ಕಲಬುರಗಿ: ಕರ್ನಾಟಕವನ್ನೇ ಕಲ್ಯಾಣವನ್ನಾಗಿಸಿದ ಕಲ್ಯಾಣ ಕರ್ನಾಟಕ, ಕಲಬುರಗಿ ನೆಲ ಸಾಂಸ್ಕೃತಿಕ ಅನನ್ಯತೆ, ಶ್ರೇಷ್ಠತೆಯನ್ನು ಹೊಂದಿದೆ ಎಂದು ಕರ್ನಾಟಕ ಸಾಹಿತ್ಯ ಅಕಾಡೆಮಿ ಅಧ್ಯಕ್ಷ ಡಾ. ಬಿ.ವಿ. ವಸಂತಕುಮಾರ ತಿಳಿಸಿದರು.
ಗುಲ್ಬರ್ಗ ವಿಶ್ವವಿದ್ಯಾಲಯದ ಪ್ರಸಾರಾಂಗದ ವತಿಯಿಂದ ಮಹಾತ್ಮಾ ಗಾಂಧಿ ಸಭಾಂಗಣದಲ್ಲಿ ಬುಧವಾರ ನಡೆದ ಕರ್ನಾಟಕ ರಾಜ್ಯೋತ್ಸವ ಪ್ರಶಸ್ತಿ ಪ್ರದಾನ ಸಮಾರಂಭದಲ್ಲಿ ಪ್ರಶಸ್ತಿ ಪ್ರದಾನ ಮಾಡಿ ಮಾತನಾಡಿದ ಅವರು, ನಾಡಿನ ಅವಿಭಾಜ್ಯ ಭಾಗವಾದ ಕಲಬುರಗಿಯ ವಿವಿ ಪ್ರಸಾರಾಂಗದ ಕಾರ್ಯ ಇತರ ವಿವಿಗಳಿಗೆ ಮಾದರಿಯಾಗಿದೆ ಎಂದರು.
ಸಾಹಿತ್ಯಕ, ಸಾಂಸ್ಕೃತಿಕ ವಲಯದ ಸಾಧಕರನ್ನು ಗುರುತಿಸಿ ಗೌರವಿಸಿ ಘನತೆ ಹೆಚ್ಚಿಸಿಕೊಳ್ಳುವುದು ಅಗತ್ಯ.ಲೇಖಕನಿಗಿಂತ ಕೃತಿಯ ಬೆಲೆ ಹೆಚ್ಚಿರುತ್ತದೆ. ಅದಕ್ಕಿಂತ ಕೃತಿಯ ಬದುಕು ಮುಖ್ಯ ಎಂದು ಹೇಳಿದರು.
ಮನಸ್ಸು, ಜಾತಿ, ಬದುಕು, ಪರಂಪರೆ ಸೇರಿದಂತೆ ಎಲ್ಲವೂ ಒಡೆದು ಹೋಗುತ್ತಿರುವ ಈ ಸಂದರ್ಭ ದಲ್ಲಿ ಪ್ರಶಸ್ತಿ ಪಡೆದವರು ಹೆಚ್ಚಿನ ಜವಾಬ್ದಾರಿ ಹೊರಬೇಕು ಎಂದು ತಿಳಿಸಿದರು. ಸಾಂಸ್ಕೃತಿಕ ಅನನ್ಯತೆ, ಶ್ರೀಮಂತಿಕೆ, ಅಸ್ಮಿತೆಯನ್ನು ಉಳಿಸಿಕೊಂಡು ಬರಬೇಕಾದ ಜರೂರತ್ತು ನಮ್ಮೆಲ್ಲರ ಹೆಗಲಮೇಲಿದೆ ಎಂದು ಹೇಳಿದರು.
ಗುವಿಕ ಕುಲಪತಿ ಪ್ರೊ. ಚಂದ್ರಕಾಂತ ಯಾತನೂರ ಅಧ್ಯಕ್ಷತೆ ವಹಿಸಿದ್ದರು. ರಿಜಿಸ್ಟ್ರಾರ್ ಸೋಮಶೇಖರ, ವಿತ್ತಾಧಿಕಾರಿ ವಿಜಯಕುಮಾರ, ಗುವಿಕ ವಿದ್ಯಾವಿಷಯಕ ಪರಿಷತ್ ಸದಸ್ಯಡಾ. ಎಂ. ಎಸ್. ಪಾಸೋಡಿ ವೇದಿಕೆಯಲ್ಲಿದ್ದರು. ಪ್ರಶಸ್ತಿ ಪುರಸ್ಕೃತರು: ಗೋರಿ- ರಘುನಾಥ ಚ.ಹ (ಚಿನ್ನದ ಪದಕ), ಬಾಳ ಪಯಣ- ರೇಣುಕಾ ರಮಾನಂದ ( ಬೆಳ್ಳಿ ಪದಕ) ಸ್ಟ್ಯಾಚೂ ಆಪ್ ಲಿಬರಿಟಿ- ಕನಕರಾಜ ಆರನಕಟ್ಟೆ (ಕಂಚಿನಪದಕ).
ಸೃಜನ ವಿಭಾಗ: ಯಾಕ ಚಿಂತಿ ಮಾಡತಿದಿ ಎಲೆ ಮಾನವ- ಡಾ. ಲಕ್ಷ್ಮಣ ಕೌಂಟೆ, ಪುಲ್ವಾಮಾ- ಸುಬ್ರಾವ ಕುಲಕರ್ಣಿ, ಬೌದ್ಧ ನಾಟಕಗಳು- ೨, ಪ್ರೊ. ಈಶ್ವರ ಎಂ. ಇಂಗನ್, ಮೌನದೊಳಗಿನ ಮಾತು- ಡಾ. ಬಸವರಾಜ ಪೂಜಾರ, ಶಾಹಿರಿ ಮತ್ತು ಗಜಲ್ ಗಳು-ಭೀಮಸೇನ ಎಂ.ಗಾಯಕವಾಡ, ಹಾಣಾದಿ- ಕಪಿಲ ಪಿ. ಹುಮನಾಬಾದೆ, ನೆನಪಿನ ಪಡಸಾಲೆ- ವಿಜಯಭಾಸ್ಕರ ರೆಡ್ಡಿ, ದಿವ್ಯಾಂಗ ದೀಪ್ತಿ- ಡಾ. ಶಿವರಾಜ ಶಾಸ್ತ್ರಿ ಹೇರೂರ.
ಸೃಜನೇತರ ಪ್ರಶಸ್ತಿ: ಯಡ್ರಾಮಿ ಸೀಮೆಯ ಕಥನಗಳು-ಮಲ್ಲಿಕಾರ್ಜುನ ಕಡಕೋಳ, ಮೂರು ದೇಶ ನೂರೊಂದು ಅನುಭವ-ಸಿದ್ಧರಾಮ ಹೊನ್ಕಲ್, ಪಯಣ-ವಾದಿರಾಜ ವ್ಯಾಸಮುದ್ರ. ಜನಪದ ಪ್ರಶಸ್ತಿ: ಜಾನಪದ ದರ್ಪಣ-ಡಾ. ಚಿ.ಸಿ. ನಿಂಗಣ್ಣ, ಜೀವನ ಕಥನ ವಿಭಾಗ: ಬಸವಶ್ರೀ ಪೂಜ್ಯ ಬೆಲ್ದಾಳ ಸಿದ್ಧರಾಮ, (ಶರಣರು ಮತ್ತು ವಚನ ಸಾಹಿತ್ಯ) -ಡಾ.ಗಾಂಧೀಜಿ ಸಿ.ಮೋಳಕೇರಿ, ಹಣಮಂತ ವಲ್ಲೇಪುರೆ- ದತ್ತ ಭಾಗವತ.
ವಚನ ಸಾಹಿತ್ಯ: ಅರಿವೇ ಪ್ರಮಾಣು (ಅಕ್ಕನಾಗಮ್ಮ ಜೀವನ ಕಾವ್ಯ). ಸಮಾಜ ವಿಜ್ಞಾನ- ಡಾ. ಮಲ್ಲಿಕಾರ್ಜುನ ಶೆಟ್ಟಿ ಅನುವಾದ ಪ್ರಶಸ್ತಿ; ಧಮ್ಮ ಪದ- ವೀರ ಹನುಮಾನ. ಉರ್ದು ವಿಭಾಗ: dhurre adab(critical articles). ಹಿಂದಿ ವಿಭಾಗ: Allamprabhu: Pratibha Ka shikhar- ಕಾಶಿನಾಥ ಅಂಬಲಗಿ. ಇಂಗ್ಲಿಷ್ ವಿಭಾಗ: Amendments of Indian constitution- ಡಾ. ಶಿವಾನಂದ ಎಚ್. ಲೇಂಗಟಿ ಪ್ರಕಾಶಕರ ವಿಭಾಗ: ಪಲ್ಲವ ಪ್ರಕಾಶನ, ಬಳ್ಳಾರಿ- ರಾಜೇಶ್ವರಿ. ಜನಪದ ಕಲಾವಿದ ವಿಭಾಗ: ಸಿದ್ಧರಾಮ ದಾದಾರಾವ ವಾಘಮಾರೆ.
ಚಿತ್ರಕಲಾಕೃತಿಗಳು ವಿಭಾಗ: ದಿ ವುಮೆನ್- ಪಲ್ಲವಿ ಹೀರಗೆ, ಟ್ರೈಬಲ್ ವುಮೆನ್- ದೌಲತರಾಯ ಸಂಗಣ್ಣ ದೇಸಾಯಿ, ಎ- ಬರ್ಡ್- ಮಲ್ಲಮ್ಮ ಜಿ. ಪಾಟೀಲ. ವಿಜ್ಞಾನ ರಾಜ್ಯ ಮಟ್ಟದ ಪ್ರಶಸ್ತಿ: ಬೆಳಕಿನೆಡಡಗೆ- ಡಾ. ನಂದಿನಿ. ಸೇರಿದಂತೆ 29 ವ್ಯಕ್ತಿಗಳಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು.
ಡಾ. ಶೈಲಜಾ ಬಾಗೇವಾಡಿ, ಡಾ. ಸಂತೋಷ ಕಂಬಾರ ನಿರೂಪಿಸಿದರು. ಕನ್ನಡ ಅಧ್ಯಯನ ಸಂಸ್ಥೆ ನಿರ್ದೇಶಕರು ಹಾಗೂ ಪ್ರಸಾರಾಂಗ ನಿರ್ದೇಶಕರಾದ ಪ್ರೊ. ಎಚ್.ಟಿ.ಪೋತೆ ಸ್ವಾಗತಿಸಿ ಪ್ರಾಸ್ತಾವಿಕ ಮಾತನಾಡಿದರು. 29 ಜನರಿಗೆ ಪ್ರಶಸ್ತಿ ಪ್ರದಾನ ಮಾಡಲಾಯಿತು.