ಸುರಪುರ: ನಗರದ ಶ್ರೀ ಪ್ರಭು ಕಲಾ, ವಿಜ್ಞಾನ & ಜೆ.ಎಮ್. ಬೊಹ್ರಾ ವಾಣಿಜ್ಯ ಪದವಿ ಮಹಾವಿದ್ಯಾಲಯದಲ್ಲಿ ನಗರಸಭೆ ನೂತನ ಅಧ್ಯಕ್ಷರಿಗೆ ಸನ್ಮಾಸ ಸಮಾರಂಭ ನಡೆಸಲಾಯಿತು.
ನಗರ ಸಭೆಯ ನೂತನ ಅಧ್ಯಕ್ಷರಾದ ಶ್ರೀಮತಿ ಸುಜಾತ ವೇಣುಗೋಪಾಲ ನಾಯಕ ಜೇವರ್ಗಿ ದಂಪತಿಗಳಿಗೆ ಸನ್ಮಾನಿಸಿ ನಂತರ, ಪ್ರಾಸ್ತಾವಿಕವಾಗಿ ಮಾತನಾಡಿದ ಪ್ರೋ. ಎಂ. ವಿಶ್ವನಾಥ ಅವರು, ನಗರ ಸ್ಥಳಿಯ ಸಂಸ್ಥೆಗಳಿಗೆ ಅಧಿಕಾರದ ವಿಕೇಂದ್ರಿಕರಣ ವರದಾನವಾಗಿದ್ದು, ಪ್ರಯುಕ್ತ ಮಹಿಳೆಯರಿಗೆ ರಾಜಕೀಯ ಅಧಿಕಾರ ಸಿಗುವಂತಾಯಿತು ಹೆಣ್ಣು ಅಬಲೆಯಲ್ಲ ಸಬಲಳು ಎನ್ನುವ ಹಾಗೆ ಅನೇಕ ರಚನಾತ್ಮಕ ಕೆಲಸಗಳು ಮಹಿಳೆಯರಿಂದ ಮುಡಿಬಂದಿರುವುದು ನಾವು ಗಮನಿಸಿದ್ದೇವೆ. ಈ ದಿಸೆಯಲ್ಲಿ ನಗರ ಸಭೆಯ ನೂತನ ಅಧ್ಯಕ್ಷರು ಅರ್ಥಪೂರ್ಣ ಕಾರ್ಯಗಳ ಮೂಲಕ ಕಾರ್ಯರಂಭ ಮಾಡಿದ್ದು ಶ್ಲಾಘನೀಯ ಎಂದರು.
ಕಾರ್ಯಕ್ರಮದಲ್ಲಿ ಮುಖ್ಯ ಅತಿಥಿಗಳಾಗಿದ್ದ ಮಾಹಾವಿದ್ಯಾಲಯದ ಉಪ-ಪ್ರಾಚಾರ್ಯರಾದ ಪ್ರೊ. ವೇಣುಗೋಪಾಲ ಜೇವರ್ಗಿಯವರು, ಅಧಿಕಾರವು ಕೇಂದಿಕೃತವಾಗುವುದರಿಂದ ಸಮಾಜದ ಸಣ್ಣ ಸಣ್ಣ ಸಮುದಾಯಗಳು ಮುಖ್ಯವಾಹಿನಿಗೆ ಬರಲು ಸಾದ್ಯವಾಗುವುದಿಲ್ಲ. ಈ ದಿಶೆಯಲ್ಲಿ ಅಧಿಕಾರ ವಿಕೇಂದ್ರಿಕರಣವು ಸಮಾಜದ ಎಲ್ಲ ವರ್ಗಗಳ ಮಹಿಳೆಯರು ಮತ್ತು ಪುರುಷರಿಗೆ ಸಮಾನ ಅಧಿಕಾರದ ಅವಕಾಶಗಳನ್ನು ಒದಗಿಸಿಕೊಡುತ್ತದೆ. ಇದರ ಪ್ರತಿಫಲವೇ ಇಂದು ಶ್ರೀಮತಿ ಸುಜಾತ ಅವರು ನಗರಸಭೆ ಅಧ್ಯಕ್ಷರಾಗಲು ಕಾರಣವಾಯಿತು ಎಂದು ನುಡಿದರು.
ಗಾಂಧಿ ಶರಣ ಹರ್ಡೇಕರ ಮಂಜಪ್ಪನವರ ಜಯಂತಿ
ಅದ್ಯಕ್ಷತೆ ವಹಿಸಿದ್ದ ಪ್ರಾಚಾರ್ಯರಾದ ಡಾ. ಎಸ್.ಎಚ್. ಹೊಸಮನಿ ಅವರು ಮಾತನಾಡಿ ಮಹಿಳಾ ಸಮುದಾಯ ಇಂದು ರಾಜಕಿಯ ಕ್ಷೇತ್ರದಲ್ಲಿ ಪ್ರವರ್ಧಮಾನಕ್ಕೆ ಬರುತ್ತಿದೆ. ರಾಜಕೀಯ ರಂಗದಲ್ಲಿ ಮಹಿಳಾ ಸಾಧಕೀಯರ ಸಾಧನೆ ಅನನ್ಯವಾದುದು ಈ ದಿಶೆಯಲ್ಲಿ ನೂತನ ನಗರ ಸಭಾ ಅಧ್ಯಕ್ಷರು ಹಲವು ಅಭಿವೃದ್ಧಿ ಕಾರ್ಯಕ್ರಗಳನ್ನು ಹಮ್ಮಿಕೊಳ್ಲುವುದರ ಮೂಲಕ ಇಂದಿನ ಮಹಿಳಾ ಸಮುದಾಯಕ್ಕೆ ಮಾದರಿಯಾಗಿದ್ದಾರೆ ಎಂದು ಬಣ್ಣಿಸಿದರು.
ಇದೇ ಸಂದರ್ಭದಲ್ಲಿ ಅತಿಥಿಯಾಗಿದ್ದ ಪ್ರೊ. ಎಮ್.ಡಿ. ವಾರಿಸ್, ಸಹಾಯಕ ಪ್ರಾಧ್ಯಾಪಕರು ಪ್ರಾಣಿಶಾಸ್ತ್ರ ವಿಭಾಗ ಅವರೂ ತಮ್ಮ ಅನಿಸಿಕೆ ಹಂಚಿಕೊಂಡರು
ವೇದಿಕೆಯ ಮೇಲೆ ಐ.ಕ್ಯೂ.ಎ.ಸಿ. ಸಂಚಾಲಕರಾದ ಡಾ. ವೈಜಿನಾಥ ಎ. ವರ್ಮಾ ಉಪಸ್ಥತರಿದ್ದರು ಕಾರ್ಯಕ್ರಮವನ್ನು ಡಾ. ಸಾಯಿಬಣ್ಣ ಎಮ್. ನಿರ್ವಹಿಸಿದರೆ, ಗುರುರಾಜ ಕುಲ್ಕರ್ಣಿ ಸ್ವಾಗತಿಸಿದರು ಹಾಗೂ ವಿಜಯಕುಮಾರ ಬಣಗಾರ ವಂದಿಸಿದರು.
ನೂತನ ಗ್ರಾಪಂ ಅಧ್ಯಕ್ಷ, ಉಪಾಧ್ಯಕ್ಷರ ಸನ್ಮಾನ