ಶಹಾಬಾದ:ತಳವಾರ ಹಾಗೂ ಪರಿವಾರ ಜನಾಂಗದವರಿಗೆ ಎಸ್.ಟಿ ಪ್ರಮಾಣ ಪತ್ರ ನೀಡಲು ತಡೆಹಿಡಿದಿದ ರಾಜ್ಯ ಸರಕಾರದ ಆದೇಶವನ್ನು ಖಂಡಿಸಿ ಹೊನಗುಂಟಾ ಗ್ರಾಮದ ತಳವಾರ ಮತ್ತು ಪರಿವಾರ ಎಸ್ಟಿ ಹೋರಾಟ ಸಮಿತಿ ವತಿಯಿಂದ ಪ್ರತಿಭಟನೆ ನಡೆಸಿದರು.
ಪ್ರತಿಭಟನಾಕಾರರು ಗ್ರಾಮದ ಸಿದ್ಧಲಿಂಗೇಶ್ವರ ದೇವಸ್ಥಾನದಿಂದ ಗ್ರಾಪಂ ಕಛೇರಿಯವರೆಗೆ ಪ್ರತಿಭಟನೆ ನಡೆಸಿ ಗ್ರಾಪಂ ಪಿಡಿಓ ರಾಜು ಬಾಳಿ ಅವರಿಗೆ ಮನವಿ ಪತ್ರ ಸಲ್ಲಿಸಿದರು.
ಈ ಸಂದರ್ಭದಲ್ಲಿ ಮಾತನಾಡಿದ ಮುಖಂಡ ಮಾರ್ಥಂಡ ಬುರ್ಲಿ, ಕೇಂದ್ರ ಸರಕಾರ ತಳವಾರ ಹಾಗೂ ಪರಿವಾರ ಸಮಾಜದವರಿಗೆ ಎಸ್ಟಿ ಪ್ರಮಾಣ ಪತ್ರ ನೀಡಲು ಈಗಾಗಲೇ ಹೊರಡಿಸಿದ್ದಾರೆ.ಅದರಂತೆ ರಾಜ್ಯ ಸರಕಾರವು ಎಲವು ದಿನಗಳವರೆಗೆ ಎಸ್.ಟಿ ಪ್ರಮಾಣ ಪತ್ರ ನೀಡಿದ್ದಾರೆ.ನಂತರ ಎಸ್.ಟಿ ಪ್ರಮಾಣ ಪತ್ರ ನೀಡಲು ತಡೆಹಿಡಿದಿದ್ದಾರೆ.ಇದರ ಹಿಂದೆ ರಾಜಕೀಯ ಷಡ್ಯಂತ್ರವಿರುವುದು ಎಲ್ಲರಿಗೂ ಗೊತ್ತಿದ್ದ ವಿಷಯ.ಆದರೆ ಇದರಿಂದ ತಳವಾರ ಹಾಗೂ ಪರಿವಾರ ಸಮಾಜದವರಿಗೆ ಅನ್ಯಾಯವಾಗಿದೆ ಎಂದರು.
ಕೊಟ್ಟಿದ್ದು ಕಸಿದುಕೊಳ್ಳುವ ಸರಕಾರ ನೋಡಿದ್ದು ಇದೇ ಮೊದಲ ಬಾರಿ. ರಾಜ್ಯ ಸರಕಾರ ತಳವಾರ ಮತ್ತು ಪರಿವಾರ ಸಮಾಜಕ್ಕೆ ಎಸಗುತ್ತಿರುವ ಅನ್ಯಾಯ.ಕೂಡಲೇ ಎಸ್.ಟಿ ಪ್ರಮಾಣ ಪತ್ರ ನೀಡಲು ಮುಂದಾಗಬೇಕು.ಇಲ್ಲದಿದ್ದರೇ ಮುಂಬರುವ ದಿನಗಳಲ್ಲಿ ನಮ್ಮ ಸಮಾಜದವರು ಬಿಜೆಪಿದವರಿಗೆ ಸರಿಯಾದ ಉತ್ತರ ನೀಡಲಿದ್ದಾರೆ. ಅಲ್ಲದೇ ರಾಜ್ಯ ಸರಕಾರದ ವಿರುದ್ಧ ಬೃಹತ್ ಪ್ರತಿಭಟನೆ ಹಮ್ಮಿಕೊಳ್ಳಲಾಗುತ್ತದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ಕುರುಬ ಸಮಾಜದ ಅಧ್ಯಕ್ಷ ಮಲ್ಕಣ್ಣ ಮುದ್ದಾ, ಶರಣು ಹಲಕರ್ಟಿ, ವಿಶ್ವರಾಜ ಫಿರೋಜಬಾದ,ಶಿವಕುಮಾರ ಕಾರೊಳ್ಳಿ ಮಾತನಾಡಿದರು.
ಕೋಲಿ ಸಮಾಜದ ಅಧ್ಯಕ್ಷ ದೇವೆಂದ್ರ ಕಾರೊಳ್ಳಿ, ಗ್ರಾಪಂ ಮಾಜಿ ಅಧ್ಯಕ್ಷ ಆನಂದ ಕೊಡಸಾ, ಶಿವಕುಮಾರ ಬುರ್ಲಿ, ಭೀಮಣ್ಣ ಗೆಜ್ಜಿ, ರಾಜು ಸಣಮೋ, ಭಾಗಣ್ಣ ಕೊಡಸಾ, ರಾಜು ಆಡಿನ್, ರಾಯಪ್ಪ ಹುರಮುಂಜಿ, ಶಿವಕುಮಾರ ತಳವಾರ,ನಿಂಗಣ್ಣ ಕಾರೊಳ್ಳಿ ಸೇರಿದಂತೆ ಅನೇಕ ಜನರು ಇದ್ದರು.