ಕಲಬುರಗಿ: ಕಲಬುರಗಿ-ಬೀದರ್ ಮತ್ತು ಯಾದಗೀರ್ ಹಾಲು ಒಕ್ಕೂಟದ ನಿರ್ದೇಶಕ ಚಂದ್ರಕಾಂತ ಭೂಸನೂರ ಆಳಂದ ಶಾಸಕ ಸುಭಾಷ್ ಆರ್ ಗುತ್ತೇದಾರ ಸಮ್ಮುಖದಲ್ಲಿ ತಮ್ಮ ಅಪಾರ ಬೆಂಬಲಿಗರೊಂದಿಗೆ ಕಾಂಗ್ರೆಸ್ ತೊರೆದು ಭಾರತೀಯ ಜನತಾ ಪಕ್ಷಕ್ಕೆ ಸೇರ್ಪಡೆಯಾದರು.
ಶಾಸಕ ಸುಭಾಷ್ ಗುತ್ತೇದಾರ ಪಕ್ಷದ ಬಾವುಟ ನೀಡಿ ಬರ ಮಾಡಿಕೊಂಡು ಮಾತನಾಡಿ, ಬರಲಿರುವ ದಿನಗಳಲ್ಲಿ ಭಾರತೀಯ ಜನತಾ ಪಕ್ಷದಲ್ಲಿ ಉತ್ತಮ ಅವಕಾಶಗಳಿದ್ದು ಹಳೆಯ ಮತ್ತು ಹೊಸ ನಾಯಕರು ಹಾಗೂ ಕಾರ್ಯಕರ್ತರೊಂದಿಗೆ ಸಮನ್ವಯ ಸಾಧಿಸಿ ಗ್ರಾಮಮಟ್ಟದಲ್ಲಿ ಪಕ್ಷವನ್ನು ಬಲಿಷ್ಟಗೊಳಿಸಲು ಸಜ್ಜಾಗಬೇಕು ಎಂದು ಹೇಳಿದರು.
ಚಂದ್ರಕಾಂತ ಭೂಸನೂರ ಪಕ್ಷ ಸೇರ್ಪಡೆಯೊಂದಿಗೆ ಭಾರತೀಯ ಜನತಾ ಪಕ್ಷ ಮತ್ತಷ್ಟು ಬಲಿಷ್ಟಗೊಂಡಿದೆ, ಕಡಗಂಚಿ ಭಾಗದಲ್ಲಿ ಈಗಾಗಲೇ ನಮ್ಮ ಪಕ್ಷದ ಕಾರ್ಯಕರ್ತರು ತಳಮಟ್ಟದಲ್ಲಿ ಪಕ್ಷವನ್ನು ಸಂಘಟಿಸಿದ್ದಾರೆ ಬರಲಿರುವ ಗ್ರಾಮ ಪಂಚಾಯತಿ ಚುನಾವಣೆಯಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಬಿಜೆಪಿ ಅಭ್ಯರ್ಥಿಗಳನ್ನು ಗೆಲ್ಲಿಸಿಕೊಂಡು ಬರುವ ಗುರುತರ ಜವಾಬ್ದಾರಿ ನಮ್ಮ ಮೇಲಿದೆ ಎಂದು ನುಡಿದರು.
ಹಣಮಂತ ಆಲೂರ, ಕಲ್ಯಾಣಿ ಆಲೂರ, ಶ್ರೀಮಂತ ಆಲೂರ, ಸುನೀಲ ಆಲೂರ, ರಾಜಪ್ಪ ಕೋರೆ, ನಾಗರಾಜ ಜವಳಿ, ಅರುಣ ಗಡಬಳ್ಳಿ, ನಿರಂಜನ ಬೊಮ್ಮನಹಳ್ಳಿ, ದತ್ತು ಬೊಮ್ಮನಹಳ್ಳಿ, ಶಿವರಾಜ ಧನ್ನಿ, ಕರಬಸಪ್ಪ ಮದಗುಣಕಿ, ಜೈಭೀಮ ಧನ್ನಿ, ಶಿವರಾಜ ಗಡಬಳ್ಳಿ, ಶಾಂತಕುಮಾರ ಜವಳಿ, ಸುಭಾಷ್ ಆಲೂರ, ರಾಮು ಆಲೂರ, ಸಂತೋಷ ಥಂಬಿನ್ ಸೇರಿದಂತೆ ಇತರರು ಬಿಜೆಪಿ ಸೇರ್ಪಡೆಯಾದರು.
ಹಿರಿಯ ಮುಖಂಡ ವೀರಣ್ಣ ಮಂಗಾಣೆ, ಜಿ.ಪಂ ಸದಸ್ಯ ಹರ್ಷಾನಂದ ಎಸ್ ಗುತ್ತೇದಾರ, ಹಣಮಂತರಾವ ಮಲಾಜಿ, ರಾಜಶೇಖರ ಮಲಶೆಟ್ಟಿ, ಸಂತೋಷ ಗುತ್ತೇದಾರ, ಮಲ್ಲಣ್ಣ ನಾಗೂರೆ, ಶ್ರೀಶೈಲ ಪಾಟೀಲ, ಮಲ್ಲಿಕಾರ್ಜುನ ತಡಕಲ, ವಿಶ್ವನಾಥ ತಡಕಲ, ರಾಜು ಪಾಟೀಲ, ರೇವಣಸಿದ್ದಪ್ಪ ಪರೀಟ್ ಉಪಸ್ಥಿತರಿದ್ದರು.