ಕಲಬುರಗಿ: ಹಸಿವಿನ ತೊಳಲಾಟ ಇದ್ದಲ್ಲಿ, ಹುಸಿ ನಾಚಿಕೆ ಹೇಸಿಕೆ ಇದ್ದಲ್ಲಿತೃಪ್ತಿಇರಲಾರದು. ಹೀಗಾಗಿ ನೀಡಿ, ಸ್ವೀಕರಿಸಿ ತೃಪ್ತಿ ಹೊಂದುವುದು ಪ್ರಸಾದವೆನಿಸುತ್ತದೆ ಎಂಬ ಮಹೋನ್ನತ ವಿಚಾರ ಶರಣರದಾಗಿದೆ ಎಂದು ಡಾ.ಜಯಶ್ರೀದಂಡೆ ಅವರು ವಿವರಿಸಿದರು.
ಬಸವ ಸಮಿತಿಯಅನುಭವ ಮಂಟಪದಲ್ಲಿ ನಡೆದ ಲಿಂ.ಜಗದೇವಪ್ಪರೇವಪ್ಪ ಮೋತಕಪಲ್ಲಿ ಸ್ಮರಣಾರ್ಥ ೬೫೪ನೆಯದತ್ತಿಕಾರ್ಯಕ್ರಮದಲ್ಲಿ ಭಾಗವಹಿಸಿ ’ಶರಣರ ಪ್ರಸಾದತತ್ತ್ವ’ ಕುರಿತು ಮಾತನಾಡುತ್ತಿದ್ದರು.
ಶರಣರದೃಷ್ಟಿಯಲ್ಲಿ ಪ್ರಸಾದವೆಂದರೆಒಬ್ಬನು ಗಳಿಸಿದ ಒಟ್ಟು ಸಂಪತ್ತು.ಹೀಗೆ ತಮ್ಮ ಸತ್ಯ ಶುದ್ಧಕಾಯಕದಿಂದ ಗಳಿಸಿದ ಒಟ್ಟು ಸಂಪತ್ತು ಗಳಿಸಿದ, ಸಂಗ್ರಹಿಸಿದ ಸಂಪತ್ತು ಎನಿಸುತ್ತದೆ. ಹೀಗೆ ಗಳಿಸಿದ ಎಲ್ಲ ಬಗೆಯ ಸಂಪತ್ತು ಪದಾರ್ಥವೆನಿಸುತ್ತದೆ. ಈ ಒಟ್ಟು ಪದಾರ್ಥ-ಸಂಪತ್ತುತನ್ನದಲ್ಲ, ಇದೆಲ್ಲ ಶಿವನ ಸೊಮ್ಮು ಎಂಬ ಭಾವದಿಂದ, ಗುರು, ಲಿಂಗಗಳಿಗೆ ಅರ್ಪಿಸಿದಾಗ ಅದು ’ಒಕ್ಕಪ್ರಸಾದ’ ಎನಿಸುತ್ತದೆ.
ಹೀಗೆ ಒಕ್ಕಪ್ರಸಾದದಲ್ಲಿತನ್ನ ಶಕ್ತ್ಯಾನುಸಾರ ಸ್ವಲ್ಪ ಭಾಗವನ್ನುಜಂಗಮಕ್ಕೆಅಂದರೆ ಸಮಾಜಕ್ಕೆದಾಸೋಹ ಮಾಡಬೇಕು. ಹೀಗೆ ದಾಸೋಹ ಮಾಡಿ ಉಳಿದದ್ದು ’ಮಿಕ್ಕಪ್ರಸಾದ’ ಎನಿಸುತ್ತದೆ. ಇದುಕಾಯಕ ಮಾಡಿದವನುತನಗಾಗಿ, ತನ್ನಕುಟುಂಬದ ಅಗತ್ಯಗಳಿಗಾಗಿ ಬಳಸಿಕೊಳ್ಳಬಹುದಾದ ಸಂಪತ್ತಿನ ಭಾಗವಾಗಿರುತ್ತದೆ.ಇದು ಶರಣರ ಪ್ರಸಾದತತ್ತ್ವದಒಟ್ಟು ಪರಿಕಲ್ಪನೆಆಗಿದೆಎಂದುಡಾ.ಜಯಶ್ರೀದಂಡೆಅವರು ವಿವರಿಸಿದರು.
ಆಹಾರಕ್ಕೆ ಸಂಬಂಧಿಸಿದಂತೆ ಪ್ರಸಾದಎಂದರೆಎಂಜಲುಅಲ್ಲ. ಅಟ್ಟಅಡಿಗೆಯಲ್ಲಿ ಸಂಬಂಧಿಸಿದ ಎಲ್ಲರೂ ಪ್ರಸಾದ ಸ್ವೀಕರಿಸಿದ ನಂತರ ಹೆಚ್ಚಿಗೆ ಉಳಿದ ಅಟ್ಟಅಡಿಗೆಅದಾಗಿರುತ್ತದೆ.ಶರಣರದೃಷ್ಟಿಯಲ್ಲಿಆಹಾರಅನಾವಶ್ಯಕವಾಗಿ ಹಾಳಾಗಬಾರದು ಎಂಬ ಚಿಂತನೆಯೂಇದೆ.ದೊಡ್ಡದೊಡ್ಡ ಸಮಾರಂಭಗಳಲ್ಲಿ ಮಾಡಿದಅಡಿಗೆ ಹಾಳಾಗದಂತೆ, ಅದನ್ನುಅವಶ್ಯವಿದ್ದವರಿಗೆ ಮುಟ್ಟುಸುವಅಂದರೆ ಪ್ರಸಾದವನ್ನುದಾಸೋಹ ಮಾಡುವ ಮಾತುಗಳನ್ನು ಶರಣರಆಡುತ್ತಾರೆಂದುಡಾ. ಜಯಶ್ರೀ ವಿವರಿಸಿದರು.
ಸಭೆಯಲ್ಲಿ ಕಲಬುರಗಿ ಬಸವ ಸಮಿತಿಯಅಧ್ಯಕ್ಷರಾದಡಾ. ವಿಲಾಸವತಿ ಖೂಬಾ,ಡಾ.ಬಿ.ಡಿ. ಜತ್ತಿ ವಚನ ಅಧ್ಯಯನ ಮತ್ತು ಸಂಶೋಧನಕೇಂದ್ರದ ನಿರ್ದೇಶಕರಾದಡಾ.ವೀರಣ್ಣದಂಡೆ,ದತ್ತಿ ದಾಸೋಹಿಗಳಾದ ಶ್ರೀ ಕಾಶೀನಾಥ ಜಗದೇವಪ್ಪ ಮೋತಕಪಲ್ಲಿ ಹಾಗೂ ಪರಿವಾರದವರು ಹಾಜರಿದ್ದರು.ಡಾ. ಆನಂದ ಸಿದ್ದಾಮಣಿ ಕಾರ್ಯಕ್ರಮ ನಡೆಸಿಕೊಟ್ಟರು.