ಕಲಬುರಗಿ: ಸ್ವತಂತ್ರ ಭಾರತದ ಮೊದಲ ಉಗ್ರವಾದಿ ನಾಥೋರಾಮ್ ಗೋಡ್ಸೆಯಾಗಿದ್ದು, ಇಂದು ದೆಹಲಿಯಲ್ಲಿ ರೈತರಿಗೆ ಕೊಲ್ಲಲು ಸಂಚು ಗೋಡ್ಸೆ ಅನುಯಾಯಿಗಳು ಮಾಡುತ್ತಿದ್ದಾರೆ. ಈ ದೇಶ ಗೋಡ್ಸೆ ಮಾರ್ಗದಲ್ಲಿ ನಡೆಯುತ್ತಿದೆ ಎಂದು ಎಐಎಮ್ಐಎಮ್ ಪಕ್ಷದ ಸಂಸ್ಥಾಪಕ ಅಧ್ಯಕ್ಷ, ಸಂಸದ ಅಸಾದೊದ್ದೀನ್ ಓವೈಸಿ ಹೇಳಿದರು.
ಇಂದು ನಗರದ ಮೋಘಲ್ ಗಾರ್ಡನ್ ಫಂಕ್ಷನ್ ಹಾಲ್ ನಡೆದ ಜನಸಭೆಯಲ್ಲಿ ಭಾಗವಹಿಸಿ ಮಾತನಾಡಿದ ಅವರು ರಾಮನ ಹೆಸರಲ್ಲಿ ದೇಶದಲ್ಲಿ ದ್ವೇಷ ಹರಡಿಸುವ ಕೆಲಸ ನಡೆಯುತ್ತಿದೆ ಎಂದರು.
ಇಷ್ಟು ದಿನ ನಮ್ಮಗೆ ಬಿಜೆಪಿಯ ಬಿ ಟಿಮ್ ಎಂದು ಕಾಂಗ್ರೆಸ್ ನವರು ಹೇಳುತ್ತಿದ್ದರು, ಆದರೆ ಕರ್ನಾಟಕದಲ್ಲಿ ಕಾಂಗ್ರೆಸ್ ಶಾಸಕರು ಪಕ್ಷ ಬಿಟ್ಟು ಹೊಗಿದ್ದಾರಲ್ಲ ಅವರೆಲ್ಲರೂ ನನ್ನಗೆ ಕೇಳ್ಬಿಟ್ಟು ಹೊಗಿದಾರಾ ಎಂದು ಕಾಂಗ್ರೆಸ್ ನಾಯಕರ ವಿರುದ್ಧ ವ್ಯಂಗ್ಯ ವ್ಯಕ್ತಪಡಿಸಿ, ಕುಮಾರಸ್ವಾಮಿ ಸಹ ಬಿಜೆಪಿ ಜೊತೆ ಲವಿಡವಿ ಶುರು ಆಗಿದೆ. ರಾಜಕೀಯ ಲಾಭಕ್ಕಾಗಿ ಮಾರಿಕೊಳ್ಳುತ್ತಿದ್ದಾರೆ ಎಂದು ಟೀಕಿಸಿದರು.
ನಮ್ಮ ಪಕ್ಷದಲ್ಲಿ ಅಧಿಕಾರಕ್ಕೆ ಆಸೆ ಪಡೆಯುವರು ಬೇಕಾಗಿಲ್ಲ, ಮುಸ್ಲಿಂ ಹಾಗೂ ದಲಿತರಿಗಾಗಿ ಹೋರಾಡುವ ಬೇಬಾಕ್ ನಾಯಕರು ಬೇಕು. ಸಮುದಾಯದ ಧ್ವನಿಯಾಗಿ ಅವರ ಸಮಸ್ಯೆಗಳಿಗೆ ಸ್ಪಂದಿಸುವವರು ಬೇಕು. ಬರುವ ಚುನಾವಣೆಯಲ್ಲಿ ಬೀದರ್, ಕಲಬುರಗಿಯಲ್ಲಿ ಪಕ್ಷದಿಂದ ಅಭ್ಯರ್ಥಿ ಸ್ಪರ್ಧೆಗೆ ಇಳಿಸಲಾಗುವುದು ಅದಕ್ಕಾಗಿ ಇಂದಿನಿಂದ ಪಕ್ಷವನ್ನು ಗಟ್ಟಿಗೊಳಿಸುವ ಕೆಲಸ ಎಲ್ಲರೂ ಮಾಡಬೇಕೆಂದು ಕರೆ ನೀಡಿದರು.
ದೇಶದಲ್ಲಿ ಕಾಂಗ್ರೆಸ್ ಪಕ್ಷ ಸಂಪೂರ್ಣ ಕುಸಿದ್ದು, ಮೂಲೆ ಗುಂಪಾಗಿದೆ, ಅವರಿಂದ ಎನು ಸಾಧ್ಯವಾಗುತ್ತಿಲ್ಲ. ಅದಕ್ಕಾಗಿ ಓವೈಸಿನ್ನು ಮಾತ್ರ ವಿರೋಧಿಯಾಗಿ ನೋಡುತ್ತಿದ್ದಾರೆ. ಅವರ ಈ ಎಡಬಿಡಂಗಿ ಹೇಳಿಕೆಗೆ ನಾವು ಬೆಲೆಕೊಡಲ್ಲ. ಪಕ್ಷಕ್ಕೆ ಬಿಹಾರದಲ್ಲಿ ಸಿಕ್ಕಿರುವ ಬೆಂಬಲ ಕರ್ನಾಟಕದಲ್ಲಿ ಸಿಗಲಿದೆ ಎಂದರು.
ದಿವಂಗತ ಖಮರುಲ್ ಇಸ್ಲಾಂ ಅವರ ಕಲಬುರಗಿ ಜನರಿಗೆ ಮಾಡಿರುವ ಸೇವೆ ಅವಿಸ್ಮರಣಿಯ, ಮುದೊಂದು ದಿನ ಅವರ ಸ್ಥಾನವನ್ನು ತುಂಬಲು ಹೊಸ ನಾಯಕ ಹುಟ್ಟುತಾನೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಗೋವು ಹತ್ಯೆ ಕುರಿತು ಮತನಾಡಿದ ಅವರು ಗೋವು ಹತ್ಯೆ ನಿಷೇಧ ಕಾಯ್ದೆ ಅವೈಜ್ಞಾನಿಕತೆಯಿಂದ
ಕುಡಿದೆ, ಇದರಿಂದ ಪಶು ಪಾಲನೆ ನಡೆಸುವ ಮುಸ್ಲಿಮರು ಸೇರಿ ಬಹುತೇಕರಿಗೆ ತೊಂದರೆಗಳಿಗೆ ಸಿಲುಕಿಸಲಿದೆ, ಕಾಯ್ದೆಯ ಹೆಸರಲ್ಲಿ ಜೈಲಿಗೆ ತಳಬಹುದು, ಮನೆ ಮಟ್ಟಗಳನ್ನು ಮಾರಾಟ ಮಾಡಿ ಬಿದಿಗೆ ತಂದು ನಿಲ್ಲಿಸುವ ಅವೈಜ್ಞಾನಿಕ ಕಾಯ್ದೆ ಇದಾಗಿದೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.
ದೇಶದ 8.35 ಕೋಟಿ ಜನರು ಮಾಂಸಾಹಾರಿಗಳಾಗಿದ್ದಾರೆ, ಆಹಾರ ಪದಾರ್ಥಗಳಾದ ತೊಗರಿ, ಕಡ್ಲೆ, ಹೆಸರು ಸೇರಿದಂತೆ ಇತ್ಯದಿ ಬೆಳೆಕಾಳುಗಳ ಬೆಲೆ ಏರಿಕೆ ಗಗನಕ್ಕೆ ಏರಿದ್ದು, ಜನರಿಗೆ ಕಡಿಮೆ ಬೆಲೆಯಲ್ಲಿ ಪೌಷ್ಠಿಕಾಂಶ ಉಳ್ಳ ಆಹಾರ ಅವರ ಸೇವಿಸುವುದು ಬಿಜೆಪಿ ಅವರಿಗೆ ಇಷ್ಟವಿಲ್ಲ. ಕೊರೊನಾ ಹೆಸರಲ್ಲಿ ಅವೈಜ್ಞಾನಿಕ ಲಾಕ್ ಡೌನ್ ನಿಂದ ಸಂಕಷ್ಟದಲ್ಲಿದ್ದಾರೆ. ಕೆಲಸ ಇಲ್ಲದೆ ಪರದಾಡುತ್ತಿದ್ದಾರೆ. ಸರಕಾರದ ತಪ್ಪು ನೀತಿಯಿಂದ ದೇಶ ಹಸಿವಿನಿಂದ ನರಳುವಂತಾಗಿದೆ ಎಂದು ಅಸಮಧಾನ ಹೋರಹಾಕಿದರು.
ಜಿಲ್ಲಾಧ್ಯಕ್ಷ ರಹಿಮ್ ಮಿರ್ಚಿ, ಮಾಜಿ ಜಿ.ಪಂ ಸದಸ್ಯ ಗುರುಶಾಂತ ಪಟ್ಟೇದ್ದಾರ್, ಇಲಿಯಾಜ್ ಸೇಠ್, ಹಿರಿಯ ಪತ್ರಕರ್ತ, ಅಜಿಜುಲ್ಲಾ ಸರ್ಮಸ್ತ್, ಮಾಜಿದ್ ಪ್ಯಾರೆ, ಮೌಲಾನಾ ವಾಜೀದ್, ಪಕ್ಷದ ರಾಜ್ಯ ಅಧ್ಯಕ್ಷ ಉಸ್ಮಾನ ಗನಿ, ಹಬ್ಬಿಬ್ ಪಟೇಲ್, ಶಿರಾಜ್ ಪಟೇಲ್, ಅಬ್ದುಲ್ ಖಾದರ ಉಪಸ್ಥಿತರಿದ್ದರು.