷ್ಣುಸೇನಾ ಮುಖಂಡರಾದ ಶರಣು ನಾಯಕ ಬೈರಿಮಡ್ಡಿ ರಂಗನಗೌಡ ಪಾಟೀಲ ದೇವಿಕೇರಾ ಗೋಪಾಲ ನಾಯಕ ಸತ್ಯಂಪೇಟೆ ಕನ್ನಡ ಸೇನೆಯ ಮಲ್ಲಿಕಾರ್ಜುನ ಮಲ್ಲಿಕಾರ್ಜುನ ಸಾಂಗ್ಲಿಯಾನ ನಗರ ಘಟಕದ ಅಧ್ಯಕ್ಷ ನಿಂಗಣ್ಣ ಕುಂಬಾರ ಮಲ್ಲಿಕಾರ್ಜುನ ಕುಂಬಾರ ಲಕ್ಷ್ಮಣ ಕೆಂಭಾವಿ ಸೇರಿದಂತೆ ಅನೇಕರಿದ್ದರು.